Psa 8:1 א  למנצח על-הגתית    מזמור לדוד
Psa 8:2 ב  יהוה אדנינו--    מה-אדיר שמך בכל-הארץ אשר תנה הודך    על-השמים
Psa 8:3 ג  מפי עוללים וינקים--    יסדת-עז למען צורריך    להשבית אויב ומתנקם
Psa 8:4 ד  כי-אראה שמיך    מעשה אצבעתיך-- ירח וכוכבים    אשר כוננתה
Psa 8:5 ה  מה-אנוש כי-תזכרנו    ובן-אדם כי תפקדנו
Psa 8:6 ו  ותחסרהו מעט מאלהים    וכבוד והדר תעטרהו
Psa 8:7 ז  תמשילהו במעשי ידיך    כל שתה תחת-רגליו
Psa 8:8 ח  צנה ואלפים כלם    וגם בהמות שדי
Psa 8:9 ט  צפור שמים ודגי הים    עבר ארחות ימים [ (Psalms 8:10) י  יהוה אדנינו    מה-אדיר שמך בכל-הארץ ]