Ezek 25:1 וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
Ezek 25:2 בַר אָדָם קַבֵיל נְבוּאָה עַל בְנֵי עַמוֹן וְאִתנַבִי עֲלֵיהוֹן׃
Ezek 25:3 וְתֵימַר לִבנֵי עַמוֹן קַבִילוּ פִתגָמָא דַיוי אֲלֹהִים כִדנָן אֲמַר יוי אֲלֹהִים חֲלָף דַאֲמַרת חִדוָא עַל מַקדְשִי אֲרֵי אִיתַחַל וְעַל אַרעָא דְיִשרָאֵל אֲרֵי צַדִיאַת וְעַל דְבֵית יְהוּדָה אֲרֵי הַלִיכוּ בְגָלוּתָא׃
Ezek 25:4 בְכֵין הָא אֲנָא מָסַר לִיך לִבנֵי מַדנְחָא לִירוּתָא וִיַיתְבוּן בִירָניָיתְהוֹן בִיך וְיִגְדוּן״וִיגָרוּן#3#״ בִיך מַשכְנֵיהוֹן אִנוּן יֵיכְלוּן טוּב אַרעִיך וְאִנוּן יִבְזוּן נִיכסָך׃
Ezek 25:5 וְאַתֵין יָת רַבָה לִמדוֹר גַמלִין וְיָת בְנֵי עַמוֹן לְבֵית מִישרֵי עַדרִין דְעַן וְתִדְעוּן אֲרֵי אֲנָא יוי׃
Ezek 25:6 אֲרֵי כִדנָן אֲמַר יוי אֲלֹהִים חֲלָף דִטפַחתָא בִידָך וֻרפַסתָא בְרַגלָך וַחדִיתָא בְכָל נִיפוּח״צִיפוּחַ#3#״ נְפַש עַל אַרעָא דְיִשרָאֵל׃
Ezek 25:7 בְכֵין הָאֲנָא מְרִים יָת מַחַת גְבוּרְתִי עֲלָך וְאַתְנִינָך לְבִיזָא לְעַמְמַיָא וַאִשֵיצֵינָך מִבֵינֵי עַמְמַיָא וְאַבְדִינָך״וַאְבַדְרִינַך#3#״ מִן מִדִינָתָא אֲצָדֵינָך וְתִידַע אֲרֵי אֲנָא יוי׃
Ezek 25:8 כִדנָן אֲמַר יוי אֲלֹהִים חֲלַף דַאֲמַרוּ מוֹאֲבָאֵי וְסֵעִיר מָא שְנוֹ מִכָל עַמְמַיָא דְבֵית יְהוּדָה׃
Ezek 25:9 בְכֵין הָאֲנָא תָבַר יָת תְקוֹף מוֹאָב מִקִירוֵיהוֹן מִכַרכֵיהוֹן עַד פַצחֵיהוֹן חַדוָת אַרעֲהוֹן בֵית יְשִימוֹת בַעַל מְעוֹן וְקִריָתָיִם׃
Ezek 25:10 \בְנֵי מַדנְחָא יֵיתוֹן ״לבני קדם#3#״ עַל בְנֵי עַמוֹן וְאַמסְרִינַה״וְאַתְנִינַה#3#״ לְירוּתָא בְדִיל דְלָא יְהֵי דוּכרַן בְנֵי עַמוֹן בְעַמְמַיָא׃
Ezek 25:11 וֻבמוֹאָב אַעֲבֵיד פוֹרעָנוּת דִינִין וְיִדְעוּן אֲרֵי אֲנָא יוי׃
Ezek 25:12 כִדנָן אֲמַר יוי אֲלֹהִים חֲלַף דֲעַבַדוּ אֲדוֹמָאֵי בִתקוֹף פוֹרעָנוּ לְבֵית יְהוּדָה וְחָבוּ חוֹבָא וְאִתפְרַעוּ מִנְהוֹן׃
Ezek 25:13 בְכֵין כִדנָן אֲמַר יוי אֲלֹהִים וַאֲרֵים מַחַת גְבוּרְתִי עַל אֲדוֹם וַאֲשֵיצֵי מִנַה אֲנָשָא וֻבעִירָא וְאַתְנִינַה חָרבָא מִדָרוֹמָא וְיָתְבֵי דְדָן בְחַרבָא יִתקַטלוּן׃
Ezek 25:14 וְאַתֵין יָת פוֹרעַנוּתִי בַאֲדוֹם בְיַד עַמִי יִשרָאֵל יִתמַסרוּן וְיִתפַרעוּן מִן אֲדוֹם״אַרעָא#3#״ כְרוּגזִי וֻכחִמתִי וְיִדְעוּן יָת פוֹרעָנוּתִי אֲמַר יוי אֲלֹהִים׃
Ezek 25:15 כִדְנָן אֲמַר יוי אֲלֹהִים חֲלָף דַעֲבַדוּ פְלִשתָאֵי בִדבָבוּ וְאִתפְרַעוּ פוֹרעָנוּ בְצִיפוּח נְפַש בְדִיל לְחַבָלָא דְבָבוּת עָלַם׃
Ezek 25:16 בְכֵין כִדְנָן אֲמַר יוי אֲלֹהִים הָאֲנָא מְרִים מַחַת גְבוּרְתִי עַל פְלִשתָאֵי וַאֲשֵיצֵי יָת עָמָא דְחַייָבִין״דארע חייבין#3#״ לְאִשתֵיצָאָה וְאוֹבֵיד יָת שְאָר סְפַר יַמָא׃
Ezek 25:17 וְאַעֲבֵיד בְהוֹן פוֹרעָנָוָן רַברְבָן בִתקוֹף רְגַז וְיִדְעוּן אֲרֵי אֲנָא יוי \כַד אַתֵין ״בדאתן#3#״ יָת פוֹרעָנוּתִי בְהוֹן׃