Ezek 10:1 וַחֲזֵית וְהַא בִרקִיעָא דְעַל רֵיש כְרוּבַיָא כְאַבַן טָבָא כְחֵיזוּ דְמוּת כֻרסְיָא אִתַחזִי עֲלֵיהוֹן׃
Ezek 10:2 וַאֲמַר לְגֻברָא דְלָבֵיש לְבוּשַיָא וַאֲמַר עוֹל לְבֵינֵי גִלגָלָא״גלגליא#3#״ לִתחוֹת כְרוּבָא״כרוביא#3#״ וֻמלֵי חוּפנָך גוּמרִין דְאִישָא מִבֵינֵי כְרוּבַיָא וֻזרוֹק עַל קַרתָא וְעָל וַאֲנָא חָזֵי׃
Ezek 10:3 וֻכרוּבַיָא קָיְמִין מִדָרוֹם״מִדָרוֹמָא#3#״ לְבֵיתָא בְמֵיעַל גֻברָא וַעֲנַן אֲמִיטְתָא אִתמְלִיאַת יָת דָרְתָא גָוָיתָא׃
Ezek 10:4 וְאִסתַלַק יְקָרָא דַיוי בִכרוּבָא דְהֲוָה שְרֵי עַלוֹהִי״עלווהי#3#״ וֻשרָא מֵעֵיל לָקְֹבֵיל סְקוּפַת בֵיתָא וְאִתמְלִי בֵיתָא יָת עֲנַן אֲמִטְתָא וְדָרְתַא אִתמְלִיאַת יָת זֵיהוֹר יְקָרָא דַיוי׃
Ezek 10:5 וְקָל גַפֵי״כַנפֵי#3#״ כְרוּבַיָא אִשתְמַע עַד דָרְתָא בָרָיתָא כְקָלָא מִן קְֹדָם שַדַי בְמִלוּלָא׃
Ezek 10:6 וַהֲוָה בְפַקָדוּתֵיה״כפקידותיה#3#״ יָת גֻברָא דְלָבֵיש לְבוּשַיָא לְמֵימַר סַב אִישָתָא מִבֵינֵי גִלגָלָא מִבֵינֵי כְרוּבַיָא וְעָל וְקָם בִסטַר גִלגָלָא״גִלגְלַיָא#3#״׃
Ezek 10:7 וְאוֹשֵיט כְרוּבָא יָת יְדֵיה מִבֵינֵי כְרוּבַיַא לְאִישָתָא״לאשא#3#״ דְבֵינֵי כְרוּבַיָא וֻנסֵיב וִיהַב לְחָפנֵי דְלָבֵיש לְבוּשַיָא וֻנסֵיב וֻנפַק׃
Ezek 10:8 וְאִתחֲזִי לִכרוּבַיָא דְמוּת יַד אֲנָשָא תְחוֹת גַפֵיהוֹן׃
Ezek 10:9 וַחזֵית וְהָא אַרבְעָה״ארבע#3#״ גִלגְלַיָא בִסטַר כרוּבַיָא גַלגַל חַד בִסטַר כְרוּבָא חַד וְגַלגַל חַד בִסטַר כְרוּבָא חַד וְחֵיזוּ גִלגְלַיָא כְעֵין אַבַן טָבָא׃
Ezek 10:10 וְחַזוֵיהוֹן דְמוּת חַד לְאַרבַעתֵיהוֹן כְמָא דְהָוֵי גַלגַל בְגוֹ גַלגַל׃
Ezek 10:11 בְמֵיזַלהוֹן עַל אַרבְעָה״ארבעת#3#״ארבע#3#״ סִטרֵיהוֹן אָזְלִין לָא מִתחַזרִין בְמֵיזַלהוֹן אֲרֵי לְאַתרָא דְמִתפְנֵי קַדמָאָה בָתְרוֹהִי אָזְלִין לָא מִתחַזרִין בְמֵיזַלהוֹן׃
Ezek 10:12 וְכָל בִסרְהוֹן וְגַבֵיהוֹן וְאַשדָתְהוֹן וְכַנפֵיהוֹן וְגִלגְלַיָא מְלַן עֵינִין סְחוֹר סְחוֹר לְאַרבַעתֵיהוֹן דְגִלגְלַיָא׃
Ezek 10:13 לְאוֹפַנַיָא לְהוֹן אִתקְרִי״יתקרי#3#״ גִלגָלָא״גִלגְלַיָא#3#״ וַאֲנָא שָמַע׃
Ezek 10:14 וְאַרבְעָה אַפִין לְחַד״לחדא#3#״ אַפֵי״אַפָא#3#״ חַד אַפֵי כְרוּבָא וְאַפֵי תִניָנָא אַפֵי אֲנָשָא וֻתלִיתָאָה אַפֵי אַריָא וֻרבִיעָאָה אַפֵי נִשרָא׃
Ezek 10:15 וְאִתָרַמוּ כְרוּבַיָא אִנִין בִריָתָא דַחזֵיתִי בִנהַר כְבָר׃
Ezek 10:16 וֻבמֵיזַל כְרוּבַיָא אָזְלִין גִלגְלַיָא לְקִבלְהוֹן וֻבמִטַל כְרוּבַיָא יָת גַפֵיהוֹן לְאִתָרָמָא כְמִלְרַע לְרוּם שְמַיָא לָא מִתחַזרִין גִלגְלַיָא אַף אִנוּן מִקִבלְהוֹן׃
Ezek 10:17 בִמקָמְהוֹן קָיְמִין וֻבאִתרוֹמֵיהוֹן״ובאתרמותהון#3#״ מִתָרְמִין עִמְהוֹן אֲרֵי כְרוּחַ״ברוח#3#״רוח#3#״ בִריָתָא בְהוֹן׃
Ezek 10:18 וְאִסתַלַק יְקָרָא דַיוי דַהֲוָה שְרֵי מֵעֵיל לָקְֹבֵיל סְקוּפַת בֵיתָא וֻשרָא עַל כְרוּבַיָא׃
Ezek 10:19 וֻנטַלוּ כְרוּבַיָא יָת גַפֵיהוֹן״אפיהון#3#״כנפיהון#3#״ וְאִתָרַמוּ כְמִילְרַע לְרוּם שְמַיָא וַאֲנָא חָזֵי בְמִפַקהוֹן וְגִלגְלַיָא לְקִבלְהוֹן וְקָם בְמַעֲלַנָא דִתרַע בֵית מַקדְשָא דַיוי מַדנְחָאָה וִיקָר אֲלָהָא דְיִשרָאֵל עֲלֵיהוֹן מִלְעֵילָא׃
Ezek 10:20 אִינִין בִריָתָא דַחֲזֵיתִי תְחוֹת יְקָר אֲלָהָא דְיִשרָאֵל בִנהַר כְבָר וִידַעִית אֲרֵי כְרוּבַיָא אִינוּן׃
Ezek 10:21 \אַרבְעָה אַרבְעָה ״ארבע ארבע#3#״ אַפִין לְחַד וְאַרבְעָה״וארבע#3#״ גַפִין לְחַד וֻדמוּת יְדֵי״יד#3#״ אֲנָשָא תְחוֹת גַפֵיהוֹן׃
Ezek 10:22 וֻדמוּת אַפֵיהוֹן אִינוּן אַפַיָא דַחֲזֵיתִי עַל נְהַר כְבָר חַזוֵיהוֹן וְאִנוּן בִריָא״בריתא#3#״ לָקְֹבֵיל אַפַהָא אָזְלָא׃