Ezek 22:1 וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
Ezek 22:2 וְאַת בַר אָדָם הֲתוֹכַח הֲתוֹכַח יָת קַרתָא דְאַשְדֵי דַם זַכַי בְגַוַה וְחַוִי לַה יָת כָל תוֹעֵיבָתַהָא׃
Ezek 22:3 וְתֵימַר כִדְנָן אֲמַר יוי אֲלֹהִים קַרתָא דְאַשְדֵי דַם זַכַי בְגַוַה מְטָא עִדָן תְבָרַה וֻדפָלְחִין לְטָעֲוָתָא בְגָוָה בְדִיל לְסַאָבוּתָה׃
Ezek 22:4 בְחוֹבַת דַם זַכַי דַאֲשַדת חַבת וֻבפֻלחַן טָעֲוָתִיך דִפלַחת אִסתָאַבת וְקָרֵיב יוֹם תְבָרִיך וֻמטָא עִדָן בִשתִיך עַל כֵין יְהַבתִיך חִסוּדִין לְעַמְמַיָא וֻלעֵיב לְכָל מִדִינָתָא׃
Ezek 22:5 דְקָרִיבָן וֻדרַחִיקָן מִנִיך יִתלַעבָן״יתעלבן#3#״ בִיך סוֹאֲבָת שְמָא דְסַגִיאָן אִתרְגוֹשְתַהָא׃
Ezek 22:6 הָא רַברְבֵי יִשרָאֵל גְבַר לְתֻקפֵיה הֲווֹ בִיך בְדִיל לְמִשפַך דַם זַכַי׃
Ezek 22:7 אַבָא וְאִמָא אֲקִילוּ בִיך לְגִיוֹרָא אֲנַסוּ״עְבַדוּ#3#״ אוּנסָא בְגַוִיך יַתמִין וְאַרמְלָן אוֹנִיאוּ בִיך׃
Ezek 22:8 עַל קוּדשִי בַסַרת וְיָת יוֹמֵי שַבַיָא דִילִי אַחֵלת׃
Ezek 22:9 גֻברֵי אָכְלֵי קִרצָא הֲווֹ בִיך בְדִיל לְמִשפַך דַם זַכַי וֻבטוּרַיָא פְלַחוּ בִיך לְטָעֲוָתָא עֵיצַת חֲטִין עֲבַדוּ בְגַוִיך״ביך#3#״׃
Ezek 22:10 עַריַת אַבָא גָלִיוּ בִיך אִתָא טֻמאָה עַנִיוּ בִיך׃
Ezek 22:11 וֻגבַר יַת אִיתַת חַברֵיה עֲבַד תוֹעֵיבָא וֻגבַר יָת כַלְתֵיה סַאֵיב בְעֵיצַת חֲטִין וֻגבַר יָת אֲחָתֵיה בַת״ברת#3#״ אֲבוּהִי עַנֵי בִיך׃
Ezek 22:12 שֻחדָא קַבִילוּ בִיך בְדִיל לְמִשפַך דַם זַכַי חִבוּליָא וְרִבִיתָא נְסַבת וְאַהנֵית רָחֲמַך בְאוּנסָא״בְעֻשקָא#3#״ וֻפֻלחָנִי שְבַקת אֲמַר יוי אֲלֹהִים׃
Ezek 22:13 וְהָא אֵיתִיתִי פוֹרעָנוּתִי עֲלַך בְחוֹבֵי מָמוֹן אוּנסִיך דַאֲנַסת וְעַל דַם זַכַי דְאִשתְפֵיך בְגַוִיך׃
Ezek 22:14 הֲיִתקַף לִבִיך אִם יִתחַסְנָן יְדָך לְיוֹמַיָא דַאֲנָא עַתִיד לְמַעֲבַד עִמִיך אֲנָא יוי גְזַרִית בְמֵימְרִי וַאֲקַיֵים׃
Ezek 22:15 וְאַגלֵי יָתִיך לְבֵינֵי עַמְמַיָא וַאְבַדְרִנִיך בִמדִינָתָא וַאֲסֵיף סְאוֹבְתִיך מִנִיך׃
Ezek 22:16 וְאַתקַדַש בִיך לְעֵינֵי עַמְמַיָא וְתִדְעִין אֲרֵי אֲנָא יוי׃
Ezek 22:17 וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
Ezek 22:18 בַר אָדָם הֲווֹ קְֹדָמַי בֵית יִשרָאֵל לִפסוֹלָא כוּלְהוֹן כְמָא דִמעָרַב נְחָש וֻבעֵיץ״ועבץ#3#״ וֻבַרזַל וַאֲבָר בְגוֹ כוּרָא לִפסוֹלַת כַספָא הֲווֹ׃
Ezek 22:19 בְכֵין כִדְנָן אֲמַר יוי אֲלֹהִים חֲלָף דַהֲוֵיתוֹן כוּלְכוֹן לִפסוֹלָא בְכֵין הָאֲנָא כָנֵיש יָתְכוֹן לְגוֹ יְרוּשלַם׃
Ezek 22:20 כְמִכנַש כְסַף וֻנחָש וֻבַרזַל וַאֲבָר וֻבעֵיץ לְגוֹ כוּרָא לְאַתקָפָא עֲלוֹהִי נוּרָא לְאַמסָיוּתֵיה כֵין אֲכַנֵיש בְרֻגזִי וֻבחִמתִי וַאֲסִיף וַאֲשֵיצֵי יָתכוֹן׃
Ezek 22:21 וַאֲכַנֵיש יָתְכוֹן וְאַתקֵיף עֲלֵיכוֹן בְאִישָת פוֹרעָנוּתִי וְתִתמְסוֹן בְגָוָה׃
Ezek 22:22 כְאִתמְסָאָה כַספָא בְגוֹ כוּרָא כֵין תִתמְסוּן בְגַוַה וְתִדְעוּן אֲרֵי אֲנָא יוי שְפַכִית חִמתִי עֲלֵיכוֹן׃
Ezek 22:23 וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
Ezek 22:24 בַר אָדָם אֵימַר לַה אַת אַרעָא דְיִשרָאֵל אֲרַע לָא מִדַכיָא הִיא לָא אִתעֲבִידוּ בַה עוּבָדִין טָבִין דְיַגְנוּן עֲלַה בְיוֹם לְוָט׃
Ezek 22:25 ​סִיעַת סַפְרַהָא בְגַוַה כְאַריָוָן נָהֲמִין לְמִקטַל קְטוֹל אֲנָשָא קְטַלוּ עוֹתַר וִיקָר נְסִיבוּ אַרמְלָתַהָא אַסגִיוּ בְגַוַה׃
Ezek 22:26 כָהֲנַהָא״כָהֲנַיָא#2#״ חָטְפִין בְאוֹרָיתִי וֻמַפְסִין קֻדשִי בֵין קוּדשָא לְחוּלָא לָא אַפרִישוּ וֻבֵין מְסָאֲבָא לְדַכיָא לָא הוֹדַעוּ וֻמִיוֹמֵי שַבַיָא דִילִי כְבַשוּ עֵינֵיהוֹן וְחַלַת רְעוּתִי בֵינֵיהוֹן׃
Ezek 22:27 רַברְבַהָא בְגַוַה כְדֵיבִין חָטְפֵי חֲטוֹף לְמִשפַך דַם זַכַי לְאַבָדָא נַפשָן בְדִיל לְקַבָלָא מָמוֹן דִשקַר׃
Ezek 22:28 וֻנבִיֵי שִקרָא דִבגַוַה דָמַן לִדבָנֵי מְחִצָא וְשָעָע לֵיה פַטִיר דְלָא תְבַן מִתנַבַן שְקַר וֻמַלְפִין לְהוֹן כַדבִין אָמְרִין כִדנָן אֲמַר יוי אֲלֹהִים וֻמִן קְֹדָם יוי לָא אִתמַלַל׃
Ezek 22:29 עַמָא דְאַרעָא עֲשַקוּ עֻשקַא וֻגזַלוּ גְזֵילַא וֻמִסכֵין וָחַשִיך אוֹנִיאוּ וֻלגִיוֹרָא אֲנַסוּ בְלָא כְדַחזֵי׃
Ezek 22:30 וְאִתבְעֵי מִנְהוֹן קְֹדָמַי גְבַר דְלֵיה עוּבָדִין טָבִין דִיקוּם בְתִרעֲתָא קְֹדָמַי וְיִבעֵי רַחֲמִין עַל עַמָא דְאַרעָא בְדִיל דְלָא לְחַבָלוּתָה וְלָא אַשכַחִית׃
Ezek 22:31 וֻשפַכִית עֲלֵיהוֹן חִמתִי בְאִישָת פוֹרָענוּתִי שֵיצֵיתִינוּן פוֹרעָנוּת אוֹרַחהוֹן בְרֵישְהוֹן יְהַבִית אֲמַר יוי אֲלֹהִים׃