Ps 101:1 על יד דוד תושבחתא אין חסדא את גמיל עמי אין דינא את עבד עמי על כולא אשבח קדמך יהוה אזמר׃
Ps 101:2 אמר אלהא אשכלינך באורח שלים אימתי תיעול לוותי אמר דוד אתהלך בשלימות לבבי בגו בית אולפני׃
Ps 101:3 לא אשוי ללבי״לקביל עיני#1#״ מלתא דרשיעא עבדי בישין ושטין״וסטיין#1#״ מן פיקודיא סניתי לא ידבקון בי׃
Ps 101:4 ליבא עוקמנא יעדי מיני יצרא בישא לא אדע׃
Ps 101:5 דמישתעי לישן תליתאי על חבריה יתיה אמגר״אגמר#1#״ וילקי בצירעתא דאזיל בגסות עיינין עימיה לא אדור בעלמא׃
Ps 101:6 עיני בקשיטי ארעא למיתב במחיצת צדיקי דאזל באורחא שלים הוא יקום עם שמשי׃
Ps 101:7 לא יתיב״יתיתיב#1#״ במצע בית מוקדשי עביד נכילו די ממלל שיקרין לית ליה רשו לאתכונא קבל עייני׃
Ps 101:8 לעלמא דאתי דאמתיל לנהור צפריא אמגר״אגמר#1#״ כל רשיעי ארעא לשיצאה מן ירושלם קרתא דיהוה כל עבדי שקר׃