Ps 75:1 לשבחא בזמן די אמר דוד לא תחבל עמך תושבחתא על ידוי דאסף ושירא׃
Ps 75:2 אודינן לך יהוה אודינן וקריב שמך אישתעיו פרישותך׃
Ps 75:3 ארום אירוע זמנא אנא תריצן אדון׃
Ps 75:4 מיתמססין״מתמסמסין#1#״ דיירי ארעא וכל יתבהא אנא אתקינית עמודהא לעלמין׃
Ps 75:5 אמרית למתלעבין לא תתלעבון \ורשיעיא לא תרימון ״ובזוזיא לא תזקפון#1#״ איקר׃
Ps 75:6 לא תרימון״תזקפון#1#״ למרומא איקרכון אתון״אינון#1#״ די ממללין בתוקפא ובגידופין׃
Ps 75:7 ארום לית בר מיני ממדינחא ועד מערבא ולא מן צפונא בית מדבריא ומן דרומא אתר טורייא׃
Ps 75:8 ארום אלהא דיין זכאי דנן״דין#1#״ ימאיך ודנן״ודין#1#״ ירומם׃
Ps 75:9 ארום כס לוט ביד יהוה וחמר עשין מלא מזיגת מרירותא לטלטלה מדעא די רשיעיא ממה דש{ד}י מיניה וקשי מן דין קדמאין ברם דורדייהא״ודורייהא#1#״ ופקטייהא ימצצון ישתון כל רשיעי ארעא׃
Ps 75:10 ואנא אתני לעלם ניסיא אשבח לאלהא דיעקב׃