Ps 96:1 שבחו קדם יהוה תושבחתא חדתא שבחו אנגלי מרומא שבחו קדם יהוה כל צדיקי ארעא׃
Ps 96:2 שבחו קדם יהוה בריכו שמיה בשרון מיומא ליומא פורקניה׃
Ps 96:3 אישתעיו בעממיא איקריה בכל עמיא״עממיא#1#״ פרישותיה׃
Ps 96:4 ארום רב יהוה ומשבח לחדא ודחיל הוא על כל אלהא׃
Ps 96:5 ארום כל דחלת עממיא טעותא ויהוה שמיא עבד׃
Ps 96:6 שבחא ושיבהורא קדמוי עושנא ותושבחא״ואודיצותא#1#״ בבית מקדשיה׃
Ps 96:7 הבו״איהבו#1#״ זמר קדם יהוה יחוסי עמיא הבו״איהבו#1#״ קדם יהוה איקר ועושנא׃
Ps 96:8 הבו״איהבו#1#״ קדם יהוה איקר ורוממו שמיה {ת}וברו ושוברו תיקרובתא ועולו לקדמוי לדרתוי׃
Ps 96:9 סגודו קדם יהוה בשיבהורת קודשא רת{ו}תו מן קדמיה כל יתבי ארעא׃
Ps 96:10 אמרו בעמיא״בעממיא#1#״ יהוה מלך לחוד תקין תבל דלא תתמוטט״תזוע#1#״ ידין עמיא בתירוצא׃
Ps 96:11 יחדון חיילי דשמיא וידוצון צדיקי ארעא יכלי ימא ומלייה׃
Ps 96:12 יביע״יבוע#1#״ תושבחא חקל וכל די ביה הבכן״אדין#1#״ ישבחון כל אילני חורשא׃
Ps 96:13 קדם יהוה ארום אתא ארום אתא למידן ארעא ידון תבל בצדקתא״בזכו#1#״ ועמיא״ועממיא#1#״ בהימנותיה׃