Allepo, 1 Chronicles, Chapter 25

1Ch 25:1 א ויבדל דויד ושרי הצבא לעבדה לבני אסף והימן וידותון הנביאים (הנבאים) בכנרות בנבלים ובמצלתים ויהי מספרם אנשי מלאכה לעבדתם
1Ch 25:2 ב לבני אסף זכור ויוסף ונתניה ואשראלה--בני אסף  על יד אסף הנבא על ידי המלך
1Ch 25:3 ג לידותון--בני ידותון גדליהו וצרי וישעיהו חשביהו ומתתיהו ששה על ידי אביהם ידותון בכנור הנבא על הדות והלל ליהוה  {ס}
1Ch 25:4 ד להימן--בני הימן בקיהו מתניהו עזיאל שבואל וירימות חנניה חנני אליאתה גדלתי ורממתי עזר ישבקשה מלותי הותיר מחזיאת
1Ch 25:5 ה כל אלה בנים להימן חזה המלך בדברי האלהים--להרים קרן ויתן האלהים להימן בנים ארבעה עשר--ובנות שלוש
1Ch 25:6 ו כל אלה על ידי אביהם בשיר בית יהוה במצלתים נבלים וכנרות לעבדת בית האלהים--על ידי המלך אסף וידותון והימן
1Ch 25:7 ז ויהי מספרם עם אחיהם מלמדי שיר ליהוה  כל המבין--מאתים שמונים ושמונה
1Ch 25:8 ח ויפילו גורלות משמרת לעמת כקטן כגדול--מבין עם תלמיד  {פ}
1Ch 25:9 ט ויצא הגורל הראשון לאסף--ליוסף  {ס}  גדליהו השני--הוא ואחיו  {ר} ובניו שנים עשר  {ס}
1Ch 25:10 י השלשי זכור בניו ואחיו שנים  {ר} עשר  {ס}
1Ch 25:11 יא הרביעי ליצרי--בניו ואחיו שנים עשר  {ס}
1Ch 25:12 יב החמישי  {ר} נתניהו בניו ואחיו שנים עשר  {ס}
1Ch 25:13 יג הששי בקיהו בניו ואחיו שנים  {ר} עשר  {ס}
1Ch 25:14 יד השבעי ישראלה בניו ואחיו שנים עשר  {ס}
1Ch 25:15 טו השמיני  {ר} ישעיהו בניו ואחיו שנים עשר  {ס}
1Ch 25:16 טז התשיעי מתניהו בניו ואחיו  {ר} שנים עשר  {ס}
1Ch 25:17 יז העשירי שמעי בניו ואחיו שנים עשר  {ס}
1Ch 25:18 יח עשתי  {ר} עשר עזראל בניו ואחיו שנים עשר  {ס}
1Ch 25:19 יט השנים עשר לחשביה  {ר} בניו ואחיו שנים עשר  {ס}
1Ch 25:20 כ לשלשה עשר שובאל בניו ואחיו שנים  {ר} עשר  {ס}
1Ch 25:21 כא לארבעה עשר מתתיהו בניו ואחיו שנים עשר  {ס}
1Ch 25:22 כב לחמשה  {ר} עשר לירמות בניו ואחיו שנים עשר  {ס}
1Ch 25:23 כג לששה עשר לחנניהו בניו  {ר} ואחיו שנים עשר  {ס}
1Ch 25:24 כד לשבעה עשר לישבקשה בניו ואחיו שנים  {ר} עשר  {ס}
1Ch 25:25 כה לשמונה עשר לחנני בניו ואחיו שנים עשר  {ס}
1Ch 25:26 כו לתשעה  {ר} עשר למלותי בניו ואחיו שנים עשר  {ס}
1Ch 25:27 כז לעשרים לאליתה--בניו  {ר} ואחיו שנים עשר  {ס}
1Ch 25:28 כח לאחד ועשרים להותיר בניו ואחיו שנים  {ר} עשר  {ס}
1Ch 25:29 כט לשנים ועשרים לגדלתי בניו ואחיו שנים עשר  {ס}
1Ch 25:30 ל לשלשה  {ר} ועשרים למחזיאות בניו ואחיו שנים עשר  {ס}
1Ch 25:31 לא לארבעה ועשרים  {ר} לרוממתי עזר בניו ואחיו שנים עשר  {פ}