Acts 22:1 ‏אַחָא וַאבָהָתָא שמַעו מַפַּק בּרֻוח דַּלוָתכֻון ׃
Acts 22:2 ‏וכַד שמַעו דּעֶברָאיִת ממַלֶל הוָא עַמהֻון יַתִּירָאיִת בּהֶלו וֶאמַר להֻון ׃
Acts 22:3 ‏אֶנָא גַּברָא אֶנָא יִהֻודָיָא וִילִיד אֶנָא בּטַרסָוס דּקִילִיקִיַא אֶתרַבִּית דֶּין בּהָדֶא מדִינתָּא עַל גָּנֶב רֶגלַוהי דּגַמַלִיאיֶל וֶאתרדִית גּמִירָאיִת בּנָמֻוסָא דַּאבָהָתַן וִאיתַי הוִית טנָנָא דַּאלָהָא אַיך מָא דָּאף אַנתֻּון כֻּלכֻון אִיתַיכֻּון ׃
Acts 22:4 ‏וַלהָדֶא אֻורחָא רֶדפֶּת עדַמָא למַותָּא כַּד אָסַר הוִית ומַשלֶם הוִית לבֶית אַסִירָא גַּברָא ונֶשֶא ׃
Acts 22:5 ‏אַיך מָא דּסָהֶד עלַי רַב־כָהנָא וכֻלהֻון קַשִישָא דּמֶנהֻון קַבּלֶת אֶגַּרתָּא דָּאזֶל לוָת אַחָא דַּבדַרמסֻוק דָּאף להָנֻון דִּאית הוַו תַּמָן אַיתָּא אֶנֻון לֻאורִשלֶם כַּד אַסִירִין וַנקַבּלֻון מסָם בּרִשָא ׃
Acts 22:6 ‏וכַד אֶזַל הוִית ושַרִית ממַטֶא אֶנָא לדַרמסֻוק בּפֶלגֶּה דּיַומָא מַן תּחֶית שַליָא מַן שמַיָא אַזלֶג עלַי נֻוהרָא סַגִּיָאא ׃
Acts 22:7 ‏ונֶפלַת עַל אַרעָא ושֶמעֶת קָלָא דֶּאמַר הוָא לִי שָאוָל שָאוָל מָנָא רָדֶף אַנתּ לִי ׃
Acts 22:8 ‏אֶנָא דֶּין ענִית וֶאמרֶת מַן אַנתּ מָרי והֻו אָמַר לִי אֶנָא הֻו יֶשֻוע נָצרָיָא דַּאנתּ רָדֶף אַנתּ ׃
Acts 22:9 ‏ואנָשָא דִּאית הוַו עַמי חזַו נֻוהרָא קָלָא דֶּין לָא שמַעו דּהֻו דַּממַלֶל הוָא עַמי ׃
Acts 22:10 ‏וֶאמרֶת מָנָא אֶעבֶּד מָרי ומָרַן אָמַר לִי קֻום זֶל לדַרמסֻוק ותַמָן נֶתמַלַל עַמָך עַל כֻּל מֶדֶּם דּמֶתפּקֶד לָך דּתֶעבֶּד ׃
Acts 22:11 ‏וכַד לָא מֶתחזֶא הוָא לִי מֶטֻל תֶּשבֻּוחתֶּה דּנֻוהרָא הֻו אַחדֻּוני בִּאידַי הֶנֻון דּעַמי הוַו ועֶלַת לדַרמסֻוק ׃
Acts 22:12 ‏וגַברָא חַד חַנַניָא כִּאנָא בּנָמֻוסָא אַיך דּסָהדִּין הוַו עלַוהי כֻּלהֻון יִהֻודָיָא דּתַמָן ׃
Acts 22:13 ‏אָתָא לוָתי וֶאמַר לִי שָאוָל אָחי פַּתַּח עַינַיךּ ובֶה בּשָעתָא אֶתפַּתַּח עַינַי וחָרַת בֶּה ׃
Acts 22:14 ‏וֶאמַר לִי אַלָהָא דַּאבָהָתַן אַקִימָך למֶדַּע צֶביָנֶה ותֶחזֶא לזַדִּיקָא ותֶשםַע קָלָא מַן פֻּומֶה ׃
Acts 22:15 ‏ותֶהוֶא לֶה סָהדָּא לוָת כֻּלהֻון בּנַינָשָא עַל כיל מָא דַּחזַיתּ ושֶמעֶת ׃
Acts 22:16 ‏והָשָא מָנָא מֶשתַּוחַר אַנתּ קֻום עָמֶד וֶאתּדַּכָּא מַן חטָהַיךּ כַּד קרָא אַנתּ שמֶה ׃
Acts 22:17 ‏והֶפכַּת אֶתִית לכָא לֻאורִשלֶם וצַלִית בּהַיכּלָא ׃
Acts 22:18 ‏וַחזִיתֶה בּחֶזוָא כַּד אָמַר לִי אֶסתַּרהב ופֻוק לָך מַן אֻורִשלֶם מֶטֻל דָּלֶא מקַבּלִין סָהדֻּותָך דַּעלַי ׃
Acts 22:19 ‏וֶאנָא אֶמרֶת מָרי אָף הֶנֻון יָדעִין דֶּאנָא מַשלֶם הוִית לבֶית אַסִירָא ומַחֶא הוִית בּכֻל כּנֻושָן לַאילֶין דַּמהַימנִין הוַו בָּך ׃
Acts 22:20 ‏וכַד מֶתֶאשֶד הוָא דּמֶה דֶּאסטֶפַנָס סָהדָּך וָאף אֶנָא עַמהֻון קָאֶם הוִית וַשלֶם הוִית לצֶביָנהֻון דּקָטֻולַוהי וַנטַר הוִית מָאנָא דַּאילֶין דּרָגמִין הוַו לֶה ׃
Acts 22:21 ‏וֶאמַר לִי זֶל דֶּאנָא משַדַּר אֶנָא לָך לרֻוחקָא למַכרָזֻו לעַממֶא ׃
Acts 22:22 ‏וכַד שַמעֻוהי לפַּולָוס עדַמָא להָדֶא מֶלתָא אַרִימו קָלהֻון וַקעַו נֶשתּקֶל מַן אַרעָא אַינָא דּהָכַנָא הֻו לָא גֶּיר וָלֶא לֶה למֶחָא ׃
Acts 22:23 ‏וכַד מבַגּנִין הוַו וַמשַדֶּין הוַו מָאנַיהֻון ומַסקִין הוַו חַלָא לַשמַיָא ׃
Acts 22:24 ‏פּקַד כִּלִיַרכָא דּנַעלֻונֶה למַשרִיתָא וַפקַד דַּבנֶגדֶּא נֶשתַּאַל אַיך דּנֶדַּע מֶטֻל אִידָא עֶלתָא קָעֶין הוַו עלַוהי ׃
Acts 22:25 ‏וכַד מַתחֻוהי בּעַרקֶא אָמַר הֻו פַּולָוס לקֶנטרֻונָא דּקָאֶם הוָא עלַוהי מֶפַּס לכֻון דַּלגַברָא רֻהומָיָא דָּלֶא מחַיֶב דַּתנַגּדֻון ׃
Acts 22:26 ‏וכַד שָםַע קֶנטרֻונָא קרֶב לוָת כִּלִיַרכָא וֶאמַר לֶה מָנָא עָבֶד אַנתּ הָנָא גֶּיר גַּברָא רֻהומָיָא הֻו ׃
Acts 22:27 ‏וַקרֶב לוָתֶה כִּלִיַרכָא וֶאמַר לֶה אָמַר לִי אַנתּ רֻהומָיָא אַנתּ וֶאמַר לֶה אִין ׃
Acts 22:28 ‏וַענָא כִּלִיַרכָא וֶאמַר אֶנָא בּכֶספָּא סַגִּיָאא קנִיתָה לרֻהומָיֻותָא אָמַר לֶה פַּולָוס אֶנָא דֶּין אָף בֶּה אֶתִילֶדּתּ ׃
Acts 22:29 ‏ומֶחדָא פּרַקו להֻון מֶנֶה הֶנֻון דּבָעֶין הוַו לַמנַגָּדֻותֶה ודָחֶל כִּלִיַרכָא כַּד יִלֶף דּרֻהומָיָא הֻו עַל דּפַכרֶה הוָא ׃
Acts 22:30 ‏וַליַומָא אחרִנָא צבָא הוָא למֶדַּע שַרִירָאיִת דּמָנָא הִי קטִגרָנֻותָא דּמַיתֶּין הוַו עלַוהי יִהֻודָיָא וַשרָיהי וַפקַד דּנִאתֻון רַבַּי כָּהנָא וכֻלֶה כָּנשָא דּרִשַיהֻון וַדבַר לפַּולָוס וַאחֶת אַקִימֶה בַּינָתהֻון ׃