Acts 18:1 ‏וכַד נפַק פַּולָוס מַן אַתִנֶוס אָתָא לֶה לקָורִנתָוס ׃
Acts 18:2 ‏וֶאשכַּח תַּמָן גַּברָא חַד יִהֻודָיָא דַּשמֶה הוָא אַקֶלָוס דִּאיתַוהי הוָא מַן פָּנטָוס אַתרָא דּבֶה בּהַו זַבנָא אָתָא הוָא מַן אַתרָא דִּאיטַלִיַא הֻו וַפּרִיסקִלַא אַנתּתֶה מֶטֻל דַּפקַד הוָא קלַודִיָוס קֶסַר דּנַפּקֻון כֻּלהֻון יִהֻודָיָא מַן רֻהומִא וֶאתקַרַב לוָתהֻון ׃
Acts 18:3 ‏ומֶטֻל דּבַר אֻומָנֻותהֻון הוָא שָרֶא לֶה לוָתהֻון ופָלַח הוָא עַמהֻון בֻּאומָנֻותהֻון דֶּין לָולָרָא הוַו ׃
Acts 18:4 ‏וַממַלֶל הוָא בַּכנֻושתָּא בּכֻל שבָא וַמפִּיס הוָא לִיהֻודָיֶא וַלחַנפֶּא ׃
Acts 18:5 ‏וכַד אֶתַו הוַו מַן מַקֶדָונִיַא שִילָא וטִימָתֶאָוס אַלִיץ הוָא בּמֶלתָא הֻו פַּולָוס מֶטֻל דּקָימִין הוַו לקֻובלֶה יִהֻודָיָא וַמגַדּפִין הוַו כַּד מַסהֶד הוָא להֻון דּיֶשֻוע הֻויֻו משִיחָא ׃
Acts 18:6 ‏וַנפַץ מָאנַוהי וֶאמַר להֻון מַן הָשָא אֶנָא דכא אֶנָא אֶזַל אֶנָא לִי לוָת עַממֶא ׃
Acts 18:7 ‏וַנפַק מַן תַּמָן ועַל לבַיתֶּה דּגַברָא דַּשמֶה טִטָוס אַינָא דּדָחֶל הוָא מַן אַלָהָא ובַיתֶּה נַקִיף הוָא לַכנֻושתָּא ׃
Acts 18:8 ‏וַכּרִיספָּוס רַב־כּנֻושתָּא הַימֶן הוָא בּמָרַן הֻו וַבנַי בַּיתֶּה כֻּלהֻון וסַגִּיֶאא קָורִנתָיֶא שָמעִין הוַו וַמהַימנִין בַּאלָהָא ועָמדִּין ׃
Acts 18:9 ‏וֶאמַר מָריָא בּחֶזוָא לפַּולָוס לָא תֶּדחַל אֶלָא מַלֶל וָלֶא תֶּשתֻּוק ׃
Acts 18:10 ‏מֶטֻל דֶּאנָא עַמָך אֶנָא ואנָש לָא מֶשכַּח למַהָרֻותָך ועַמָא סַגִּיָאא אִית לִי בַּמדִינתָּא הָדֶא ׃
Acts 18:11 ‏יָתֶב הוָא דֶּין שַנתָּא חדָא ויַרחֶא שתָּא בּקָורִנתָוס ומַלֶף הוָא להֻון מֶלתָא דַּאלָהָא ׃
Acts 18:12 ‏וכַד אִיתַוהי הוָא גַּאלִיָון אַנתֻופַּטָוס דַּאכַאִיַא אֶתכַּנַשו אַכחדָא יִהֻודָיָא עַל פַּולָוס וַאיתּיֻוהי קָדֶם בִּים ׃
Acts 18:13 ‏כַּד אָמרִין דּהָנָא לבַר מַן נָמֻוסָא מפִּיס לַבנַינָשָא דּנֶהוֻון דָּחלִין לַאלָהָא ׃
Acts 18:14 ‏וכַד בָּעֶא הוָא פַּולָוס דּנֶפתַּח פֻּומֶה וַנמַלֶל אָמַר גַּאלִיָון לִיהֻודָיֶא אֶלֻו עַל מֶדֶּם דּבִיש אָו דַּנכִיל אָו דּסָנֶא מקַטרגִין הוַיתֻּון אָו יִהֻודָיָא בּוָלִיתָא מקַבַּל הוִית לכֻון ׃
Acts 18:15 ‏אֶן דֶּין זִטִמַא אֶנֻון עַל מֶלתָא ועַל שמָהֶא ועַל נָמֻוסָא דִּילכֻון אַנתֻּון יָדעִין אַנתֻּון בַּינָתכֻון אֶנָא גֶּיר לָא צבָא אֶנָא דֶּאהוֶא דָּינָא דּהָלֶין צבֻותָא ׃
Acts 18:16 ‏וַטרַד אֶנֻון מַן בִּים דִּילֶה ׃
Acts 18:17 ‏וֶאחַדו הוַו כֻּלהֻון חַנפָא לסָוסתֶנִיס קַשִישָא דַּכנֻושתָּא ומָחֶין הוַו לֶה קָדֶם בִּים וגַאלִיָון מַהמֶא הוָא בּהָלֶין ׃
Acts 18:18 ‏וכַד הוָא פַּולָוס תַּמָן יַומָתָא סַגִּיָאא יַהב שַלמָא לַאחֶא ורָדֶא בּיַמָא דּנִאזַל לסֻורִיַא וֶאתַו עַמֶה פּרִיסקִלַא וַאקֶלָוס כַּד סַפַּר רִשֶה בּקֶנכרֶאֶס מֶטֻל דּנֶדרָא נדִיר הוָא לֶה ׃
Acts 18:19 ‏ומַטִיו לֶאפֶסָוס ועַל פַּולָוס לַכנֻושתָּא וַממַלֶל הוָא עַם יִהֻודָיָא ׃
Acts 18:20 ‏ובָעֶין הוַו מֶנֶה דּנַגַּר לוָתהֻון וָלֶא אֶתּטפִּיס ׃
Acts 18:21 ‏כַּד אָמַר דַּולָא לִי אַמִינָאיִת דּעִאדָא דָּאתָא בֻּאורִשלֶם אֶעבּדִיוהי וֶאן אַלָהָא נֶצבֶּא אַפנָא תֻּוב לוָתכֻון ולַאקֶלָוס ולַפּרִיסקִלַא שָבֶק אֶנֻון בֶּאפֶסָוס ׃
Acts 18:22 ‏והֻו רָדֶא בּיַמָא וָאתָא לקֶסַרִיַא וַסלֶק וַשאֶל בַּשלָמָא דַּבנַי עִדּתָּא וֶאזַל לֶה לַאנטִיָוכִי ׃
Acts 18:23 ‏וכַד הוָא תַּמָן יַומָתָא יִדִיעָא נפַק וֶאתכּרֶך בָּתַר בָּתַר בַּאתרָא דּגַלַטִיַא ודַפרֻוגִיַא כַּד מקִים הוָא לכֻלהֻון תַּלמִידָא ׃
Acts 18:24 ‏וגַברָא חַד דַּשמֶה הוָא אַפָּלָו יִהֻודָיָא דִּאיתַוהי הוָא טֻוהמֶה מַן אַלֶכּסַנדּרִיַא ורָדֶא הוָא בּמֶלתָא וַמדָק הוָא בַּכתָבָא אָתָא לֶאפֶסָוס ׃
Acts 18:25 ‏הָנָא מתַלמַד הוָא לֻאורחֶה דּמָריָא ורָתַח הוָא בּרֻוח וַממַלֶל הוָא ומַלֶף מַליָאיִת עַל יֶשֻוע כַּד מֶדֶּם לָא יָדַע הוָא אֶלָא אֶן מַעמֻודִיתָא דּיֻוחַנָן ׃
Acts 18:26 ‏ושַרִי עִין בַּגלֶא ממַלֶל בַּכנֻושתָּא וכַד שַמעֻוהי אַקֶלָוס וַפּרִיסקִלַא אַיתּיֻוהי לבַיתּהֻון ומַליָאיִת חַוִיוהי אֻורחֶה דּמָריָא ׃
Acts 18:27 ‏וכַד צבָא דּנִאזַל לַאכַאִיַא חַפּטֻוהי אַחָא וַכתַבו לתַלמִידָא דַּנקַבּלֻונָיהי וכַד אֶזַל עַדַּר סגִי בּיַד טַיבֻּותָא לכֻלהֻון מהַימנָא ׃
Acts 18:28 ‏תַּקִיפָאיִת גֶּיר דּרַש הוָא לֻוקבַל יִהֻודָיָא קָדֶם כָּנשָא כַּד מחַוֶא הוָא מַן כּתָבָא עַל יֶשֻוע דַּמשִיחָא הֻו ׃