2Pe 2:1 הוַו דֵּין אָף נבִיֵא דַּגָּלֵא בּעַמָא אַיך דָּאף בּכֻון נֵהוֻון מַלפָנֵא דַּגָּלֵא אַילֵין דּמַעלִין הֵרֵסִיס דַּאבדָּנָא וַבמָרָא דַּזבַן אֵנֻון כָּפרִין כַּד מַיתֵּין עַל נַפשׁהֻון אַבדָּנָא מסַרהבָא
2Pe 2:2 וסַגִּיֵאא נִאזֻלון בָּתַר טַנפֻותָא דִּילהֻון הָלֵין דּמֵטֻלָתהֻון אֻורחָא דַּשׁרָרָא תֵּתגַּדַּף
2Pe 2:3 וַבעָלֻובֻותָא וַבמֵלֵא דּבֵדיָא נֵתּתַּגּרֻון בּכֻון הָלֵין דּדִינהֻון מֵן קדִים לָא בָּטֵל וַאבדָּנהֻון לָא נָאֵם
2Pe 2:4 אֵן גֵּיר אַלָהָא עַל מַלַאכֵא דַּחטַו לָא חָס אֵלָא בּשִׁשׁלָתָא דּעַמטָנָא עַגֵּן אֵנֻון בּתַחתָּיָתָא וַאשׁלֵם אֵנֻון דּנֵתנַטרֻון לדִינָא דּשֻׁונָקָא
2Pe 2:5 ועַל עָלמָא קַדמָיָא לָא חָס אֵלָא לנֻוח דַּתמָניָא כָּרֻוזָא דּכִאנֻותָא נטַר כַּד טַופָנָא עַל עָלמָא דּרַשִׁיעֵא אַיתִּי
2Pe 2:6 וכַד לַמדִינָתָא דַּסדֻום וַדעַמֻורָא אַוקֵד ובַהפֻוכיָא חַיֵב אֵנֵין כַּד תַּחוִיתָא לרַשִׁיעֵא דַּעתִידִין דּנֵהוֻון סָם
2Pe 2:7 אָף ללֻוט זַדִּיקָא דּמֵתקַפַּח הוָא מֵן הֻופָּכָא דַּבטַנפֻּותָא דּהָלֵין דַּדלָא נָמֻוסָא אִיתַיהֻון הוַו פַּצִי
2Pe 2:8 בַּחזָתָא גֵּיר וַבשֵׁמעָא כַּד עָמַר הוָא כִּאנָא הַו בַּינָתהֻון יֻום מֵן יֻום לנַפשֵׁה זַדִּיקתָּא בַּעבָדֵא דּלָא נָמֻוס משַׁנֵק הוָא
2Pe 2:9 יָדַע הֻו מָריָא דּנֵפרֻוק מֵן אֻולצָנָא לַאילֵין דּדָחלִין לֵה לעַוָלֵא דֵּין ליַומָא דּדִינָא כַּד מֵשׁתַּנקִין נֵטַר
2Pe 2:10 יַתִּירָאיִת דֵּין לַאילֵין דּבָתַר בֵּסרָא בּרֵגּתָא דּטַמאוֻתָא אָזִלין ועַל מָרֻותָא מבַסרִין מַרָחֵא וַמשַׁקלֵא דּמֵן תֵּשׁבֻּוחתָּא לָא זִיעִין כַּד מגַדּפִין
2Pe 2:11 אַיכָּא דּמַלַאכֵא דַּבחַילָא וַבעֻושׁנָא רַורבִין מֵנהֻון לָא מַיתֵּין עלַיהֻון מֵן מָריָא דִּינָא דּגֻודָּפָא
2Pe 2:12 הָלֵין דֵּין דַּאיך חַיוָתָא חַרשָׁתָא הוַו בַּכיָנָא לחַרבָּא ולַחבָלָא כַּד בַּאילֵין דּלָא יָדעִין מגַדּפִין בַּחבָלָא דִּילהֻון נֵתחַבּלֻון
2Pe 2:13 כַּד אַילֵין דּהָוֵא בּהֻון עַולָא אַגרָא דּעַולָא הַנִיֻותָא חשִׁיב להֻון בֻּוסָמָא דַּהוָא בִּאימָמָא מכַתּמֵא ומַליַי מֻומֵא דּכַד מֵתבַּסמִין בַּניָחָתהֻון מֵתפַּנקִין
2Pe 2:14 כַּד עַינֵא אִית להֻון דּמַליָן גַּורָא וַחטָהֵא דּלָא מַופֵּין כַּד משַׁדּלִין לנַפשָׁתָא דּלָא סמִיכָן ולֵבָּא דַּמדַרַשׁ בּעָלֻובֻותָא אִית להֻון בּנַיָא דּלַוטתָא
2Pe 2:15 דּכַד שׁבַקו אֻורחָא תּרִיצתָּא שׁגַו וֵאזַלו בֻּאורחָא דּבֵלעַם בַּר בּעֻור הַו דַּאגרָא דּעַולָא אַחֵב
2Pe 2:16 מַכּסָנֻותָא דֵּין דַּהוָת לֵה למֵתעַברָנֻותֵה אַתָנָא דּלָא קָלָא דַּבקָלָא דַּבנַינָשָׁא מַללַת כּלָת לשָׁטיֻותֵה דַּנבִיָא
2Pe 2:17 הָלֵין אֵנֻון מעִינֵא דּלָא מַיָא ענָנֵא דּמֵן עַלעָלָא מֵתרַדפָּן הָלֵין דּעַמטָנָא דּחֵשֻׁוכָא נטִיר להֻון
2Pe 2:18 כַּד גֵּיר גֻּונחֵא דַּסרִיקֻותָא ממַללִין משַׁדּלִין בַּרגִיגָתָא טַנפָתָא דּבֵסרָא לַאילֵין דּבַמלֵא קַלִיל עָרקִין מֵן אַילֵין דַּבטָעיֻותָא מֵתהַפּכִין
2Pe 2:19 וחִארֻותָא להֻון מֵשׁתַּודֵּין כַּד הֵנֻון עַבדֵּא אִיתַיהֻון דַּחבָלָא להַו גֵּיר מֵדֵּם דּאנָשׁ זכֵא לֵה להָנָא אָף משַׁעבַּד
2Pe 2:20 אֵן גֵּיר כַּד ערַקו מֵן טַנפּוָתֵה דּעָלמָא בּשֻׁוודָּעֵה דּמָרַן יֵשֻׁוע משִׁיחָא ופָרֻוקַן בּהֵין בּהָלֵין כַּד מֵתעַרזלִין תֻּוב מֵזדּכֵין הוָת לָה חַרתהֻון דּבִישָׁא מֵן קַדמָיתָּא
2Pe 2:21 פַּקָח הוָא להֻון גֵּיר דּלָא נֵשׁתַּודּעֻון לֻאורחָא דּזַדִּיקֻותָא אַו דּכַד אֵשׁתַּודַּעו לבָתרָא נֵהפּכֻון מֵן פֻּוקדָּנָא קַדִּישָׁא דֵּאשׁתּלֵם להֻון
2Pe 2:22 גּדַשׁ להֻון דֵּין הָלֵין דּמַתלָא שַׁרִירָא דּכַלבָּא דַּהפַך עַל תּיֻובֵה וַחזִירתָּא דַּסחָת בּעֻורגָּלָא דַּסיָנָא