Mat 18:1 בּהָי שָׁעתָא קרֵבו תַּלמִידֵא לוָת יֵשֻׁוע וָאמרִין מַנֻו כַּי רַב בּמַלכֻּותָא דַּשׁמַיָא
Mat 18:2 וַקרָא יֵשֻׁוע טַליָא וַאקִימֵה בַּינָתהֻון
Mat 18:3 וֵאמַר אַמִין אָמַרנָא לכֻון דֵּאלָא תֵּתהַפכֻּון ותֵהוֻון אַיך טלָיֵא לָא תֵּעלֻון למַלכֻּותָא דַּשׁמַיָא
Mat 18:4 מַן הָכִיל דַּממַכֵּך נַפשֵׁה אַיך הָנָא טַליָא הֻו נֵהוֵא רַב בּמַלכֻּותָא דַּשׁמַיָא
Mat 18:5 ומַן דַּנקַבֵּל אַיך טַליָא הָנָא בּשֵׁמי לִי מקַבֵּל
Mat 18:6 וכֻל דּנַכשֵׁל לחַד מֵן הָלֵין זעֻורֵא דַּמהַימנִין בִּי פַּקָח הוָא לֵה דּתֵהוֵא תַּליָא רַחיָא דַּחמָרָא בּצַורֵה וַמטַבַּע בּעֻומקַוהי דּיַמָא
Mat 18:7 וָי לעָלמָא מֵן מַכשֻׁולֵא אַנַנקִא גֵּיר דּנִאתֻון מַכשֻׁולֵא וָי דֵּין לגַברָא דּבִאידֵה נִאתֻון מַכשֻׁולֵא
Mat 18:8 אֵן דֵּין אִידָך אַו רֵגלָך מַכשׁלָא לָך פּסֻוקֵיה וַשׁדִיה מֵנָך טָב הֻו לָך דּתֵעֻול לחַיֵא כַּד חגִיס אַנתּ אַו כַּד פּשִׁיג ולָא כַּד אִית לָך תַּרתֵּין אִידִין אַו תַּרתֵּין רֵגלִין תֵּפֵּל בּנֻורָא דַּלעָלַם
Mat 18:9 וֵאן הֻו דּעַינָך מַכשׁלָא לָך חצִיה וַשׁדִיה מֵנָך טָב הֻו לָך דּבַחדָא עַינָא תֵּעֻול לחַיֵא ולָא כַּד אִית לָך תַּרתֵּין עַינִין תֵּפֵּל בּגִהַנָא דּנֻורָא
Mat 18:10 חזַו לָא תֵּבסֻון עַל חַד מֵן הָלֵין זעֻורֵא אָמַר אנָא לכֻון גֵּיר דּמַלַאכַיהֻון בַּשׁמַיָא בּכֻלזבַן חָזֵין פַּרצֻופֵּה דָּאבי דּבַשׁמַיָא
Mat 18:11 אֵתָא גֵּיר בּרֵה דּאנָשָׁא דּנַחֵא מֵדֵּם דַּאבִּיד הוָא
Mat 18:12 מָנָא מֵתחזֵא לכֻון אֵן נֵהוֻון לאנָשׁ מָאא עֵרבִּין ונֵטעֵא חַד מֵנהֻון לָא שָׁבֵק תֵּשׁעִין ותֵשׁעָא בּטֻורָא וָאזֵל בָּעֵא להַו דַּטעָא
Mat 18:13 וֵאן נֵשׁכּחֵה אַמִין אָמַרנָא לכֻון דּחָדֵא בֵּה יַתִּיר מֵן תֵּשׁעִין ותֵשׁעָא דּלָא טעַו
Mat 18:14 הָכַנָא לַיתּ צֵביָנָא קדָם אַבֻוכֻון דּבַשׁמַיָא דּנִאבַד חַד מֵן זעֻורֵא הָלֵין
Mat 18:15 אֵן דֵּין אַסכֵּל בָּך אַחֻוך זֵל אַכֵּסָיהי בַּינַיכּ ולֵה בַּלחֻוד אֵן שַׁמעָך יִתַרתּ אַחֻוך
Mat 18:16 וֵאלָא שַׁמעָך דּבַר עַמָך חַד אַו תּרֵין דּעַל פֻּום תּרֵין אַו תּלָתָא סָהדִּין תּקֻום כֻּל מֵלָא
Mat 18:17 אֵן דֵּין אָף לָא להָנֻון נֵשׁמַע אֵמַר לעִדּתָּא אֵן דֵּין אָף לָא לעִדּתָּא נֵשׁמַע נֵהוֵא לָך אַיך מָכסָא וַאיך חַנפָא
Mat 18:18 וַאמִין אָמַר אנָא לכֻון דּכֻל מָא דּתֵאסרֻון בַּארעָא נֵהוֵא אַסִיר בַּשׁמַיָא ומֵדֵּם דּתֵשׁרֻון בַּארעָא נֵהוֵא שׁרֵא בַּשׁמַיָא
Mat 18:19 תֻּוב אָמַרנָא לכֻון דֵּאן תּרֵין מֵנכֻון נֵשׁתּוֻון בַּארעָא עַל כֻּל צבֻו דּנֵשֵׁאלֻון נֵהוֵא להֻון מֵן לוָת אָבי דּבַשׁמַיָא
Mat 18:20 אַיכָּא גֵּיר דַּתרֵין אַו תּלָתָא כּנִישִׁין בּשֵׁמי תַּמָן אֵנָא בַּינָתהֻון
Mat 18:21 הָידֵּין קרֵב לוָתֵה כִּאפָא וֵאמַר מָרי כּמָא זַבנִין אֵן נַסכֵּל בִּי אָחי אֵשׁבֻּוק לֵה עדַמָא לַשׁבַע זַבנִין
Mat 18:22 אָמַר לֵה יֵשֻׁוע לָא אָמַר אנָא לָך עדַמָא לַשׁבַע אֵלָא עדַמָא לשַׁבעִין זַבנִין שׁבַע שׁבַע
Mat 18:23 מֵטֻל הָנָא אֵתּדַּמיַת מַלכֻּותָא דַּשׁמַיָא לגַברָא מַלכָּא דַּצבָא דּנֵסַב חֻושׁבָּנָא מֵן עַבדַּוהי
Mat 18:24 וכַד שַׁרִי למֵסַב קַרֵבו לֵה חַד דּחַיָב רֵבֻּו כַּכּרִין
Mat 18:25 וכַד לַיתּ לֵה למֵפרַע פּקַד מָרֵה דּנֵזדַּבַּן הֻו וַאנתּתֵה וַבנַוהי וכֻל מֵדֵּם דִּאית לֵה ונֵפרֻוע
Mat 18:26 וַנפַל הַו עַבדָּא סגֵד לֵה וֵאמַר מָרי אַגַּר עלַי רֻוחָא וכֻל מֵדֵּם פָּרַע אנָא לָך
Mat 18:27 וֵאתרַחַם מָרֵה דּעַבדָּא הַו וַשׁרָיהי וחַובּתֵה שׁבַק לֵה
Mat 18:28 נפַק דֵּין עַבדָּא הַו וֵאשׁכַּח לחַד מֵן כּנַוָתֵה דּחַיָב הוָא לֵה דִּינָרֵא מָאא וַאחדֵּה וחָנֵק הוָא לֵה וֵאמַר לֵה הַב לִי מֵדֵּם דּחַיָב אַנתּ לִי
Mat 18:29 וַנפַל הַו כּנָתֵה עַל רֵגלַוהי בּעָא מֵנֵה וֵאמַר לֵה אַגַּר עלַי רֻוחָא ופָרַע אנָא לָך
Mat 18:30 הֻו דֵּין לָא צבָא אֵלָא אֵזַל אַרמיֵה בֵּית אַסִירֵא עדַמָא דּנֵתֵּל לֵה מָא דּחַיָב לֵה
Mat 18:31 כַּד חזַו דֵּין כּנַוָתהֻון מֵדֵּם דַּהוָא כֵּריַת להֻון טָב וֵאתַו אַודַּעו למָרהֻון כֻּל דַּהוָא
Mat 18:32 הָידֵּין קרָיהי מָרֵה וֵאמַר לֵה עַבדָּא בִּישָׁא הָי כֻּלָה חַובּתָא שֵׁבקֵת לָך דַּבעַיתּ מֵני
Mat 18:33 לָא וָלֵא הוָא לָך אָף אַנתּ דַּתחֻון לַכנָתָך אַיכַּנָא דֵּאנָא חָנתָּך
Mat 18:34 וַרגֵז מָרֵה וַאשׁלמֵה לַמנַגּדָנֵא עדַמָא דּנֵפרֻוע כֻּל מֵדֵּם דּחַיָב לֵה
Mat 18:35 הָכַנָא נֵעבֵּד לכֻון אָבי דּבַשׁמַיָא אֵלָא תֵּשׁבּקֻון אנָשׁ לַאחֻוהי מֵן לֵבּכֻון סַכלֻותֵה