Exo 23:1 non suscipies vocem mendacii nec iunges manum tuam ut pro impio dicas falsum testimonium
Exo 23:2 non sequeris turbam ad faciendum malum nec in iudicio plurimorum adquiesces sententiae ut a vero devies
Exo 23:3 pauperis quoque non misereberis in negotio
Exo 23:4 si occurreris bovi inimici tui aut asino erranti reduc ad eum
Exo 23:5 si videris asinum odientis te iacere sub onere non pertransibis sed sublevabis cum eo
Exo 23:6 non declinabis in iudicio pauperis
Exo 23:7 mendacium fugies insontem et iustum non occides quia aversor impium
Exo 23:8 nec accipias munera quae excaecant etiam prudentes et subvertunt verba iustorum
Exo 23:9 peregrino molestus non eris scitis enim advenarum animas quia et ipsi peregrini fuistis in terra Aegypti
Laws About the Sabbath and Festivals
Exo 23:10 sex annis seminabis terram tuam et congregabis fruges eius
Exo 23:11 anno autem septimo dimittes eam et requiescere facies ut comedant pauperes populi tui et quicquid reliqui fuerit edant bestiae agri ita facies in vinea et in oliveto tuo
Exo 23:12 sex diebus operaberis septima die cessabis ut requiescat bos et asinus tuus et refrigeretur filius ancillae tuae et advena
Exo 23:13 omnia quae dixi vobis custodite et per nomen externorum deorum non iurabitis neque audietur ex ore vestro
Exo 23:14 tribus vicibus per singulos annos mihi festa celebrabitis
Exo 23:15 sollemnitatem azymorum custodies septem diebus comedes azyma sicut praecepi tibi tempore mensis novorum quando egressus es de Aegypto non apparebis in conspectu meo vacuus
Exo 23:16 et sollemnitatem messis primitivorum operis tui quaecumque serueris in agro sollemnitatem quoque in exitu anni quando congregaveris omnes fruges tuas de agro
Exo 23:17 ter in anno apparebit omne masculinum tuum coram Domino Deo
Exo 23:18 non immolabis super fermento sanguinem victimae meae nec remanebit adeps sollemnitatis meae usque mane
Exo 23:19 primitias frugum terrae tuae deferes in domum Domini Dei tui nec coques hedum in lacte matris suae
Conquest of Canaan Promised
Exo 23:20 ecce ego mittam angelum meum qui praecedat te et custodiat in via et introducat ad locum quem paravi
Exo 23:21 observa eum et audi vocem eius nec contemnendum putes quia non dimittet cum peccaveritis et est nomen meum in illo
Exo 23:22 quod si audieris vocem eius et feceris omnia quae loquor inimicus ero inimicis tuis et adfligam adfligentes te
Exo 23:23 praecedetque te angelus meus et introducet te ad Amorreum et Hettheum et Ferezeum Chananeumque et Eveum et Iebuseum quos ego contribo
Exo 23:24 non adorabis deos eorum nec coles eos non facies opera eorum sed destrues eos et confringes statuas eorum
Exo 23:25 servietisque Domino Deo vestro ut benedicam panibus tuis et aquis et auferam infirmitatem de medio tui
Exo 23:26 non erit infecunda nec sterilis in terra tua numerum dierum tuorum implebo
Exo 23:27 terrorem meum mittam in praecursum tuum et occidam omnem populum ad quem ingredieris cunctorumque inimicorum tuorum coram te terga vertam
Exo 23:28 emittens crabrones prius qui fugabunt Eveum et Chananeum et Hettheum antequam introeas
Exo 23:29 non eiciam eos a facie tua anno uno ne terra in solitudinem redigatur et crescant contra te bestiae
Exo 23:30 paulatim expellam eos de conspectu tuo donec augearis et possideas terram
Exo 23:31 ponam autem terminos tuos a mari Rubro usque ad mare Palestinorum et a deserto usque ad Fluvium tradam manibus vestris habitatores terrae et eiciam eos de conspectu vestro
Exo 23:32 non inibis cum eis foedus nec cum diis eorum
Exo 23:33 non habitent in terra tua ne forte peccare te faciant in me si servieris diis eorum quod tibi certo erit in scandalum