2Pe 3:1 זֹאת הִיא הָאִגֶּרֶת הַשֵּׁנִית יְדִידִים אֲשֶׁר אֲנִי כֹתֵב לָכֶם עַתָּה וּבִשְׁתֵּיהֶן בָּאתִי כְמַזְכִּיר לְעוֹרֵר אֶת־לִבְּכֶם הַטּוֹב
2Pe 3:2 לְמַעַן תִּזְכְּרוּ אֶת־הַדְּבָרִים אֲשֶׁר נֶאֶמְרוּ מִקֶּדֶם בְּיַד הַנְּבִיאִים הַקְּדוֹשִׁים וְאֶת־מִצְוֹת אֲדֹנֵינוּ וּמוֹשִׁיעֵנוּ עַל־יְדֵי שְׁלִיחֵיכֶם
2Pe 3:3 אַךְ דְּעוּ לָכֶם מֵרֹאשׁ כִּי בְאַחֲרִית הַיָּמִים יָבֹאוּ לֵצִים הַזֹּנִים אַחֲרֵי תַאֲוָתָם וְיִתְלוֹצְצוּ לֵאמֹר
2Pe 3:4 אַיֵּה הַבְטָחַת בֹּאוֹ וכִּי מֵאָז שָׁכְבוּ הָאָבוֹת נִשְׁאַר כָּל־דָּבָר עַל־חֻקּוֹ וכְּמוֹ ומֵרֵאשִׁית הַבְּרִיאָה
2Pe 3:5 וְנֶעְלַם מֵעֵינֵיהֶם כְּאַוַּת נַפְשָׁם כִּי הַשָּׁמַיִם נַעֲשׂוּ מִקֶּדֶם וְעַל־יְדֵי הַמַּיִם נִבְרְאָה הָאָרֶץ מִן־הַמַּיִם בִּדְבַר אֱלֹהִים
2Pe 3:6 וּבַמַּיִם אָז אָבְדָה הָאָרֶץ הַהִיא בַּעֲבֹר שׁוֹט שׁוֹטֵף עָלֶיהָ
2Pe 3:7 הַשָּׁמַיִם וְהָאָרֶץ אֲשֶׁר לְפָנֵינוּ הַיּוֹם הוּכָנוּ בִדְבָרוֹ ולְמַאֲכֹלֶת אֵשׁ וּשְׁמֻרִים הֵם לְיוֹם הַמִּשְׁפָּט בַּאֲבֹד רְשָׁעִים
2Pe 3:8 אַךְ אַל־תִּשְׁכְּחוּ יְדִידִים זֹאת אֱחָת כִּי יוֹם אֶחָד בְּעֵינֵי יְהֹוָה כְּאֶלֶף שָׁנִים וְאֶלֶף שָׁנִים כְּיוֹם אֶחָד
2Pe 3:9 וְלֹא יְאַחֵר יְהֹוָה לְמַלֹּאת אֵת אֲשֶׁר דִּבֶּר נֶגֶד הַחשְׁבִים כִּי עָבַר הַמּוֹעֵד כִּי אִם־מַאֲרִיךְ לָנוּ אָף אַחֲרֵי אֲשֶׁר לֹא יַחְפֹּץ בָּאֲבֹד אִישׁ כִּי אִם־בְּהָבִיא כָל־אָדָם אֶת־לִבּוֹ ולִתְשׁוּבָה
2Pe 3:10 אַךְ יוֹם יְהֹוָה כְּגַנָּב יָבֹא בַּלָּיְלָה אָז יַחְלְפוּ הַשָּׁמַיִם בְּרַעַשׁ גָּדוֹל הַיְסֹדוֹת יִמַסּוּ מִפְּנֵי הָאֵשׁ וְהָאָרֶץ וְהַמַּעֲשִׂים אֲשֶׁר בָּהּ יַעֲלוּ בְלַהַב
2Pe 3:11 וְעַתָּה אִם נְמֹגִים כָּל־אֵלֶה עַד־כַּמָּה עֲלֵיכֶם לְהִזָּהֵר לְהִתְהַלֵּךְ בַּקֹּדֶשׁ וּבְיִרְאַת אֱלֹהִים
2Pe 3:12 וּלְחַכּוֹת וּלְצַפּוֹת לְבֹא יוֹם הָאֱלֹהִים אֲשֶׁר יְלַהֵט אֶת־הַשָּׁמַיִם וְיַמְסֵם וְהַיְסֹדוֹת נְמֹגִים בָּאֵשׁ כֻּלָּם
2Pe 3:13 וַאֲנַחְנוּ כְּפִי אֲשֶׁר־דִּבֶּר־לָנוּ מְחַכִּים לְשָׁמַיִם חֲדָשִׁים וְאֶרֶץ חֲדָשָׁה אֲשֶׁר־צֶדֶק יָלִין בָּם
2Pe 3:14 עַל־כֵּן יְדִידִים בַּאֲשֶׁר אַתֶּם מְחַכִּים לָאֵלֶּה שִׁקְדוּ לְהִמָּצֵא לְפָנָיו זַכִּים וּתְמִימִים בְּשָׁלוֹם
2Pe 3:15 וְאֶת־אֹרֶךְ רוּחַ אֲדֹנֵינוּ תַּחְשְׁבוּ לִתְשׁוּעָה כַּאֲשֶׁר כָּתַב אֲלֵיכֶם גַּם־פּוֹלוֹס אָחִינוּ יְדִידֵנוּ כְּפִי חָכְמָתוֹ והַנְּתוּנָה לוֹ
2Pe 3:16 וְכֵן כָּתַב בְּכָל־אִגְּרוֹתָיו בְּדַבְּרוֹ ושָׁם עַל־אֵלֶּה וּבָהֵן יֵשׁ דְּבָרִים קָשִׁים מֵהָבִין אֲשֶׁר בֹּעֲרִים וּפֹחֲזִים יְסַלְּפוּם כַּאֲשֶׁר גַּם־יַעֲשׂוּ בְּיֶתֶר הַסְּפָרִים לְהַשְׁחִית נַפְשָׁם
2Pe 3:17 וְאַתֶּם יְדִידִים אַחֲרֵי אֲשֶׁר יְדַעְתֶּם כָּל־זֹאת מֵרֹאשׁ הִשָּׁמְרוּ לָכֶם פֶּן־תָּתוּרוּ אַחֲרֵי תַעְתֻּעֵי בְנֵי־בְלִיַּעַל וּנְפַלְתֶּם מִמַּצַּבְכֶם הַנֶּאֱמָן
2Pe 3:18 אַךְ תִּגְדְּלוּ הָלוֹךְ וְגָדוֹל בְּחֶסֶד וּבְדַעַת אֲדֹנֵינוּ וּמוֹשִׁיעֵינוּ יֵשׁוּעַ הַמָּשִׁיחַ אֲשֶׁר־לוֹ והַכָּבוֹד מֵעַתָּה וְעַד־עוֹלָם אָמֵן׃