Eph 4:1 וַאֲנִי אֲסִיר הָאָדוֹן אֶפְצַר בָּכֶם לָלֶכֶת כְּנָאוָה לְמַצַּב הַקְּרֻאִים כָּמוֹכֶם
Eph 4:2 בְּהַצְנֵעַ וַעֲנָוָה בְּאֹרֶךְ אַפָּיִם וְלָשֵׂאת אִישׁ אֶת־רֵעֵהוּ בְּאַהֲבָה
Eph 4:3 לִשְׁקֹד וְלִשְׁמֹר לְיַחֵד רוּחֲכֶם בְּמַחְבֶּרֶת הַשָּׁלוֹם
Eph 4:4 לִהְיוֹת כְּאֵבָרִים בְּגוּף אֶחָד וּבְרוּחַ אֶחָד כַּאֲשֶׁר גַּם־נִקְרַאתֶם לְמַצַּבְכֶם בְּתִקְוָה אֶחָת
Eph 4:5 אָדוֹן אֶחָד אֱמוּנָה אַחַת וּטְבִילָה אֶחָת
Eph 4:6 אֵל אֶחָד וַאֲבִי־כֹל אֲשֶׁר הוּא עַל־כֹּל וְעִם־כֹּל וּבְתוֹךְ כֻּלְכֶם
Eph 4:7 אַךְ לְאִישׁ אִישׁ מִמֶּנּוּ חֻלַּק מְנָת חָסֶד כְּמִדַּת מַתְּנַת הַמָּשִׁיחַ
Eph 4:8 עַל־כֵּן הוּא אֹמֵר עָלָה לַמָּרוֹם שָׁבָה שֶׁבִי וַיִּתֵּן מַתָּנוֹת לָאָדָם
Eph 4:9 וְכִי נֹאמַר כִּי־עָלָה אֵין זֶה כִּי אִם־יָרַד בָּרִאשֹׁנָה לְתַחְתִּיּוֹת אָרֶץ
Eph 4:10 הַיֹּרֵד הוּא הָעֹלֶה לְמַעְלָה מִכָּל־שְׁמֵי מָרוֹם לְמַלֵּא אֶת־הַכֹּל
Eph 4:11 וְהוּא נָתַן אֶת־אֵלֶּה לִהְיוֹת שְׁלִיחִים וְאֶת־אֵלֶּה נְבִיאִים וְאֶת־אֵלֶּה מְבַשְּׂרִים וְאֶת־אֵלֶּה רֹעִים וּמוֹרִים
Eph 4:12 לְהַשְׁלִים אֶת־הַ קְדשִשׁים לִמְלֶאכֶת עֲבֹדַת הַקֹּדֶשׁ לְמַעַן יִבָּנֶה גּוּף הַמָּשִׁיחַ
Eph 4:13 עַד אֲשֶׁר כֻּלָּנוּ נָבוֹא לְיַחֵד לְבָבֵנוּ בֶּאֱמוּנָה אַחַת וּבְדַעַת בֶּן־הָאֱלֹהִים וְהָיִינוּ לְאָדָם שָׁלֵם בַּמִּדָּה כִּמְלֹא קוֹמַת הַמָשִׁיחַ
Eph 4:14 לְבִלְתִּי נִהְיֶה עוֹד עוֹלֲלִים נִדָּפִים וְנִגְרָשִׁים מִפְּנֵי כָל־רוּחַ בְּתוֹרַת אֲנָשִׁים וְתַרְמִיתָם אֲשֶׁר בְּנִכְלֵיהֶם יָצוּדוּ חֵרֶם
Eph 4:15 כִּי אִם־נַחֲזִיק בָּאֱמֶת מֵאַהֲבָה וְהָלַכְנוּ הָלוֹךְ וְגָדוֹל לִפְנֵי הַמָּשִׁיחַ אֲשֶׁר הוּא הָרֹאשׁ
Eph 4:16 וּבוֹ ומֻדְבָּק וּמְקֻשָּׁר כָּל־הַגּוּף עִם כָּל־פְּרָקָיו וַחֲלָקָיו אֶל־נָכוֹן אֲשֶׁר בְּאַהֲבָה יַעַבְדוּן לְהַגְדִּילוֹ ווּלְהַאֲדִירוֹ וכְּדֵי כֹחָם
Eph 4:17 וְעַתָּה הַעִדֹתִי בָכֶם לִפְנֵי הָאָדוֹן לֵאמֹר אַל־תֵּלְכוּ כְּיֶתֶר הַגּוֹיִם אֲשֶׁר אַחֲרֵי הַבְלֵי שָׁוְא לִבָּם הֹלֵךְ
Eph 4:18 מְאוֹר דַּעְתָּם חָשַׁךְ וְחַיֵּי אֱלֹהִים מוּזָרִים לָהֶם עֵקֶב אֲשֶׁר הִקְשׁוּ רוּחָם בְּאִוַּלְתָּם
Eph 4:19 הֵם אֲשֶׁר טָפַשׁ לִבָּם וַיִּתְמַכְּרוּ לַעֲשׂוֹת כָּל־נְבָלָה וְתוֹעֵבָה וְלֹא יֵדְעוּ שָׂבְעָה
Eph 4:20 וְאַתֶּם לֹא כָזֹאת לְמַדְתֶּם דַּרְכֵי הַמָּשִשׁיחַ
Eph 4:21 אִם רַק מַקְשִׁיבִים הֱיִיתֶם לְקוֹלוֹ ווְלִמּוּדֵי דְבָרוֹ ואַתֶּם כִּי הֵם אֱמֶת בִּפְנֵי יֵשׁוּעַ
Eph 4:22 וְעֵן עֲזַבְתֶּם דַּרְכֵיכֶם הָרִאשֹׁנִים עַד־לְהָסִיר מֵעֲלֵיכֶם אֶת־הָאָדָם הַקַּדְמֹנִי הַנִּשְׁחָת וְהַנִּתְעֶה בְּתַאֲוָתוֹ
Eph 4:23 לְהִתְחַדֵּשׁ בְּרוּחַ חֲדָשָׁה בְּקֶרֶב לִבְּכֶם
Eph 4:24 וְלִלְבּשׁ אֶת־הָאָדָם הֶחָדָשׁ הַנִּבְרָא בְצֶדֶק וּבְקֹדֶשׁ בֶּאֱמֶת כְּלֵב הָאֱלֹהִים
Eph 4:25 עַל־כֵּן הַרְחִיקוּ שֶׁקֶר מִכֶּם וְדַבְּרוּ אֱמֶת אִישׁ אֶת־רֵעוֹ וכִּי אֵבָרִים אֲנַחְנוּ אִישׁ לְאָחִיו
Eph 4:26 רִגְזוּ וְאַל־תֶּחֱטָאוּ וְלֹא תָבוֹא הַשֶּׁמֶשׁ בְּעוֹד רֹגֶז בְּאַפְּכֶם׃
Eph 4:27 פֶּן־תִּתְּנוּ מָקוֹם לַשָּׂטָן׃
Eph 4:28 מִי שֶׁגָּנַב אַל־יֹסֵף לִגְנֹב עוֹד כִּי אִם־יַעֲמֹל לַעֲשׂוֹת טוֹב בְּיָדָיו לִהְיוֹת לוֹ ולָתֵת לָאֶבְיוֹן׃
Eph 4:29 כָּל־דְּבַר בְּלִיַּעַל לֹא־יֵצֵא מִפִּיכֶם כִּי אִם־דְּבָרִים טוֹבִים וּנְכֹחִים לְהָשִׁיב נֶפֶשׁ וְלָתֶת־חֵן לְשֹׁמְעֵיהֶם׃
Eph 4:30 וְאַל־תְּעַצְּבוּ אֶת־רוּחַ הַקֹּדֶשׁ הוּא רוּחַ הָאֱלֹהִים אֲשֶׁר בּוֹ ונֶחְתָּמִים אַתֶּם עַד יוֹם הַגְּאֻלָּה׃
Eph 4:31 וְהַרְחִיקוּ מִכֶּם כָּל־מְרִירוּת לֵב וַחֲרוֹן אָף רֹגֶז וּתְלוּנָּה וּנְאָצָה עִם כָּל־דָּבָר רָע׃
Eph 4:32 אֲבָל חֹנְנִים תִּהְיוּ זֶה לָזֶה מְרַחֲמִים וְסַלָּחִים אִישׁ לְאָחִיו כַּאֲשֶׁר גַּם־הָאֱלֹהִים סָלַח לָכֶם בַּמָּשִׁיחַ׃