1Co 6:1 הֲיָעֹז אִישׁ מִכֶּם אֲשֶׁר־לוֹ ורִיב עִם־רֵעֵהוּ לְהַקְרִיב אֶת־מִשְׁפָּטוֹ ולִפְנֵי בְנֵי עַוְלָה וְלֹא לִפְנֵי אַנְשֵׁי קֹדֶשׁ
1Co 6:2 הֲלֹא יְדַעְתֶּם כִּי הַקְּדוֹשִׁים שֹׁפְטֵי תֵבֵל וְאִם־אַתֶּם תִּשְׁפְּטוּ תֵּבֵל הַנְקַלֹּתֶם לִשְׁפֹּט דָּבָר קָטֹן
1Co 6:3 הֲלֹא יְדַעְתֶּם כִּי נִשְׁפֹּט גַּם אֶת־הַמַּלְאָכִים וְאַף כִּי־בִדְבָרִים הַנֹּגְעִים בְּמִחְיָתֵנוּ
1Co 6:4 וְאַתֶּם כַּאֲשֶׁר רִיב־לָכֶם בִּדְבַר מִחְיָה תּוֹשִׁיבוּ אֲנָשִׁים רֵיקִים בָּעֵדָה לְשֹׁפְטֵיכֶם
1Co 6:5 לְבָשְׁתְּכֶם אֲנִי מְדַבֵּר הֲכִי אֵין חָכָם בְּקִרְבְּכֶם הֲכִי אֵין גַּם־אֶחָד אֲשֶׁר יָדוֹ ומַשֶּׂגֶת לִשְׁפֹּט בֵּין אִישׁ לְאָחִיו
1Co 6:6 וְהִנֵּה אָח נִשְׁפָּט אֶת־אָחִיו לִפְנֵי אֲנָשִׁים אֵין־אֱמוּנָה בָם
1Co 6:7 וְעַתָּה רַע הַדָּבָר מְאֹד כִּי תָרִיבוּ אִישׁ בַּעֲמִיתוֹ ומַדּוּעַ לֹא־טוֹב לָכֶם הֱיוֹת עֲשׁוּקִים מַדּוּעַ לֹא־טוֹב הֱיוֹת רְצוּצִים
1Co 6:8 וְאַתֶּם תַּעַשְׁקוּ וּתְרֹצְצוּ אַף אֶת־אֲחֵיכֶם
1Co 6:9 הַאִם לֹא יְדַעְתֶּם כִּי בְנֵי־עַוְלָה לֹא יִירְשׁוּ אֶת־מַלְכוּת הָאֱלֹהִים אַל־תַּתְעוּ אֶת־נַפְשְׁכֶם כָּל־בְּנֵי זְנוּנִים אוֹ ועֹבְדֵי אֱלִילִים אוֹ־מְנָאֲפִי אוֹ־קְדֵשִׁים אוֹ־נֹתְנֵי שְׁכָבְתָּם בְּזָכָר
1Co 6:10 אוֹ־גַנָּבִים אוֹ־בֹצְעֵי בֶצַע אוֹ וסֹבְאֵי יַיִן אוֹ־מְגַדְּפִים אוֹ ואַנְשֵׁי חָמָס כָּל־אֵלֶּה לֹא יִירְשׁוּ אֶת־מַלְכוּת הָאֱלֹהִים
1Co 6:11 וַאֲנָשִׁים כָּאֵלֶּה הָיוּ בָכֶם לְפָנִים אֲבָל רֻחַצְתֶּם נִקְדַּשְׁתֶּם וְנִצְדַּקְתֶּם בְּשֵׁם יֵשׁוּעַ הַמָשִׁיחַ אֲדֹנֵינוּ וּבְרוּחַ אֱלֹהֵינוּ
1Co 6:12 הַכֹּל נָכוֹן לְפָנַי אֲבָל לֹא הַכֹּל לְהוֹעִיל לִי הַכֹּל נָכוֹן לְפָנַי אֲבָל לֹא אֶהְיֶה עֶבֶד לְאֶחָד מֵהֶם
1Co 6:13 הָאֹכֶל לַבֶּטֶן וְהַבֶּטֶן לָאֹכֶל וְהָאֱלֹהִים יְאַבֵּד גַּם־אֶת־שְׁנֵיהֶם וְהַגּוּף אֵינֶנּוּ לִזְנוּת כִּי אִם־קֹדֶשׁ לָאָדוֹן וְהָאָדוֹן לַגּוּף
1Co 6:14 וְהָאֱלֹהִים הֵקִים אֶת־הָאָדוֹן וְגַם־אוֹתָנוּ יָקִים בִּגְבוּרָתוֹ
1Co 6:15 הֲלֹא יְדַעְתֶּם כִּי עַצְמֹתֵיכֶם אֵבָרֵי הַמָּשִׁיחַ הֵם הֲכִי אֶקַּח אֵבָרֵי הַמָּשִׁיחַ לַעֲשׂוֹתָם לְאֵבָרֵי זוֹנָה חָלִילָה
1Co 6:16 הֲכִי לֹא יְדַעְתֶּם כִּי הַנִּצְמָד לְזוֹנָה נִהְיָה עִמָּהּ לְבָשָׂר אֶחָד כְּמוֹ ושֶׁנֶּאֱמַר וְהָיוּ שְׁנֵיהֶם לְבָשָׂר אֶחָד
1Co 6:17 וְהַנִּצְמָד לָאָדוֹן נִהְיָה עִמּוֹ ולְרוּחַ אֶחָד
1Co 6:18 נוּסוּ אֵפוֹא מִן־הַזְּנוּת כָּל־חֵטְא אֲשֶׁר־יֶחֱטָא הָאָדָם הוּא מִחוּץ לִבְשָׂרוֹ ווְאִישׁ זְנוּנִים אֶת־חֶטְאוֹ ובִּבְשָׂרוֹ ויִתְּנֶנּוּ
1Co 6:19 הֲכִי לֹא־יְדַעְתֶּם כִּי בְשַׂרְכֶם הוּא מִשְׁכַּן רוּחַ הַקֹּדֶשׁ בְּקִרְבְּכֶם אֲשֶׁר נָתַן לָכֶם אֱלֹהִים וְכִי לֹא־שֶׁלָּכֶם אַתֶּם
1Co 6:20 כִּי בִמְחִיר נִקְנֵיתֶם עַל־כֵּן כַּבְּדוּ אֶת־הָאֱלֹהִים בִּבְשַׂרְכֶם וּבְרוּחֲכֶם אֲשֶׁר לֵאלֹהִים הֵמָּה׃