Rom 1:1 פּוֹלוֹס עֶבֶד יֵשׁוּעַ הַמָּשִׁיחַ שָׁלִיחַ נִבְחָר וּמְקֻדָּשׁ לְבַשֵּׂר אֶת־בְּשׁרַת הָאֱלֹהִים
Rom 1:2 אֲשֶׁר מִקֶּדֶם הִגִּיד אֹתָהּ עַל־פִּי נְבִיאָיו בְּכִתְבֵי הַקֹּדֶשׁ
Rom 1:3 עַל־דְּבַר בְּנוֹ ואֲשֶׁר יָצָא מִזֶּרַע דָּוִד לְפִי בְשָׂרוֹ
Rom 1:4 וְהוּכַן בֶּן־הָאֱלֹהִים בִּגְבוּרָה לְפִי רוּחַ הַקֹּדֶשׁ בַּהֲקִיצוֹ ומִן־הַמֵּתִים הוּא יֵשׁוּעַ הַמָּשִׁיחַ אֲדֹנֵינוּ
Rom 1:5 וְעַל־יָדוֹ ונִתַּן לָנוּ חֵן וּמַלְאֲכוּת־יָהּ לְהַטּוֹת אֶת־לֵב כָּל־הַגּוֹיִם לָאֱמוּנָה בַּעֲבוּר שְׁמוֹ
Rom 1:6 וּבְתוֹכָם הִנְּכֶם גַּם־אַתֶּם קְרִיאֵי יֵשׁוּעַ הַמָּשִׁיחַ
Rom 1:7 כָּל־הַקָּהָל בְּרוֹמִי יְדִידֵי אֱלֹהִים בְּחִירָיו וּקְדשָשׁיו חֶסֶד וְשָׁלוֹם יִתֵּן לָכֶם אֱלֹהִים אָבִינוּ וְיֵשׁוּעַ הַמָּשִׁיחַ אֲדֹנֵינוּ
Rom 1:8 בְּפֵתַח דְּבָרַי אוֹדֶה אֶת־אֱלֹהַי בְּיֵשׁוּעַ הַמָּשִׁיחַ בְּעַד־כֻּלְכֶם כִּי אֱמוּנַתְכֶם שָׁמְעָה בְּכָל הָעוֹלָם
Rom 1:9 וְהָאֱלֹהִים אֲשֶׁר בִּבְשׁרַת בְּנוֹ ואֲנִי עֹבֵד אֹתוֹ ובְּרוּחִי וְנַפְשִׁי הוּא עֵדִי כִּי לֹא־חָדַלְתִּי מֵהַזְכִּיר אֶתְכֶם
Rom 1:10 וּמַעְתִּיר אֲנִי תָמִיד בִּתְפִלּוֹתַי לְמָתַי אֵפוֹא אַצְלִיחַ דַּרְכִּי בִּרְצוֹן אֱלֹהַי לָבוֹא אֲלֵיכֶם
Rom 1:11 כִּי־נִכְסֹף נִכְסַפְתִּי לִרְאֹתְכֶם וּלְהַאֲצִיל מִן־מַתְּנַת הָרוּחַ עֲלֵיכֶם לְהוֹסִיף לָכֶם אֹמֶץ
Rom 1:12 וְגַם־כֵּן לְהִתְנַחֵם עִמָּכֶם יַחְדָּו בֶּאֱמוּנַת אִישׁ וְאִישׁ מִמֶּנּוּ כְּמוֹכֶם כָּמֹנִי
Rom 1:13 וְאֵין־נַפְשִׁי לְהַעֲלִים מִכֶּם אַחַי כִּי־רַבּוֹת נָתַתִּי אֶת־לִבִּי לָבוֹא אֲלֵיכֶם לִמְצֹא לִי מְעַט פְּרִי גַם־בָכֶם כְּמוֹ וגַם־בְּיֶתֶר הַגּוֹיִם וְנִמְנַעְתִּי עַד־עָתָּה
Rom 1:14 הִנֵּה בַּעַל חוֹב אֲנִי לִבְנֵי הַיְּוָנִים וְגַם־לִבְנֵי עַם לֹעֵז לִבְנֵי בִינָה וְלִבְנֵי בְלִי־בִינָה
Rom 1:15 וּבְכֵן נָכוֹן אֲנִי לְפִי יְכָלְתִּי לְהַגִּיד אֶת־הַבְּשׁרָה גַּם־לָכֶם בְּנֵי רוֹמִי
Rom 1:16 כִּי לֹא־אֵבוֹשׁ מִבְּשׁרַת הַמָּשִׁיחַ אֲשֶׁר גְּבוּרַת אֱלֹהִים הִיא לִתְשׁוּעָה אֶל־כָּל־מַאֲמִין הַיְּהוּדִי בְּרֹאשׁ וְגַם־הַיְּוָנִי
Rom 1:17 כִּי־בָהּ נִגְלְתָה צִדְקַת אֱלֹהִים מִמְּקוֹר אֱמוּנָה לְמַעַן נִחְיֶה בֶאֱמוּנָה כַּכָּתוּב וְצַדִּיק בֶּאֱמוּנָתוֹ ויִחְיֶה
Rom 1:18 וַחֲרוֹן אֱלֹהִים מִשָּׁמַיִם נִשְׁקָף עַל־עֹשֵׂי רִשְׁעָה וּבְנֵי עַוְלָה הַכֹּבְשִׁים אֶת־הָאֱמֶת בְּעַוְלָתָה
Rom 1:19 כִּי דַּעַת אֱלֹהִים בְּרוּרָה בְקִרְבָּם כִּי גִלָּה לָהֶם אֱלֹהִים
Rom 1:20 כִּי חֶבְיוֹן עֻזּוֹ ונֵצַח גְּבוּרָתוֹ ווֵאלֹהוּתוֹ ונוֹדְעוּ וְיָצְאוּ לָאוֹרָה עַל־יְדֵי פְעֻלּוֹתָיו מִיּוֹם בְּרֹא אֶרֶץ וְשָׁמָיִם עַד־כִּי אֵין־לָהֶם פֶּה לְהִצְטַדָּק
Rom 1:21 כִּי יֹדְעִים הֵם אֶת־הָאֱלֹהִים וְלֹא נָתְנוּ לוֹ וכְבוֹדוֹ ואַף־לֹא הוֹדוּ לוֹ וכִּי אִם־בְּמוֹעֲצוֹתֵיהֶם יֶהְבָּלוּ וְלִבָּם הַנִּבְעָר הָלַךְ חֲשֵׁכִים
Rom 1:22 יִתְאַמְּרוּ כִּי חֲכָמִים הֵם עַל־כֵּן נִבְעָרוּ
Rom 1:23 וַיָּמִירוּ כְבוֹד אֲדֹנָי אֵל עוֹלָם בִּדְמוּת תַּבְנִית אָדָם בֶּן־תְּמוּתָה וְתַבְנִית עוֹף הַשָּׁמַיִם וְהוֹלֵךְ עַל־אַרְבַּע וְרֶמֶשׂ הָאֲדָמָה
Rom 1:24 עַל־כֵּן אֱלֹהִים הִסְגִּירָם בְּיַד שְׁרִרוּת לִבָּם לְטֻמְאָה וּלְחַלֵּל בְּשָׂרָם הֵם בֵּינֵיהֶם
Rom 1:25 אֲשֶׁר הֵמִירוּ אֱלֹהֵי אֱמֶת בַּשָּׁקֶר וַיִּירְאוּ וַיַּעַבְדוּ אֶת־הַנּוֹצָר עַל־פְּנֵי הַיּוֹצֵר בָּרוּךְ הוּא לְעוֹלָם וָעֶד אָמֵן
Rom 1:26 בַּעֲבוּר זֹאת הִסְגִּירָם אֱלֹהִים בְּיַד קְלוֹן תְּשׁוּקָתָם כִּי גַּם־נְשֵׁיהֶם הֶחֱלִיפוּ אֹרַח חֻקָּתָן בְּאֹרַח זָר׃
Rom 1:27 כַּאֲשֶׁר גַּם־הַגְּבָרִים חָדְלוּ מִבּוֹא אֶל־הַנָּשִׁים כְּדֶרֶךְ כָּל־הָאָרֶץ וַתִּבְעַר־בָּם אֵשׁ תַּאֲוָתָם אִישׁ אֶל־רֵעֵהוּ וְגֶבֶר בְּגֶבֶר יִתְעַלְּלוּ לְקִיקָלוֹן וְעֵקֶב תַּעְתֻּעֵיהֶם לָקְחוּ דֵי־גְמוּל בְּנַפְשׁוֹתָם׃
Rom 1:28 וְכַאֲשֶׁר לֹא חָפְצוּ הַשְׂכֵּל וְיָדֹעַ אֶת־הָאֱלֹהִים כֵּן עֲזָבָם בִּמְשׁוּבַת לִבָּם לַעֲשׂוֹת אֵת אֲשֶׁר־לֹא יֵעָשֶׂה׃
Rom 1:29 עַד אֲשֶׁר מָלְאוּ כָּל־עַוְלָה זְנוּת רֶשַׁע בֶּצַע וָאָוֶן וְגַם־קִנְאָה וְרֶצַח מָדוֹן וּרְמִיָּה וּמְזִמָּה׃
Rom 1:30 כֻּלָּם מַלְשִׁינִים וְהֹלְכֵי רָכִיל שׁנְאֵי אֱלֹהִים וְהוֹלְלִים גֵּאִים וּרְהָבִים חָרָשֵׁי מַשְׁחִית וּמַמְרִים לְהוֹרֵיהֶם׃
Rom 1:31 חַסְרֵי דַּעַת וּמְפִירֵי בְרִית אַכְזָרִים נֹטְרֵי שִׂנְאָה אֲשֶׁר חֲנִינָה לֹא יֵדָעוּ׃
Rom 1:32 וְהֵם אַף־כִּי יֹדְעִים מִשְׁפַּט אֱלֹהִים כִּי־הָעֹשִׂים מַעֲשִׂים כָּאֵלֶּה בְּנֵי־מָוֶת הֵם בְּכָל־זֹאת לֹא לְבַד כִּי יַעֲשׂוּם כִּי־אִם גַּם־יְאַשְּׁרוּן עוֹד עֹשֵׂיהֶם׃