Mar 8:1 וַיְהִי בַּיָּמִים הָהֵם וַיִּתְאַסְּפוּ אֵלָיו עַם־רָב וְלֹא הָיָה לָהֶם כָּל־אֹכֶל לְמַלֵּא לְנַפְשָׁם וַיִּקְרָא יֵשׁוּעַ אֶל־תַּלְמִידָיו וַיֹּאמֶר אֲלֵיהֶם
Mar 8:2 מָלֵאתִי רַחֲמִים עַל־הָעָם כִּי עָמְדוּ עִמָּדִי זֶה שְׁלֹשֶׁת יָמִים וְאֵין לָהֶם מַה־לֶּאֱכֹל
Mar 8:3 וְכִי אֲשַׁלְּחֵם רְעֵבִים לְבָתֵּיהֶם יִתְעַלְּפוּ בַּדָּרֶךְ וְיֵשׁ מֵהֶם אֲשֶׁר בָּאוּ מִמֶּרְחָק
Mar 8:4 וַיַּעֲנוּ אֹתוֹ ותַלְמִידָיו מֵאַיִן תַּשִּׂיג יַד־אִישׁ בַּמִּדְבָּר לְהַשְׂבִּיעַ אֶת־אֵלֶּה לָחֶם
Mar 8:5 וַיִּשְׁאַל אֹתָם לֵאמֹר כַּמָּה לָכֶם לֶחֶם וַיֹּאמְרוּ שִׁבְעָה
Mar 8:6 וַיְצַו אֶת־הֲמוֹן הָעָם לָשֶׁבֶת עַל־הָאָרֶץ וַיִקַּח אֶת־שִׁבְעַת הַלֶּחֶם וַיְבָרֶךְ וַיִּפְרֹס וַיִּתֵּן אֶל־תַּלְמִידָיו לָשׂוּם לִפְנֵיהֶם וַיָּשִׂמוּ לִפְנֵי הֲמוֹן הָעָם
Mar 8:7 וּמְעַט דָּגִים קְטַנִּים הָיוּ לָהֶם אֲשֶׁר בֵּרַךְ עֲלֵיהֶם וַיֹּאמֶר לָשׂוּם לִפְנֵיהֶם גַּם־אֶת־אֵלֶּה
Mar 8:8 וַיֹּאכְלוּ וַיִּשְׂבָּעוּ וַיִּשְׂאוּ אֶת־הַפְּתוֹתִים הַנּוֹתָרִים שִׁבְעָה סַלִּים
Mar 8:9 וְהֵם הָיוּ כְּאַרְבַּעַת אַלְפֵי־אִישׁ וְאַחֲרֵי־כֵן שִׁלַּח אֶת־הָעָם
Mar 8:10 אָז יָרַד בָּאֳנִיָּה עִם־תַּלְמִידָיו וַיָּבֹא שְׂדֵה דַלְמָנוּתָא
Mar 8:11 וַיֵּצְאוּ הַפְּרוּשִׁים וַיָּחֵלּוּ לְהִתְוַכַּח אִתּוֹ ווּלְבַעֲבוּר נַסּוֹתוֹ ושָׁאֲלוּ לָתֵת לָהֶם אוֹת מִן־הַשָּׁמָיִם
Mar 8:12 וַיֵּאָנַח בִּמְרִירוּת רוּחוֹ ולֵאמֹר מַדּוּעַ יְבַקֵּשׁ הַדּוֹר הַזֶּה אוֹת אָמֵן אֲנִי אֹמֵר לָכֶם כִּי אוֹת לֹא יִנָּתֵן לַדּוֹר הַזֶּה
Mar 8:13 וַיַּעֲזֹב אֹתָם וַיָּשָׁב וַיַּעֲבֹר בָּאֳנִיָּה אֶל־עֵבֶר הַיָּם
Mar 8:14 וְהֵם שָׁכְחוּ לָקַחַת אִתָּם צֵדָה לַדָּרֶךְ וְלֹא־נִמְצָא בָאֳנִיָּתָם בִּלְתִּי כִּכַּר־לֶחֶם אֶחָת
Mar 8:15 וְהוּא הִזְהִיר אֹתָם לֵאמֹר רְאוּ הִשָּׁמְרוּ לָכֶם מֵחֻמְצַת הַפְּרוּשִׁים וּמִשְּׂאֹר הוֹרְדוֹס
Mar 8:16 וַיְהִי הֵם נְדוֹנִים אִישׁ אֶת־אָחִיו לֵאמֹר עַל כִּי־לֶחֶם אֵין אִתָּנוּ
Mar 8:17 וַיֵּדַע יֵשׁוּעַ וַיֹּאמֶר אֲלֵיהֶם לָמָּה־זֶּה אַתֶּם נְדוֹנִים עַל כִּי־אֵין לָכֶם לָחֶם הֲכִי לֹא תָבִינוּ וְלֹא תַשְׂכִּילוּ וְלִבְּכֶם כָּבֵד עַד־כֹּה
Mar 8:18 עֵינַיִם לָכֶם וְלֹא תִרְאוּ וְאָזְנַיִם לָכֶם וְלֹא תַקְשִׁיבוּ וְלֹא תִזְכֹּרוּ
Mar 8:19 כַּאֲשֶׁר פָּרַסְתִּי אֶת־חֲמֵשֶׁת הַלֶּחֶם לַחֲמֵשֶׁת אֲלָפִים כַּמָּה סַלִּים מְלֵאִים פְּתוֹתִים נְשָׂאתֶם מֵהֶם וַיֹּאמְרוּ אֵלָיו שְׁנֵים־עָשָׂר
Mar 8:20 וּמִן־הַשֶּׁבַע לְאַרְבַּעַת הָאֲלָפִים כַּמָּה סַלִּים מְלֵאִים פְּתוֹתִים נְשָׂאתֶם מֵהֶם וַיֹּאמְרוּ אֵלָיו שִׁבְעָה
Mar 8:21 וַיֹּאמֶר אֲלֵיהֶם הֲכִי עוֹד לֹא תַשְׂכִּילוּ עַד־כֹּה
Mar 8:22 וַיָּבֹאוּ אֶל־בֵּית צָיְדָה וַיָּבִיאוּ אֵלָיו אִישׁ עִוֵּר וַיְבַקְשֻׁהוּ לְתִתּוֹ ולָגַעַת בּוֹ
Mar 8:23 וַיַּחֲזֵק בְּיַד הָעִוֵּר וַיּוֹצִיאֵהוּ אֶל־מִחוּץ לָעִיר וַיָּרָק בְּעֵינָיו וְאֶת־יָדָיו שָׂם עָלָיו וַיִּשְׁאָלֵהוּ אִם־הוּא רֹאֶה מְאוּמָה
Mar 8:24 וַיִּשָּׂא אֶת־עֵינָיו וַיֹּאמַר אֲנִי רֹאֶה אֲנָשִׁים כִּי אֲנִי רֹאֶה אֹתָם הֹלְכִים כְּמוֹ־עֵצִים
Mar 8:25 וַיָּשֶׂם אֶת־יָדָיו שֵׁנִית עַל־עֵינָיו וַיִּפְקַח אֹתָן אָז הִתְרַפֵּא וַיַּרְא כָּל־דָּבָר אֶל־נָכוֹן
Mar 8:26 וַיְשַׁלְּחֵהוּ אֶל־בֵּיתוֹ ווַיֹּאמַר אַל־תָּבֹא בָּעִיר וְאַל לְהַגִּיד לְאִישׁ דָּבָר בָּעִיר׃
Mar 8:27 וַיֵּצֵא יֵשׁוּעַ מִשָּׁם וַיֵּלֶךְ עִם־תַּלְמִידָיו אֶל־הַכְּפָרִים בְּקִיסְרִין אֲשֶׁר לְפִילִפּוֹס וַיְהִי בַּדֶּרֶךְ וַיִּשְׁאַל אֹתָם לֵאמֹר מָה־אֹמְרִים הָאֲנָשִׁים עָלַי מִי־אָנִי׃
Mar 8:28 וַיַּעֲנוּ וַיֹּאמְרוּ יוֹחָנָן הַמְטַבֵּל וְיֵשׁ אֹמְרִים אֵלִיָּהוּ וַאֲחֵרִים אֹמְרִים אֶחָד מִן־הַנְּבִיאִים׃
Mar 8:29 וַיִּשְׁאַל אֹתָם לֵאמֹר וְאַתֶּם מַה־תֹּאמְרוּ עָלַי מִי־אָנִי וַיַּעַן פֶּטְרוֹס וַיֹּאמֶר אֵלָיו אַתָּה הוּא הַמָּשִׁיחַ׃
Mar 8:30 וַיְצַו עֲלֵיהֶם לְבִלְתִּי הַגֵּד לְאִישׁ עַל־אֹדוֹתָיו׃
Mar 8:31 אָז הֵחֵל לְהוֹרֹתָם לֵאמֹר רַבִּים מַכְאֹבִים לְבֶן־הָאָדָם וְהַזְּקֵנִים וְרָאשֵׁי הַכֹּהֲנִים וְהַסּוֹפְרִים יִמְאֲסוּ בוֹ ווִימִיתֻהוּ וּמִקְצֵה שְׁלֹשֶׁת יָמִים יָקוּם׃
Mar 8:32 וְאֶת־הַדָּבָר הַזֶּה הִגִּיד בַּאֵר הֵיטֵב וַיִּקַּח אֹתוֹ ופֶּטְרוֹס וַיָּחֶל לְהוֹכִיחוֹ ובִּדְבָרִים׃
Mar 8:33 אַךְ הוּא פָּנָה כֹּה וָכֹה וַיַּבֵּט אֶל־תַּלְמִידָיו וַיִּגְעַר בְּפֶטְרוֹס לֵאמֹר סוּר שָׁטָן מֵעַל־פָּנַי כִּי לֹא תַשְׂכִּיל אֶת־אֲשֶׁר לֵאלֹהִים כִּי אִם־אֶת־אֲשֶׁר לָאָדָם׃
Mar 8:34 וַיִּקְרָא אֶל־הָעָם וְאֶל־תַּלְמִידָיו וַיֹּאמֶר אֲלֵיהֶם מִי־הֶחָפֵץ לָלֶכֶת אַחֲרַי יַשְׁלִיךְ אֶת־נַפְשׁוֹ ומִנֶּגֶד וְיִשָּׂא אֶת־צְלָבוֹ ווְיֵלֵךְ אַחֲרָי׃
Mar 8:35 כִּי מִי־הֶחָפֵץ לְהַצִּיל אֶת־נַפְשׁוֹ ותִּכָּרֶת־לוֹ ווּמִי־אֲשֶׁר־יַכְרִית אֶת־נַפְשׁוֹ ולְמַעֲנִי וּלְמַעַן הַבְּשׂוֹרָה יִמְצָאֶנָּה׃
Mar 8:36 כִּי מַה־בֶּצַע לְאִישׁ אִם־יִקְנֶה־לּוֹ ואֶת־כָּל־הָאָרֶץ וְנַפְשׁוֹ ותִּכָּרֶת־לוֹ׃
Mar 8:37 אוֹ ומַה־יִּתֶּן אִישׁ פִּדְיוֹן נַפְשׁוֹ׃
Mar 8:38 כִּי כָּל־אִישׁ אֲשֶׁר יֵבוֹשׁ מִמֶּנִּי וּמִדְּבָרַי בַּדּוֹר הַבֹּגֵד וְהַפּשֵׁעַ הַזֶּה אַף בֶּן־הָאָדָם יֵבוֹשׁ מִמֶּנּוּ גַּם־הוּא כַּאֲשֶׁר יָבֹא בִכְבוֹד אָבִיו עִם־מַלְאָכָיו הַקְּדוֹשִׁים׃