Luke 19:1 ‏וכַד עַל יֶשֻוע וַעבַר בִּאירִיחֻו ׃
Luke 19:2 ‏גַּברָא חַד דַּשמֶה זַכָּי עַתִּירָא הוָא ורַב מָכסָא ׃
Luke 19:3 ‏וצָבֶא הוָא דּנֶחזֶא ליֶשֻוע דּמַנֻו וָלֶא מֶשכַּח הוָא מַן כָּנשָא מֶטֻל דַּבקַומתֶה זעֻור הוָא זַכָּי ׃
Luke 19:4 ‏וַרהֶט קַדּמֶה ליֶשֻוע וַסלֶק לֶה לתִתָּא פַּכִּיהתָּא דּנֶחזֶיוהי מֶטֻל דּהָכוָת עתִיד הוָא דּנֶעבַּר ׃
Luke 19:5 ‏וכַד אָתָא להָי דֻּוכּתָא יֶשֻוע חזָיהי וֶאמַר לֶה אֶסתַּרהב חֻות זַכָּי יַומָנָא גֶּיר וָלֶא דַּבבַיתָּך אֶהוֶא ׃
Luke 19:6 ‏וֶאסתַּרהַב נחֶת וקַבּלֶה כַּד חדָא ׃
Luke 19:7 ‏כַּד חזַו דֶּין כֻּלהֻון רָטנִין הוַו וָאמרִין דַּלוָת גַּברָא חָטיָא עַל שָרֶא ׃
Luke 19:8 ‏קָם דֶּין זַכָּי וֶאמַר ליֶשֻוע הָא מָרי פֶּלגֻּות נֶכסַי יַהב אֶנָא למֶסכִּנָא וַלכֻלנָש מֶדֶּם דּגֶלזֶת חַד בַּארבּעָא פּרַע אֶנָא ׃
Luke 19:9 ‏אָמַר לֶה יֶשֻוע יַומָנָא הוַו חָיֶא לבַיתָּא הָנָא מֶטֻל דָּאף הָנָא בַּרֶה הֻו דַּאברָהָם ׃
Luke 19:10 ‏אָתָא גֶּיר בַּרֶה דּאנָשָא דּנֶבעֶא ונִחֶא הֻו מֶדֶּם דַּאבִּיד הוָא ׃
Luke 19:11 ‏וכַד שָמעִין הוַו הָלֶין אַוסֶף למִאמַר מַתּלָא מֶטֻל דּקַרִיב הוָא לֻאורִשלֶם וסָברִין הוַו דַּבהָי שָעתָא עתִידָא דּתֶתגּלֶא מַלכֻּותֶה דַּאלָהָא ׃
Luke 19:12 ‏וֶאמַר גַּברָא חַד בַּר טֻוהמָא רַבָּא אֶזַל לַאתרָא רַחִיקָא דַּנסַב לֶה מַלכֻּותָא ונֶהפֻּוך ׃
Luke 19:13 ‏וַקרָא עֶסרָא עַבדַּוהי ויַהב להֻון עֶסרָא מַניָן וֶאמַר להֻון אֶתּתַּגּרו עַד אָתָא אֶנָא ׃
Luke 19:14 ‏בּנַי מדִינתֶּה דֶּין סָנֶין הוַו לֶה ושַדַּרו אִיזגַּדֶּא בָּתרֶה וָאמרִין לָא צָבֶין חנַן דּנַמלֶך עַלֶין הָנָא ׃
Luke 19:15 ‏וכַד נסַב מַלכֻּותָא וַהפַך אָמַר דּנֶקרֻון לֶה הֶנֻון עַבדַּוהי דּיַהב להֻון כֶּספָּא דּנֶדַּע מָנָא כֻּל חַד חַד מֶנהֻון אֶתּתַּגַּר ׃
Luke 19:16 ‏וָאתָא קַדמָיָא וֶאמַר מָרי מַניָך עֶסרָא מַניָן אַותַּר ׃
Luke 19:17 ‏אָמַר לֶה אִיו עָבדָּא טֶבָּא דַּבקַלִיל אֶשתַּכחַת מהַימֶן תֶּהוֶא שַלִיט עַל עֶסרָא כַּרכִין ׃
Luke 19:18 ‏וָאתָא דַּתרֶין וֶאמַר מָרי מַניָך חַמשָא מַניָן עָבֶד ׃
Luke 19:19 ‏אָמַר אָף להָנָא אָף אַנתּ תֶּהוֶא שַלִיט עַל חַמשָא כַּרכִין ׃
Luke 19:20 ‏וָאתָא אחרִנָא וֶאמַר מָרי הָא מַניָך הֻו דִּאית הוָא לוָתי כַּד סִים בּסֶדֻּונָא ׃
Luke 19:21 ‏דֶּחלֶת גֶּיר מֶנָך דּגַברָא אַנתּ קַשיָא וַשקַל אַנתּ מֶדֶּם דָּלֶא סָמתּ וחָצֶד אַנתּ מֶדֶּם דָּלֶא זרַעתּ ׃
Luke 19:22 ‏אָמַר לֶה מַן פֻּומָך אֶדֻּונָך עָבדָּא בִּישָא יָדַע הוִית לִי דּגַברָא אֶנָא קַשיָא וַשקַל אֶנָא מֶדֶּם דָּלֶא סָמתּ וחָצֶד אֶנָא מֶדֶּם דָּלֶא זרַעתּ ׃
Luke 19:23 ‏למָנָא לָא יַהבתּ כֶּספּי עַל פָּתֻורָא וֶאנָא אָתָא הוִית תָּבַע לֶה עַם רַבַּיתֶּה ׃
Luke 19:24 ‏וַלהָנֻון דּקָימִין קדָמַוהי אָמַר סַבו מֶנֶה מַניָא והַבו להַו דִּאית לוָתֶה עֶסרָא מַניָן ׃
Luke 19:25 ‏אָמרִין לֶה מָרַן אִית לוָתֶה עֶסרָא מַניָן ׃
Luke 19:26 ‏אָמַר להֻון אָמַר אֶנָא לכֻון דַּלכֻל מַן דִּאית לֶה נֶתִיהֶב לֶה ומַן הֻו דּלַיתּ לֶה אָף הֻו דִּאית לֶה נֶתנסֶב מֶנֶה ׃
Luke 19:27 ‏בּרַם להָנֻון בּעֶלדּבָבַי אַילֶין דָּלֶא צבַו דַּאמלֶך עלַיהֻון אַיתַּו אֶנֻון וקַטֶלו אֶנֻון קדָמַי ׃
Luke 19:28 ‏וכַד אָמַר הָלֶין יֶשֻוע נפַק לַקדָמַוהי דּנִאזַל לֻאורִשלֶם ׃
Luke 19:29 ‏וכַד מַטִי לבֶית־פָּגֶּא ובֶית־עַניָא עַל גָּנֶב טֻורָא דּמֶתקרֶא דּבֶית זַיתָּא שַדַּר תּרֶין מַן תַּלמִידַוהי ׃
Luke 19:30 ‏וֶאמַר להֻון זֶלו לַקרִיתָא הִי דַּלקֻובלַן וכַד עָאלִין אַנתֻּון לֶה הָא מֶשכּחִין אַנתֻּון עִילָא דַּאסִיר דּאנָש מֶמתֻום לָא רכֶב עלַוהי שרַו אַיתַּאוֻהי ׃
Luke 19:31 ‏וֶאן אנָש משַאֶל לכֻון למָנָא שָרֶין אַנתֻּון לֶה הָכַנָא אֶמַרו לֶה למָרַן מֶתבּעֶא ׃
Luke 19:32 ‏וֶאזַלו הֶנֻון דֶּאשתַּדַּרו וֶאשכַּחו אַיכַּנָא דֶּאמַר להֻון ׃
Luke 19:33 ‏וכַד שָרֶין לֶה לעִילָא אָמרִין להֻון מָרַוהי מָנָא שָרֶין אַנתֻּון עִילָא הֻו ׃
Luke 19:34 ‏וֶאמַרו להֻון דַּלמָרַן מֶתבּעֶא ׃
Luke 19:35 ‏וַאיתּיֻוהי לוָת יֶשֻוע וַארמִיו עַל עִילָא מָאנַיהֻון וַארכּבֻוהי ליֶשֻוע עלַוהי ׃
Luke 19:36 ‏כַּד דֶּין אֶזַל פָּרסִין הוַו מָאנַיהֻון בֻּאורחָא ׃
Luke 19:37 ‏וכַד קרֶב למַחַתּתָא דּטֻורָא דּבֶית זַיתָּא שַרִיו כֻּלֶה כָּנשָא דּתַלמִידָא חָדֶין וַמשַבּחִין לַאלָהָא בּקָלָא רמָא עַל כֻּל חַילָא דַּחזַו ׃
Luke 19:38 ‏וָאמרִין הוַו בּרִיך הֻו מַלכָּא דָּאתָא בַּשמֶה דּמָריָא שַלמָא בַּשמַיָא ושֻובחָא בַּמרַומֶא ׃
Luke 19:39 ‏אנָשָא דֶּין מַן פּרִישָא מַן בַּינַי כָּנשָא אָמרִין לֶה רַבַּי כּאִי בּתַלמִידַיךּ ׃
Luke 19:40 ‏אָמַר להֻון אָמַר אֶנָא לכֻון דֶּאן הָלֶין נֶשתּקֻון כִּאפָא נֶקעיָן ׃
Luke 19:41 ‏וכַד קרֶב וַחזָה לַמדִינתָּא בָּכֶא עלֶיה ׃
Luke 19:42 ‏וֶאמַר אֶלֻו כַּי יִדַעתּי אַילֶין דִּאיתַיהֶין דַּשלָמֶכי אָפֶן בּהָנָא יַומֶכי הָשָא דֶּין אֶתכַּסִי להֶין מַן עַינַיכּי ׃
Luke 19:43 ‏נִאתֻון לֶכי דֶּין יַומָתָא דּנֶחדּרֻונֶכי בּעֶלדּבָבַיכּי ונֶאלצֻונֶכי מַן כֻּל דֻּוכּא ׃
Luke 19:44 ‏ונֶסחפֻונֶכי ולַבנַיכּי בּגַוֶכי וָלֶא נֶשבּקֻון בֶּכי כִּאף עַל כִּאף חלַף דָּלֶא יִדַעתּי זַבנָא דּסֻוערָנֶכי ׃
Luke 19:45 ‏וכַד עַל להַיכּלָא שַרִי למַפָּקֻו לַאילֶין דּזָבנִין בֶּה וַמזַבּנִין ׃
Luke 19:46 ‏וֶאמַר להֻון כּתִיב דּבַיתּי בֶּית צלֻותָא אִיתַוהי אַנתֻּון דֶּין עבַדּתֻּונָיהי מעַרתָא דּלֶסטָיֶא ׃
Luke 19:47 ‏והֻו מַלֶף הוָא כֻּל יֻום בּהַיכּלָא רַבַּי כָּהנָא דֶּין וסֶפרֶא וקַשִישֶא דּעַמָא בָּעֶין הוַו למַובָּדֻותֶה ׃
Luke 19:48 ‏וָלֶא מֶשכּחִין הוַו מָנָא נֶעבּדֻון לֶה כֻּלֶה גֶּיר עַמָא תּלָא הוָא בֶּה למֶשמעֶה ׃