Luke 8:1 ‏וַהוָא מַן בָּתַר הָלֶין מֶתכּרֶך הוָא יֶשֻוע בַּמדִינתָּא וַבקֻוריָא ומַכרֶז הוָא ומַסבַּר מַלכֻּותָא דַּאלָהָא וַתרֶעסַרתֶּה עַמֶה ׃
Luke 8:2 ‏ונֶשֶא הָלֶין דֶּאתַאסִי מַן כֻּורהָנָא ומַן רֻוחָא בִּישתָּא מַריַם דּמֶתקַריָא מַגדּלָיתָּא הִי דּשַבעָא שִאדִין נפַקו מֶנֶה ׃
Luke 8:3 ‏ויֻוחַן אַנתַּת כֻּוזַא רַבַּיתֶּה דּהֶרָודֶס ושֻושַן וַאחרָניָתָא סַגִּיאתָא אַילֶין דַּמשַמשָן הוִי להֻון מַן קֶניָנַיהֶין ׃
Luke 8:4 ‏וכַד כָּנשָא סַגִּיָאא כָּנֶש הוָא ומַן כֻּל מדִינָן אָתֶין הוַו לוָתֶה אָמַר בּמַתלָא ׃
Luke 8:5 ‏נפַק זָרֻועָא למֶזרַע זַרעָה וכַד זרַע אִית דַּנפַל עַל יַד אֻורחָא וֶאתּדִיש וֶאכַלתֶּה פָּרַחתָא ׃
Luke 8:6 ‏וַאחרִנָא נפַל עַל שֻועָא ובַר שָעתֶה יִעָא וַדלַיתּ הוָא לֶה תַּלִילֻותָא יִבֶש ׃
Luke 8:7 ‏וַאחרִנָא נפַל בֶּית כֻּובֶּא וִיעַו עַמֶה כֻּובֶּא וחַנקֻוהי ׃
Luke 8:8 ‏וַאחרִנָא נפַל בַּארעָא טָבתָא ושַפִּירתָּא וִיעָא ועָבֶד פִּארָא חַד בַּמָאא הָלֶין כַּד אָמַר קעָא הוָא דּמַן דִּאית לֶה אֶדנָא דּנֶשםַע נֶשםַע ׃
Luke 8:9 ‏ושַאלֻוהי תַּלמִידַוהי דּמַנֻו מַתּלָא הָנָא ׃
Luke 8:10 ‏הֻו דֶּין אָמַר להֻון לכֻון הֻו יִהִיב למֶדַּע ארָזָא דּמַלכֻּותֶה דַּאלָהָא להָנֻון דֶּין שַרכָּא בּפֶלֶאתָא מֶתֶאמַר דּכַד חָזֶין לָא נֶחזֻון וכַד שָמעִין לָא נֶסתַּכּלֻון ׃
Luke 8:11 ‏הָנַו דֶּין מַתּלָא זַרעָא אִיתַוהי מֶלתָא דַּאלָהָא ׃
Luke 8:12 ‏הֶנֻון דֶּין דּעַל יַד אֻורחָא אִיתַיהֻון הֶנֻון דּשָמעִין מֶלתָא וָאתָא בּעֶלדּבָבָא שָקֶל מֶלתָא מַן לֶבּהֻון דָּלֶא נהַימנֻון ונִחֻון ׃
Luke 8:13 ‏הָלֶין דֶּין דּעַל שֻועָא הָלֶין אֶנֻון דִּמַא דַּשמַעו בּחַדֻותָא מקַבּלִין לֶה למֶלתָא ועֶקָרָא לַיתּ להֻון אֶלָא דּזַבנָא הִי הַימָנֻותהֻון ובַזבַן נֶסיֻונָא מֶתכַּשלִין ׃
Luke 8:14 ‏הֻו דֶּין דַּנפַל בֶּית כֻּובֶּא הָלֶין אֶנֻון אַילֶין דּשָמעִין מֶלתָא וַבצֶפתָא וַבעֻותרָא ובַרגִיגָתֶה דּעָלמָא מֶתחַנקִין ופִארֶא לָא יָהבִּין ׃
Luke 8:15 ‏הֻו דֶּין דּבַארעָא טָבתָא הָלֶין אֶנֻון אַילֶין דַּבלֶבָּא שַפיָא וטֶבָּא שָמעִין מֶלתָא וָאחדִּין ויָהבִּין פִּארָא בַּמסַיבּרָנֻותָא ׃
Luke 8:16 ‏לָא אנָש מַנהַר שרָגָא וַמחַפֶּא לֶה בּמָאנָא אָו סָאֶם לֶה תּחֶית עַרסָא אֶלָא סָאֶם לֶה לעֶל מַן מנָרתָּא דּכֻל דּעָאֶל נֶחזֶא נֻוהרֶה ׃
Luke 8:17 ‏לַיתּ גֶּיר מֶדֶּם דּכָסָא דָּלֶא נֶתגּלֶא וָלֶא דַּמטַשַי דָּלֶא נֶתִידַע ונִאתֶא לגֶליָא ׃
Luke 8:18 ‏חזַו אַיכַּנָא שמַעתֻּון מַן דִּאית לֶה גֶּיר נֶתִיהֶב לֶה ומַן דּלַיתּ לֶה אָף הֻו דּסָבַר דִּאית לֶה נֶשתּקֶל מֶנֶה ׃
Luke 8:19 ‏אֶתַו דֶּין לוָתֶה אֶמֶה וַאחֻוהי וָלֶא מֶשכּחִין הוַו דַּנמַללֻון עַמֶה מֶטֻל כָּנשָא ׃
Luke 8:20 ‏וֶאמַרו לֶה אֶמָך וַאחַיךּ קָימִין לבַר וצָבֶין למֶחזיָך ׃
Luke 8:21 ‏הֻו דֶּין ענָא וֶאמַר להֻון הָלֶין אֶנֻון אֶמי וַאחַי אַילֶין דּשָמעִין מֶלתָא דַּאלָהָא ועָבדִּין לֶה ׃
Luke 8:22 ‏הוָא דֶּין בּחַד מַן יַומָתָא סלֶק יֶשֻוע יָתֶב בַּספִינתָּא הֻו ותַלמִידַוהי וֶאמַר להֻון נֶעבַּר להַו עָברָא דּיַמתָא ׃
Luke 8:23 ‏וכַד רָדֶין דּמֶך לֶה הֻו יֶשֻוע וַהוָת עַלעָלָא דּרֻוחָא בּיַמתָא וקַרִיבָא הוָת ספִינתָּא למֶטבַּע ׃
Luke 8:24 ‏וַקרֶבו אַעִירֻוהי וָאמרִין לֶה רַבַּן רַבַּן אָבדִּינַן הֻו דֶּין קָם וַכאָא בּרֻוחָא וַבמַחשֻולֶא דּיָמֶא ונָחו וַהוָא שַליָא ׃
Luke 8:25 ‏וֶאמַר להֻון אַיכָּא הִי הַימָנֻותכֻון הֶנֻון דֶּין כַּד דַּחִילִין מֶתּדַּמרִין הוַו וָאמרִין חַד לחַד מַנֻו כַּי הָנָא דָּאף לרֻוחָא פּקַד וַלמַחשֻולֶא וַליַמָא ומֶשתַּמעִין לֶה ׃
Luke 8:26 ‏וַרדַו וֶאתַו לַאתרָא דּגָדרָיֶא דִּאיתַוהי בּעֶברָא לֻוקבַל גּלִילָא ׃
Luke 8:27 ‏וכַד נפַק לַארעָא פּגַע בֶּה גַּברָא חַד מַן מדִינתָּא דִּאית בֶּה דַּיוָא מַן זַבנָא סַגִּיָאא ומָאנָא לָא לָבֶש הוָא וַבבַיתָּא לָא עמַר הוָא אֶלָא בּבֶית קבֻורָא ׃
Luke 8:28 ‏כַּד חזָא דֶּין ליֶשֻוע קעָא וַנפַל קדָמַוהי וַבקָלָא רמָא אָמַר מָא לַן ולָך יֶשֻוע בַּרֶה דַּאלָהָא מרַימָא בָּעֶא אֶנָא מֶנָך לָא תּשַנקַני ׃
Luke 8:29 ‏פּקַד הוָא לֶה גֶּיר יֶשֻוע לרֻוחָא טַנפָא למַפַּק מַן בַּרנָשָא סגִי הוָא גֶּיר זַבנָא מַן דַּשבֶא הוָא לֶה ומֶתֶאסַר הוָא בּשִשַלתָּא וַבכֶבלֶא מֶתנטַר הוָא וַמפַסֶק הוָא אַסֻורַוהי ומֶתּדּבַר הוָא מַן שִאדָא לחֻורבָּא ׃
Luke 8:30 ‏שַאלֶה דֶּין יֶשֻוע מַן שמָך אָמַר לֶה לֶגיֻון מֶטֻל דּדַיוָא סַגִּיָאא עַלִילִין הוַו בֶּה ׃
Luke 8:31 ‏ובָעֶין הוַו מֶנֶה דָּלֶא נֶפקֻוד להֻון למִאזַל לַתהֻומָא ׃
Luke 8:32 ‏אִית הוָא דֶּין תַּמָן בַּקרָא דַּחזִירֶא סַגִּיָאא דּרָעיָא בּטֻורָא ובָעֶין הוַו מֶנֶה דּנַפֶּס להֻון דּבַחזִירֶא נֶעלֻון וַאפֶּס להֻון ׃
Luke 8:33 ‏וַנפַקו שִאדָא מַן גַּברָא ועַלו בַּחזִירֶא ותֶרצַת בַּקרָא הִי כֻּלֶה לַשקִיפָא וַנפַלו בּיַמתָא וֶאתחַנַקו ׃
Luke 8:34 ‏כַּד חזַו דֶּין רָעַוָתָא מֶדֶּם דַּהוָא ערַקו וֶאשתַּעִיו בַּמדִינתָּא וַבקֻוריָא ׃
Luke 8:35 ‏וַנפַקו אנָשָא דּנֶחזֻון מֶדֶּם דַּהוָא וֶאתַו לוָת יֶשֻוע וֶאשכּחֻוהי לגַברָא הֻו דַּנפַקו שִאדַוהי כַּד לבִיש וַמנַכַּף ויָתֶב לוָת רֶגלַוהי דּיֶשֻוע וַדחֶלו ׃
Luke 8:36 ‏וֶאשתַּעִיו להֻון אַילֶין דַּחזַו אַיכַּנָא אֶתַאסִי גַּברָא הֻו דַּיוָנָא ׃
Luke 8:37 ‏ובָעֶין הוַו מֶנֶה כֻּלֶה כָּנשָא דּגָדרָיֶא דּנִאזַל לֶה מַן לוָתהֻון מֶטֻל דּדֶחלתָא רַבּתָא אֶחדַּת אֶנֻון הֻו דֶּין יֶשֻוע סלֶק לַספִינתָּא וַהפַך מַן לוָתהֻון ׃
Luke 8:38 ‏הֻו דֶּין גַּברָא דַּנפַקו מֶנֶה שִאדָא בָּעֶא הוָא מֶנֶה דַּלוָתֶה נֶהוֶא וַשרָיהי יֶשֻוע וֶאמַר לֶה ׃
Luke 8:39 ‏הפֻוך לבַיתָּך וֶאשתַּעָא מֶדֶּם דַּעבַד לָך אַלָהָא וֶאזַל ומַכרֶז הוָא בּכֻלָה מדִינתָּא מֶדֶּם דַּעבַד לֶה יֶשֻוע ׃
Luke 8:40 ‏כַּד הפַך דֶּין יֶשֻוע קַבּלֶה כָּנשָא סַגִּיָאא כֻּלהֻון גֶּיר לֶה חָירִין הוַו ׃
Luke 8:41 ‏וגַברָא חַד דַּשמֶה יֻואָרָש רִיש כּנֻושתָּא נפַל קָדֶם רֶגלַוהי דּיֶשֻוע ובָעֶא הוָא מֶנֶה דּנֶעֻול לבַיתֶּה ׃
Luke 8:42 ‏בַּרתָא גֶּיר יִחִידָיתָּא אִית הוָת לֶה אַיך בַּרת שנִין תַּרתַּעֶסרֶא וקַרִיבָא הוָת לַממָת וכַד אֶזַל עַמֶה הֻו יֶשֻוע כָּנשָא סַגִּיָאא חָבֶץ הוָא לֶה ׃
Luke 8:43 ‏אַנתּתָא דֶּין חדָא דַּתרִיע הוָא דּמֶה שנִין תַּרתַּעֶסרֶא הִי דּבֶית אָסַוָתָא כֻּלֶה קֶניָנֶה אַפּקַת וָלֶא אֶשכּחֶת דּמַן אנָש תֶּתַאסֶא ׃
Luke 8:44 ‏אֶתקַרבַת מַן בֶּסתּרֶה וקֶרבַּת לכֶנפָא דּמָאנֶה ומֶחדָא קָמַת מַרדִּיתָא דַּדמָה ׃
Luke 8:45 ‏וֶאמַר יֶשֻוע מַנֻו קרֶב לִי וכַד כֻּלהֻון כָּפרִין אָמַר לֶה שֶמעֻון כִּאפָא וַדעַמֶה רַבַּן כָּנשָא אָלצִין לָך וחָבצִין וֶאמַר אַנתּ מַנֻו קרֶב לִי ׃
Luke 8:46 ‏הֻו דֶּין אָמַר אנָש קרֶב לִי אֶנָא גֶּיר יֶדעַת דּחִילָא נפַק מֶני ׃
Luke 8:47 ‏הִי דֶּין אַנתּתָא כַּד חזָת דָּלֶא טעָתֶה אֶתָת כַּד רתִיתָא ונֶפלַת סֶגדַּת לֶה וֶאמרֶת לעִין עַמָא כֻּלֶה מֶטֻל אִידָא עֶלתָא קֶרבַּת וַאיכַּנָא מֶחדָא אֶתַאסיַת ׃
Luke 8:48 ‏הֻו דֶּין יֶשֻוע אָמַר לֶה אֶתלַבּבי בּרַתי הַימָנֻותֶכי אַחיַתֶכי זֶלי בַּשלָמָא ׃
Luke 8:49 ‏ועד הֻו ממַלֶל אָתָא אנָש מַן דּבֶית רַב־כּנֻושתָּא וֶאמַר לֶה מִיתַת לֶה בַּרתָך לָא תֶּעמַל למַלפָנָא ׃
Luke 8:50 ‏יֶשֻוע דֶּין שָםַע וֶאמַר לַאבֻוה דַּטלִיתָא לָא תֶּדחַל בַּלחֻוד הַימֶן וַחיָא ׃
Luke 8:51 ‏אָתָא דֶּין יֶשֻוע לבַיתָּא וָלֶא שָבֶק לאנָש דּנֶעֻול עַמֶה אֶלָא לשֶמעֻון וַליַעקֻוב וַליֻוחַנָן ולַאבֻוה דַּטלִיתָא ולֶאמֶה ׃
Luke 8:52 ‏כֻּלהֻון דֶּין בּכֶין הוַו ומַרקדִין עלֶיה יֶשֻוע דֶּין אָמַר לָא תֶּבכֻּון לָא גֶּיר מִיתַת אֶלָא דַּמכָּא הִי ׃
Luke 8:53 ‏וגָחכִּין הוַו עלַוהי דּיָדעִין דּמִיתַת לֶה ׃
Luke 8:54 ‏הֻו דֶּין אַפֶּק לכֻלנָש לבַר וַאחדֶּה בִּאידֶה וַקרָה וֶאמַר טלִיתָא קֻומי ׃
Luke 8:55 ‏והֶפכַּת רֻוחֶה ומֶחדָא קָמַת וַפקַד דּנֶתּלֻון לֶה למֶאכַל ׃
Luke 8:56 ‏וַתמַהו אַבָהֶיה הֻו דֶּין זהַר אֶנֻון דַּלאנָש לָא נִאמרֻון מָא דַּהוָא ׃