Hab 1:1 ​נְבוּאֲתַא דְאִתנַבִי חֲבַקוּק נְבִיָא׃
Hab 1:2 עַד אִימַתִי יוי אָנָא מְצַלֵי הֲלָא גְלֵא קְֹדָמָך קָבֵילנָא״קבילית#3#״ קְֹדָמָך עַל חָטוֹפִין הֲלָא יוּכְלָא קְֹדָמָך לְמִפרַק׃
Hab 1:3 לְמָא אֲנָא חָזֵי אָנוֹסִין וֻמִסתַכַל בְעָבְדֵי״כעבדי#3#״ לֵיאוּת שְקַר וֻבָזוֹזִין וְחָטוֹפִין לְקִבלִי דִבתַחרוּתָא וֻבִזדוֹנָא״וֻבזֵידָנוּתָא#2#״ מִתגַבְרִין׃
Hab 1:4 עַל כֵין פַגַת אוֹרָיתָא וְלָא נָפֵיק לְאַפרַש דִינָא אֲרֵי רַשִיעַיָא מְסַלעֲמִין לְצַדִיקַיָא עַל כֵין לָא נָפֵיק דִינָא כֵיוָן׃
Hab 1:5 חֲזוֹ בְעַמְמַיָא וְאִסתַכַלוּ וְאִתרְפוֹ שְהוֹ״שִוְהוּ#3#״שְיַהוּ#3#״ אֲרֵי עוּבָדָא אִתעֲבֵיד בְיוֹמֵיכוֹן וְלָא תְהֵימְנוּן אֲרֵי יִשתַעוֹן לְכוֹן׃
Hab 1:6 אֲרֵי הָאֲנָא מְקִים יָת כַסדָאֵי עַמָא מוֹחֲיָא״מורניא#3#״ וְקַלִילָא דְאָזֵיל לִפתָאֵי אַרעָא לְאַחסָנָא קִרוִין דְלָא דִילֵיה״ליה#3#״׃
Hab 1:7 אֵימְתָנִין וֻדחִילִין אִנוּן מִנֵיה דִינֵיה וֻגזֵירָתֵיה נָפְקִין׃
Hab 1:8 וְקַלִילִין״וקלין#3#״ מִנִמרַיָא״מנמרין#3#״ סוּסָוָתְהוֹן״סוּסָוָותֵיה#2#״ וְחָרִיפִין מִדֵיבֵי רַמשָא וְיִרדוֹן״וירבון#3#״ פָרָשוֹהִי וֻפָרָשוֹהִי מֵרַחִיק יֵיתוֹן מִשתְוַן״משתדן#3#״משתרן#3#״ כְנִשרָא דְטָאֵיס לְמֵיכַל׃
Hab 1:9 כוּלְהוֹן לַחֲטוֹף אָתַן מִקְֹבֵיל אַפֵיהוֹן דָמַן״זמן#3#״ כְרוּחַ קִדוּמָא וֻכנַש כְחָלָא שִביָא׃
Hab 1:10 וְהוּא \עַל מַלכַיָא ״במלכיא#3#״ מִתלָעַב״יתלעב#3#״ וְעַל שִלטוֹנַיָא מְחָיֵיך הוּא לְכָל כְרָך תַקִיף מֲעִיק וְצָבֵיר מִלֵיתָא״חילוותא בעפרא#3#״ \וְכָבֵיש לֵיה ״וכבשה#3#״׃
Hab 1:11 בְכֵין עַל דִראֵימַת רוּחֵיה עֲלוֹהִי עֲדָא מִמַלכוּתֵיה״מן מלכותיה#3#״ וְחָב עַל דְאַסגִי יְקָרָא לִטעוּתֵיה׃
Hab 1:12 הֲלָא אַת יוי בְרֵית עָלְמָא מִבְרֵאשִית אַת״אף#3#״ אֲלָהָא דַיָין קְשוֹט עַל כָל בִריָתָך קַדִיש בְעָבְדֵי הֵימָנוּתָא מֵימְרָך קַיָים לְעָלְמִין יוי לְמַעֲבַד דִינָא בְרֵיתָהִי״בריתיה#3#״ וְתַקִיף״וֻדתַקִיף#2#״ לְאִתפְרָעָא אַתקֵינתָהִי״תקניה#3#״׃
Hab 1:13 בְרִיר״בריך#3#״ מֵימְרָך מִלְמִחזֵי בְעָבְדֵי בִיש וֻמִלְאִסתַכָלָא בְעָבְדִי לֵיאוּת שְקַר הֲלָא גְלֵי קְֹדָמָך לְמָא אֲנָא״את#3#״ מִסתַכַל״חזי#3#״ בְאָנוֹסִין וְאַת יָהֵיב אַרכָא לְרַשִיעַיָא וֻמסַלעֲמִין לִדטָבִין מִנְהוֹן׃
Hab 1:14 וַעֲבַדת אֲנָשָא כְנוּנֵי יַמָא כְרִחשָא דְלֵית״דלא#3#״ שֻלטָן עֲלוֹהִי׃
Hab 1:15 כוּלְהוֹן דָמַן לְצַיָידָא״לצידין#3#״ דְאָחֵיד נוּנָא בְחַכְתָא״בחכה#3#״ כְנֵיש לֵיה בְחַרמֵיה וְרָמִי לֵיה בִמצָדְתֵיה עַל כֵין חָדֵי וְדָאֵיץ׃
Hab 1:16 עַל כֵין מְדַבַח לְזֵינֵיה וֻמַסֵיק בוּסמִין לְסִימָוָותֵיה אֲרֵי בְהוֹן טָב מֵיכְלֵיה וְשֵירָוָתֵיה מַטעֲמָא׃
Hab 1:17 הַעַל כֵין״אִלֵין#2#״ יְשַלַח״מכביש#3#״ מָשרְיָתֵיה בִתדִירָא לַאֲסַפַא עַמְמִין לָא בַחֲיָס׃