Isa 37:1 וַהְוָה כַד שְמַע מַלכָא חִזקִיָה וֻבַזַע יָת לְבוּשוֹהִי וְאִתכַסִי סַקָא וְעָל לְבֵית מַקדְשָא דַיוי׃
Isa 37:2 וֻשלַח יָת אַליָקִים דִממֻנַא עַל בֵיתָא וְיָת שַבנָא סָפְרָא וְיָת סָבֵי כָהְנַיָא כִד״כַד#2#״ מְכֻסַן סַקַיָא לְוָת יְשַעיָה בַר אָמוֹץ נְבִיָא׃
Isa 37:3 וַאְמַרוּ לֵיה כִדנָן אְמַר חִזקִיָה יוֹם עָקָא וְחִיסוּדִין וְנֵיאוּצִין״וְנֵיאוֹצָא#2#״ יוֹמָא הָדֵין אְרֵי אַקֵיפַתנָא עָקָא כְאִתָא דְיָתְבָא עַל מַתבְרָא וְחֵיל לֵית לַה לְמֵילַד׃
Isa 37:4 מָא אִם שְמִיַע ק׳ יוי אְלָהָך יָת פִתגָמֵי רַב שָקֵי דְשַלחֵיה מַלכָא דְאַתוּר רִבוֹנֵיה לְחַסָדָא עַמָא דַיוי קַייָמָא דְיַעְבֵיד״וְיַעְבֵיד#2#״ פוֹרעָנוּתָא עַל כָל פִתגָמַיָא דִשמִיעִין קדם״קְֹדָמוֹהִי#2#״ יוי אְלָהָך וְתִתחַנַן בִצלוֹ עַל שְאָרָא הָדֵין דְאִשתְאַר׃
Isa 37:5 וַאְתוֹ עַבדֵי מַלכָא חִזקִיָה לְוָת יְשַעיָה׃
Isa 37:6 וַאְמַר לְהוֹן יְשַעיָה כְדֵין תֵימְרוּן לְרִבוֹנְכוֹן כִדנָן אְמַר יוי לָא תִדחַל מִן קְֹדָם פִתגָמַיָא דִשמַעתָא דְחַסִידוּ עוּלֵימֵי מַלכָא דְאַתוּר קְֹדָמָי׃
Isa 37:7 הָאְנָא יָהֵיב בֵיה רוּחָא וְיִשמַע בְסוֹרָא וִיתוּב לְאַרעֵיה וְאַפְלִינֵיה בְחַרבָא בְאַרעֵיה׃
Isa 37:8 וְתָב רַב שָקֵי וְאַשכַח יָת מַלכָא דְאַתוּר מְגִיַח קְרָבָא עַל לִבנָה אְרֵי שְמַע אְרֵי נְטַל מִלָכִיש׃
Isa 37:9 וֻשמַע עַל תִרהָק מַלכָא דְכוּש לְמֵימַר נְפַק לַאְגָחָא קְרָבָא עִמָך וֻשמַע וֻשלַח אִזגַדִין לְוָת חִזקִיָה לְמֵימַר׃
Isa 37:10 כְדֵין תֵימְרוּן לְחִזקִיָה מַלַך שִבטָא דְבֵית יְהוּדָה לְמֵימַר לָא יַטעֵינָך אְלָהָך דְאַת רְחִיץ לְאִשתֵיזָבָא״#2#״ בֵיה לְמֵימַר לָא תִתמְסַר יְרוּשלַם בְיַד מַלכָא דְאַתוּר׃
Isa 37:11 הָא אַת שְמַעתָא דַעְבַדוּ מַלכֵי אַתוּר לְכָל מְדִינָתָא לְגַמָרוּתְהוֹן וְאַת מְדַמֵי לְאִשתֵיזָבָא׃
Isa 37:12 הְשֵיזִיבָא יָתְהוֹן דַחלַת עַמְמַיָא דְחַבִילוּ אְבָהָתִי יָת גוֹזָן וְיָת חָרָן וְרַצַף וֻבנֵי עַדַן דְבִתלַסָר׃
Isa 37:13 אָן מַלכָא דַחְמָת וֻמַלכָא דְאַרפָד וֻמַלכָא דִלקַרתָא סְפַרוָיִם הְלָא טַלטִילוּנוּן וְאַגלִיאוּנוּן׃
Isa 37:14 וֻנסֵיב חִזקִיָה יָת אִיגְרָתָא מִיַד אִזגַדַיָא וֻקרָא חְדָא מִנְהוֹן וַסלֵיק לְבֵית מַקדְשָא דַיוי וֻפַרסַה חִזקִיָה קְֹדָם יוי׃
Isa 37:15 וְצַלִי חִזקִיָה קְֹדָם יוי לְמֵימַר׃
Isa 37:16 יוי צְבָאוֹת אְלָהָא דְיִשׂרָאֵל דִשכִינְתָך״דִשכִינְתֵיה#2#״ שָריָא עֵיל מִן כְרוּבַיָא אַת הוּא יוי קְֹדָמָך״#2#״ לֵית בָר מִנָך לְכָל מַלכְווָת אַרעָא אַת עְבַדתָא יָת שְמַיָא וְיָת אַרעָא׃
Isa 37:17 גְלֵי קְֹדָמָך יוי וְדִין וֻשמִיַע קְֹדָמָך יוי וְאִתפְרַע וַעְבֵיד פוֹרעָנוּ עַל כָל פִתגָמֵי סַנחֵרִיב דִשלַח לְחַסָדָא עַמָא דַיוי קַיָימָא׃
Isa 37:18 בְקוּשטָא יוי אַחרִיבוּ מַלכֵי אַתוּר יָת כָל מְדִינָתָא וְיָת אַרעְהוֹן׃
Isa 37:19 וֻמוֹקְדִין יָת טָעְוָתְהוֹן בְנוּרָא אְרֵי לָא טָעְוָן דְאִית בְהֵין צְרוֹך אִנִין אְלָהֵין עוֹבָד יְדֵי אְנָשָא אָעָא וְאַבנָא וְאַבֵידוּנוּן׃
Isa 37:20 וֻכעַן יוי אְלָהַנָא פְרוֹקנָא מִן יְדֵיה וְיִדְעוּן כָל מַלכְוָת אַרעָא אְרֵי אַת יוי לֵית בָר מִנָך׃
Isa 37:21 וֻשלַח יְשַעיָה בַר אָמוֹץ לְוָת חִזקִיָה לְמֵימַר כִדנָן אְמַר יוי אְלָהָא דְיִשׂרָאֵל דִבעֵיתָא מִן קְֹדָמַי עַל סַנחֵרִיב מַלכָא דְאַתוּר׃
Isa 37:22 דֵין פִתגָמָא דִגזַר יוי עְלוֹהִי מְבַסְרָא עְלָך מָעִיקָא עְלָך מַלכוּת כְנִשתָא דְצִיוֹן בָתְרָך רֵישֵיהוֹן״רֵישְהוֹן#2#״ מְנִידִין עַמָא דְבִירוּשלַם׃
Isa 37:23 יָת מַן חַסֵידתָא וְעַל מַן אִתרָרַבתָא וֻקְֹדָם מַן אְרֵימתָא קָלָא וֻזקַפתָא לְרוּמָא עֵינָך וַאְמַרתָא מִלִין דְלָא כָשְרָן קְֹדָם קַדִישָא דְיִשׂרָאֵל׃
Isa 37:24 בְיַד עַבדָך חַסֵידתָא עַמָא דַיוי וַאְמַרתָא בְסַגִיאוּת רְתִכַאי אְנָא סְלֵיקִית לִתקוֹף כַרכֵיהוֹן וְאַף אֵיחוֹד בֵית מַקדְשֵיהוֹן וַאְקַטֵיל שְפַר גִיבָרֵיהוֹן מִבחַר שִלטוֹנֵיהוֹן וַאְכַבֵיש קִריַת תוּקפְהוֹן וַאְשֵיצֵי סְגֵי מַשרְיָתְהוֹן׃
Isa 37:25 אְנַא הְוֵיתִי חָפַר גוּבִין וְשָתֵי מַיִין וֻטפַחִית בְפַרסַת רַגלֵי עַמָא דְעִמִי כָל מֵי נַהרִין עַמִיקִין׃
Isa 37:26 הְלָא שְמַעתָא מִלְקַדמִין מָא דַעְבַדִית לְפַרעֹה מַלכָא דְמִצרַיִם עַל דִשלֵיט בְהוֹן וְאַף עְלָך אִתנַבִיאוּ נְבִייֵ יִשׂרָאֵל וְלָא תַבתָא וְדָא חָזְיָא קְֹדָמַי מִיוֹמֵי קְדַם לְמַעְבַד לָך וְאַף אַתקֵינתַה כְעַן אֵיתִיתַה וְדָא הְוָת לָך לְתַקלָא עַל דַהְוַאָה קְֹדָמָך כְאִתרְגוֹשַת גַלִין דִשדוֹ״דִשחוֹ#2#״ קִרוִין כְרִיכָן׃
Isa 37:27 וְיָתְבֵיהוֹן אִתקְצַר״אִתקַצַר#2#״ חֵילְהוֹן אִיתְבַרוּ וֻבהִיתוּ הְווֹ כַעְשַב חַקלַיָא וֻכיָרוֹק דִתאָה וֻכעְסַב אִיגָרַיָא דְיִשלוֹק עַד לָא מְטָא לְמִהוֵי שוּבלִין׃
Isa 37:28 וֻמִיתְבָך בְעֵיצָא וֻמִפְקָך לַאְגָחָא קְרָבָא וֻמֵיתָך לְאַרעָא דְיִשׂרָאֵל גְלֵי קְֹדָמָי וְיָת דְאַרגֵיזתָא קְֹדָמַי גְלֵי׃
Isa 37:29 חְלָף דְאַרגֵיזתָא עַל מֵימְרִי וְאִתרְגוֹשתָך סְלֵיקַת לִקדָמָי וַאְשַוֵי שֵירִין בְלִסתָך וֻזמָם בְסִפוָתָך וַאְתֵיבִינָך בְאוֹרחָא דַאְתֵיתָא בַה׃
Isa 37:30 וְדֵין לָך אָתָא אֵיכוֹל בְשַתָא הָדָא כָתִין וֻבשַתָא תִניֵיתָא כָת כָתִין וֻבשַתָא תְלִיתֵיתָא זְרוּעוּ וֻחצוּדוּ וְצוּבוּ כַרמִין״#2#״ וַאְכוּלוּ אִיבְהוֹן׃
Isa 37:31 וְיוֹסְפוּן מְשֵיזְבַיָא דְבֵית יְהוּדָה דְיִשתַאְרוּן״וְיִשתַאְרוּן#2#״ כְאִילָן דִמשַלַח שֻרשוֹהִי לְרַע וֻמרִים נוֹפֵיה לְעֵילָא׃
Isa 37:32 אְרֵי מִירוּשלַם יִפְקוּן שְאָר צַדִיקַיָא וְשֵיזָבַת מְקִימֵי״מְקַייְמֵי#2#״ אוֹרָיתָא מִטוּרָא דְצִיוֹן בְמֵימְרָא דַיוי צְבָאוֹת תִתעְבֵיד דָא׃
Isa 37:33 בְכֵין כִדנָן אְמַר יוי עַל מַלכָא דְאַתוּר לָא ייֵעוֹל לְקַרתָא הָדָא וְלָא יַקשֵית תַמָן גִיר וְלָא יְקַדְמִנַה בִתרִיסִין וְלָא יִצבַר עֲלַה מִלֵיתָא׃
Isa 37:34 בְאוֹרחָא דַאְתָא בַה יְתוּב וֻלקַרתָא הָדָא לָא יֵיעוֹל אְמַר יוי׃
Isa 37:35 וְאַגֵין עַל קַרתָא הָדָא לְמִפרְקַה בְדִיל מֵימְרִי וֻבדִיל דָוִד עַבדִי׃
Isa 37:36 וֻנפַק מַלאְכָא דַיוי וֻקטַל בְמַשרְיָת אַתוּרָאָה מְאָה וֻתמָנַן וְחַמשָה אַלפִין וְאַקדִימוּ בְצַפרָא וְהָא כוּלְהוֹן פַגרִין מָיְתִין׃
Isa 37:37 וֻנטַל וַאְזַל וְתָב סַנחֵרִיב מַלכָא דְאַתוּר וִיתֵיב בְנִינְוֵה׃
Isa 37:38 וַהְוָה הוּא סָגֵיד בֵית נִסרוֹך טָעוּתֵיה וְאַדרַמַלַך וְשַראַצַר בְנוֹהִי קַטלוּהִי בְחַרבָא וְאִנוּן אִשתֵיזַבוּ לַאְרַע קַרדוֹ וֻמלַך אֵסַר חַדֹן בְרֵיה תְחוֹתוֹהִי׃