Judg 20:1 וֻנפַקוּ כָל בְנֵי יִשׂרָאֵל וְאִתכְנֵישַת כְנִשתָא כְגֻברָא חַד לְמִדָן וְעַד בְאֵר שַבַע וַאְרַע גִלעָד לִקדָם יְיָ לְמִצפְיָא׃
Judg 20:2 וְאִתעַתַדוּ רֵישֵי כָל עַמָא כָל שִבטַיָא דְיִשׂרָאֵל בִקהַל עַמָא דַיְיָ אַרבָע מְאָה אַלפִין גְבַר רַגלַי שָלְפֵי סֵיפָא׃
Judg 20:3 וֻשמַעוּ בְנֵי בִניָמִין אְרֵי סְלִיקוּ בְנֵי יִשׂרָאֵל לְמִצפְיָא וַאְמַרוּ בְנֵי יִשׂרָאֵל מַלִילוּ אֵיכְדֵין הְוָת בִשתָא הָדָא׃
Judg 20:4 וַאְתֵיב גֻברָא לֵיוָאָה בַעלַה דְאִתְתָא קְטִילְתָא וַאְמַר לְגִבעְתָא דִלשֵיבַט בִניָמִין עַלִית אְנָא ולחֵינְתִי לִמבָת׃
Judg 20:5 וְקָמו עְלַי יָתְבֵי״בעלי#3#״ גִבעְתָא וְאַקִיפו עְלַי״לי#3#״ יָת בֵיתָא בְלֵיליָא עְלַי חַשִיבו לְמִקטַל וְיָת לְחֵינְתִי עַנְיוּהָא וֻמֵיתַת׃
Judg 20:6 וַאְחַדִית בִלחֵינְתִי וְהַדֵמתַה וְשַלַחתַה בְכָל תְחוּם אַחסָנַת אַרעָא דְיִשׂרָאֵל אְרֵי עְבַדוּ עֵיצַת חְטִין \וֻדלָא כָשַר ״וֻקלָנָא#3#״ בְיִשׂרָאֵל׃
Judg 20:7 הָא כֻלְכוֹן בְנֵי יִשׂרָאֵל הַבוּ לְכוֹן פִתגָם וְעֵיצָה הָלְכָא׃
Judg 20:8 וְקָם כָל עַמָא כְגֻברָא חַד לְמֵימַר לָא נֵיזֵיל גְבַר לְמַשכְנֵיה וְלָא נְזוּר גְבַר לְבֵיתֵיה׃
Judg 20:9 וֻכעַן דֵין פִתגָמָא דְנַעְבֵיד לְגִבעְתָא נִתמְנֵי״נִתפְלַג#3#״ עְלַה בְעַדבָא׃
Judg 20:10 וְנִדבַר עַסרָא גֻברִין לִמאָה לְכֹל שִבטַיָא דְיִשׂרָאֵל וֻמאָה לְאַלפָא וְאַלפָא לְרִבוֹתָא לְמִסַב זְוָדִין לְעַמָא לְמַעְבַד לְאֵיתָיוּתְהוֹן לְגִבעְתָא דְבֵית״דבני#3#״ בִניָמִין כְכָל קְלָנָא דְאִתעְבֵיד בְיִשׂרָאֵל׃
Judg 20:11 וְאִתכְנֵיש כָל אְנָש יִשׂרָאֵל לְקַרתָא כְגֻברָא חַד שָוַן׃
Judg 20:12 וֻשלַחוּ שִבטַיָא דְיִשׂרָאֵל גֻברִין בְכָל שִבטֵי בִניָמִין לְמֵימַר מָא בִשתָא הָדָא דַהְוָת בְכוֹן׃
Judg 20:13 וֻכעַן אֵיתוֹ״הַבוּ#3#״הבו אתו#3#״ יָת גֻברַיָא בְנֵי רִשעָא דִבגִבעְתָא וֻנקַטֵילִנוּן וֻנפַלֵי עָבְדֵי בִשתָא מִיִשׂרָאֵל וְלָא אְבוֹ בְנֵי בִניָמִין לְקַבָלָא לְמֵימַר אְחֵיהוֹן בְנֵי יִשׂרָאֵל׃
Judg 20:14 וְאִתכְנִישוּ בְנֵי בִניָמִין מִן קִרוַיָא לְגִבעְתָא לְמִפַק לְאָגָחָא קְרָבָא עִם בְנֵי יִשׂרָאֵל׃
Judg 20:15 וְאִתמְנִיאוּ בְנֵי בִניָמִין בְיוֹמָא הַהוּא מִקִרוַיָא עַסרִין וְשִתָא אַלפִין גֻברָא שָלְפֵי סֵיפָא בָר גִבעְתָא אִתמְנִיאוּ שְבַע מְאָה גְבַר עוֹלֵים׃
Judg 20:16 מִכֹל עַמָא הָדֵין שְבַע מְאָה גְבַר עוֹלֵים גֻברָא גְמִיד בִידֵיה דְיַמִינָא כָל אִלֵין דְשָדַן אַבנָא בְקִלעָא וֻמדַמַן בְבִינַת סַעְרָא וְלָא מְשַנַן׃
Judg 20:17 וַאְנָש״וגבר#3#״ יִשׂרָאֵל אִתמְנִיאוּ בָר בִניָמִן אַרבַע מְאָה אַלפִין גֻברָא שָלְפֵי סֵיפָא כָל אִלֵין גֻברֵי עָבְדֵי קְרָבָא׃
Judg 20:18 וְקָמוּ וֻסלִיקוּ לְבֵית אֵל וֻשאִילוּ בְמֵימְרָא דַיְיָ וַאְמַרוּ בְנֵי יִשׂרָאֵל מַן יִסַק לַנָא בְקַדמֵיתָא לְאָגָחָא קְרָבָא עִם בְנֵי בִניָמִין וַאְמַר יְיָ יְהוּדָה בְקַדמֵיתָא׃
Judg 20:19 וְקָמוּ בְנֵי יִשׂרָאֵל בְצַפרָא וֻשרוֹ עַל גִבעְתָא׃
Judg 20:20 וֻנפַק אְנָש יִשׂרָאֵל לְאָגָחָא קְרָבָא עִם דְבֵית״בני#3#״ בִניָמִן וְסַדַרוּ עִמְהוֹן אְנָש יִשׂרָאֵל קְרָבָא עַל גִבעְתָא׃
Judg 20:21 וֻנפַקוּ בְנֵי בִניָמִין מִן גִבעְתָא וְחַבִילוּ בְיִשׂרָאֵל בְיוֹמָא הַהוּא עַסרִין וֻתרֵין אַלפִין גֻברָא קְטִילִין רְמַן לְאַרעָא׃
Judg 20:22 וְאִתַקַף עַמָא אְנָש יִשׂרָאֵל וְאוֹסִיפוּ לְסַדָרָא קְרָבָא בְאַתרָא דְסַדַרוּ תַמָן בְיוֹמָא קַדמָאָה׃
Judg 20:23 וֻסלִיקוּ בְנֵי יִשׂרָאֵל וֻבכוֹ קְֹדָם יְיָ עַד רַמשָא וֻשאִילוּ בְמֵימְרָא דַיְיָ לְמֵימַר הַאוֹסֵיף לְמִקרַב לְאָגָחָא קְרָבָא עִם בְנֵי בִניָמִין אְחִי וַאְמַר יְיָ סַקוּ עְלֵיהוֹן׃
Judg 20:24 וֻקרִיבוּ בְנֵי יִשׂרָאֵל לְוָת בְנֵי בִניָמִן בְיוֹמָא תִניָנָא׃
Judg 20:25 וֻנפַקוּ דְבֵית״בני#3#״ בִניָמִן לְקַדָמוּתְהוֹן מִן גִבעְתָא בְיוֹמָא תִניָנָא וְחַבִילוּ בִבנֵי יִשׂרָאֵל עוֹד״ביומא ההוא#3#״ תְמָנַת עַסַר אַלפִין גֻברָא קְטִילִין רְמַן לְאַרעָא כָל אִלֵין שָלְפֵי סֵיפָא׃
Judg 20:26 וֻסלִיקוּ כָל בְנֵי יִשׂרָאֵל וְכָל עַמָא וַאְתוֹ לְבֵית אֵל וֻבכוֹ וִיתִיבוּ תַמָן קְֹדָם יְיָ וְצָמוּ בְיוֹמָא הַהוּא עַד רַמשָא וְאַסִיקוּ עְלָוָן וְנִכסַת קֻדשִין קְֹדָם יְיָ׃
Judg 20:27 וֻשאִילוּ בְנֵי יִשׂרָאֵל בְמֵימְרָא דַיְיָ וְתַמָן אְרוֹן קְיָמָא דַיְיָ בְיוֹמַיָא הָאִנוּן׃
Judg 20:28 וֻפִינְחָס בַר אַלעָזָר בַר אַהְרֹן קָאֵים קְֹדָמוֹהִי בְיוֹמַיָא הָאִנוּן לְמֵימַר הַאוֹסֵיף עוֹד לְמִפַק לְאָגָחָא קְרָבָא עִם בְנֵי בִניָמִן אְחִי אִם אַתמְנַע וַאְמַר יְיָ סַקוּ אְרֵי מְחַר אַמסְרִנוּן בִידָך׃
Judg 20:29 וְשַוִי יִשׂרָאֵל כָמְנִין עַל גִבעְתָא סְחוֹר סְחוֹר׃
Judg 20:30 וֻסלִיקוּ בְנֵי יִשׂרָאֵל לְוָת בְנֵי בִניָמִין בְיוֹמָא תְלִיתָאָה וְסַדַרוּ קְרָבָא עַל גִבעְתָא כִזמַן בִזמַן׃
Judg 20:31 וֻנפַקוּ בְנֵי בִניָמִין לְקַדָמוּת עַמָא אִתנְגִידוּ מִן קַרתָא וְשָרִיאוּ לְקַטָלָא מִן עַמָא קְטִילִין כִזמַן בִזמַן בְכֵיבַש אוֹרחָתָא דַחְדָא סָלְקָא לְבֵית אֵל וַחְדָא לְגִבעְתָא בְחַקלָא כִתלָתִין גֻברָא בְיִשׂרָאֵל׃
Judg 20:32 וַאְמַרוּ בְנֵי בִניָמִן תְבִירִין אִנוּן קְֹדָמַנָא כַד בְקַדמֵיתָא וֻבנֵי יִשׂרָאֵל אְמַרוּ נֵיפוֹך וְנֵיגוֹדִנוּן מִן קַרתָא לְכִבשַיָא׃
Judg 20:33 וְכָל אְנָש יִשׂרָאֵל קָמוּ מֵאַתרְהוֹן וְסַדַרוּ קְרָבָא בְמֵישְרֵי יְרִיחוֹ וְכָמְנָא יִשׂרָאֵל מְגִיחַ מֵאַתרֵיה מִמֵישַר גִבעְתָא׃
Judg 20:34 וַאְתוֹ מִדָרוֹם לְגִבעְתָא עַסרָא אַלפִין גְבַר עוֹלֵים מִכָל יִשׂרָאֵל וְעָבְדֵי קְרָבָא תְקִיפוּ וְאִנוּן לָא יָדְעִין אְרֵי קְרֵיבַת דְתֵיתֵי לְהוֹן״עְלֵיהון#3#״ בִשתָא׃
Judg 20:35 וְתַבַר יְיָ יָת דְבֵית בִניָמִן קְֹדָם יִשׂרָאֵל וְחַבִילוּ בְנֵי יִשׂרָאֵל בִדבֵית בִניָמִן בְיוֹמָא הַהוּא עַסרִין וְחַמשָה אַלפִין וֻמאָה גֻברָא כָל אִלֵין שָלְפֵי סֵיפָא׃
Judg 20:36 וַחְזוֹ בְנֵי בִניָמִן אְרֵי אִתְבַרוּ וִיהַבוּ אְנָש״בני#3#״ יִשׂרָאֵל אַתרָא לִדבֵית בִניָמִין אְרֵי אִתרְחִיצוּ עַל כָמְנָא דְשַוִיאוּ עַל גִבעְתָא׃
Judg 20:37 וְכָמְנָא אוֹחִי וְאִתנְגִידוּ עַל גִבעְתָא וְאִתנְגֵיד כָמְנָא וֻמחָא יָת כָל קַרתָא לְפִתגָם דְחָרַב׃
Judg 20:38 וְזִמנָא הְוָה מְתֻקַן לַאְנָש יִשׂרָאֵל עִם כָמְנָא דְיַסגוֹן לְאַסָקָא יְטוּר דְתָנַן מִן קַרתָא׃
Judg 20:39 וְאִתחְזַר אְנָש יִשׂרָאֵל בִקרָבָא וֻדבֵית בִניָמִין שָרִיאוּ לְקַטָלָא קְטִילִין בַאְנָש יִשׂרָאֵל כִתלָתִין גֻברָא אְרֵי אַמרוּ בְרַם מִתבָר תְבִירִין אִנוּן קְֹדָמַנָא כִקרָבָא קַדמָאָה׃
Judg 20:40 וְכָמְנָא שָרִי לְאַסָקָא מִן קַרתָא יְטוּר דְתָנַן וְאִתפנִיאוּ דְבֵית בִניָמִן לַאְחוֹרֵיהוֹן״בתריהון#3#״ וְהָא סְלֵיק תַנְנָא דְקַרתָא לְצֵית שְמַיָא׃
Judg 20:41 וַאְנָש יִשׂרָאֵל אִתחְזַר״אִתהְפֵיך#3#״ וְאִתבְהֵיל אְנָש בִניָמִין אְרֵי חְזָא אְרֵי קְרֵיבַת דְתֵיתֵי לֵיה בִשתָא׃
Judg 20:42 וְאִתפְנִיאוּ קְֹדָם אְנָש יִשׂרָאֵל לְאוֹרַח מַדבְרָא וְעָבְדֵי קְרָבָא אַדבִיקוּנוּן וַאְנָש כָמְנָא קָמוּ מִקִרוֵיהוֹן קָטְלִין בְהוֹן מִכָא וֻמִכָא׃
Judg 20:43 טַלטִילוּ״אסחרו#3#״ יָת דְבֵית בִניָמִין רְדַפוּנוּן מִבֵית נְיָחְהוֹן טְרַדוּנוּן עַד לָקְֹבֵיל גִבעְתָא מִמַדנַח שִמשָא׃
Judg 20:44 וְאִתקְטַלוּ מִדְבֵית בִניָמִן תְמָנַת עְסַר אַלפִין גֻברָא יָת כָל אִלֵין גֻברֵי עָבְדֵי קְרָבָא׃
Judg 20:45 וְאִתפְנִיאוּ וַאְפַכוּ לְמַדבְרָא לְכֵיף רִמוֹן וְאִטְמַרוּ״ואסטמרו#3#״ בְכִבשַיָא חַמשָא אַלפִין גֻברָא וְאַדבִיקוּ בָתְרֵיהוֹן עַד גִדעוֹם וֻקטַלוּ מִנְהוֹן תְרֵין אַלפִין גֻברָא׃
Judg 20:46 וַהְווֹ כָל דְאִתקְטַלוּ מִדְבֵית בִניָמִין עַסרִין וְחַמשָא אַלפִין גֻברָא שָלְפֵי סֵיפָא בְיוֹמָא הַהוּא יָת כָל אִלֵין גֻברֵי עָבְדֵי קְרָבָא׃
Judg 20:47 וְאִתפְנִיאוּ וַאְפַכוּ לְמַדבְרָא לְכֵיף רִמוֹן שֵית מְאָה גֻברָא וִיתִיבוּ בְכֵיף רִמוֹן אַרבְעָה יַרחִין׃
Judg 20:48 וַאְנָש יִשׂרָאֵל תָבוּ לְוָת בְנֵי בִניָמִין וֻמחוֹנוּן לְפִתגָם דְחַרַב מִקִרוֵיהוֹן גַמַרוּנוּן עַד בְעִירָא עַד כָל דְאִשתְכַח אַף כָל קִרוַיָא דְאִשתְכַחָא אוֹקִידוּ בְנוּרָא׃