Peshitta NT, Hebrew Letters with Vowels, Hebrews, Chapter 05

Heb 5:1 כֻּל רַבּ כֻּומרֵא גֵּיר דּמֵן בּנַינָשָׁא הָוֵא חלָף בּנַינָשָׁא קָאֵם עַל אַילֵין דּדַאלָהָא אֵנֵין דַּנקַרֵב קֻורבָּנֵא ודֵבחֵא חלָף חטָהֵא
Heb 5:2 אַינָא דּמֵשׁכַּח דּנַמֵך נַפשֵׁה ונֵחַשׁ עַם אַילֵין דּלָא יָדעִין וטָעֵין מֵטֻל דָּאף הֻו כּרִיהֻותָא לבִישׁ
Heb 5:3 ומֵטֻלָתָה חַיָב הֻו דַּאיכַּנָא דַּחלָף עַמָא הָכַנָא אָף חלָף נַפשֵׁה נקַרֵב עַל חטָהַוהי
Heb 5:4 ולָא הוָא לנַפשֵׁה אנָשׁ נָסֵב אִיקָרָא אֵלָא אַינָא דּמֵתקרֵא מֵן אַלָהָא אַיכַּנָא דַּאהרֻון
Heb 5:5 הָכַנָא אָף משִׁיחָא לָא הוָא נַפשֵׁה שַׁבַּח דּנֵהוֵא רַבּ כֻּומרֵא אֵלָא הַו דֵּאמַר לֵה דּבֵרי אַנתּ אֵנָא יַומָנָא יִלֵדּתָּך
Heb 5:6 אַיך דָּאף בּדֻוכּתָא אחרִתָא אֵמַר דַּאנתּ הֻו כֻּומרָא לעָלַם בַּדמֻותֵה דּמַלכִּיזדֵק
Heb 5:7 אָף כַּד בֵּסרָא לבִישׁ הוָא בָּעֻותָא ותַכשֵׁפתָּא בַּגעָתָא חַילתָנִיתָא וַבדֵמעֵא קַרֵב הוָא למַן דּמֵשׁכַּח הוָא מֵן מַותָּא דּנַחֵיוהי וֵאשׁתּמַע
Heb 5:8 וכַד טָב בּרָא אִיתַוהי מֵן דֵּחלתָא וחַשֵׁא דַּסבַל יַלפָּה למֵשׁתַּמעָנֻותָא
Heb 5:9 והָכַנָא אֵתגּמַר וַהוָא לכֻלהֻון אַילֵין דּמֵשׁתַּמעִין לֵה עֵלתָא דּחַיֵא דַּלעָלַם
Heb 5:10 וֵאשׁתַּמַה מֵן אַלָהָא רַבּ כֻּומרֵא בַּדמֻותֵה דּמַלכִּיזדֵק
Heb 5:11 עלַוהי דֵּין עַל הָנָא מַלכִּיזדֵק סַגִּיָאא הי לַן מֵלתָא למִאמרָה ועַסקָא לַמפַשָׁקֻותָה מֵטֻל דַּהוַיתֻּון לכֻון כּרִיהֵא בּמַשׁמַעתכֻון
Heb 5:12 חַיָבִין הוַיתֻּון גֵּיר מַלפָנֵא למֵהוָא מֵטֻל דּזַבנָא לכֻון בּיֻולפָּנָא הָשָׁא דֵּין תֻּוב סנִיקִין אנתֻּון דּתִאלפֻּון אַילֵין אֵנֵין כּתִיבָתָא קַדמָיָתָא דּרִישׁ מֵלַוהי דַּאלָהָא וַהוַיתֻּון לכֻון סנִיקֵא עַל חַלבָא ולָא עַל מֵאכֻולתָּא שַׁרִירתָּא
Heb 5:13 כֻּלנָשׁ דֵּין דּמֵאכֻולתֵּה חַלבָא הו לָא מַפַּס בּמֵלתָא דּכִאנֻותָא מֵטֻל דּשַׁברָא הו
Heb 5:14 דַּגמִירֵא הי דֵּין מֵאכֻולתָּא שַׁרִירתָּא אַילֵין דּמֵטֻל דַּמדַרשִׁין אֵתנַפַּקו רֵגשַׁיהֻון למֵפרַשׁ טָבתָא ובִישׁתָּא