Peshitta NT, Hebrew Letters with Vowels, Acts, Chapter 23

Act 23:1 וכַד חָר פַּולָוס בּכֵנשׁהֻון אֵמַר גַּברֵא אַחַי אֵנָא בּכֻל תִּארתָּא טָבתָא אֵתּדַּבּרֵת קדָם אַלָהָא עדַמָא ליַומָנָא
Act 23:2 וחַנַניָא כָּהנָא פּקַד להָנֻון דּקָימִין עַל גֵּבֵּה דּנֵמחֻונֵה לפַּולָוס עַל פֻּומֵה
Act 23:3 ופַּולָוס אֵמַר לֵה עתִיד הֻו אַלָהָא דּנֵמחֵיך אֵסתָא מחַוַרתָּא וַאנתּ יָתֵב אַנתּ דָּאֵן אַנתּ לִי אַיך דַּבנָמֻוסָא כַּד עָבַר אַנתּ עַל נָמֻוסָא ופָקֵד אַנתּ דּנֵמחֻונָני
Act 23:4 וַאילֵין דּקָימִין הוַו תַּמָן אָמרִין לֵה לכָהנָא דַּאלָהָא מצַחֵא אַנתּ
Act 23:5 אָמַר להֻון פַּולָוס לָא יָדַע הוִית אַחַי דּכָהנָא הו כּתִיב הֻו גֵּיר דַּלרִשָׁא דּעַמָך לָא תּלֻוט
Act 23:6 וכַד יִדַע פַּולָוס דּמֵנֵה דּעַמָא אִיתַוהי דּזַדֻּוקָיֵא ומֵנֵה דַּפרִישֵׁא קעָא הוָא בּכֵנשָׁא גַּברֵא אַחַי אֵנָא פּרִישָׁא אנָא בַּר פּרִישֵׁא ועַל סַברָא דַּקיָמתָּא דּמִיתֵא מֵתּדִין אנָא
Act 23:7 וכַד הָדֵא אֵמַר נפַלו חַד בּחַד פּרִישֵׁא וזַדֻּוקָיֵא וֵאתפּלֵג עַמָא
Act 23:8 זַדֻּוקָיֵא גֵּיר אָמרִין דּלַיתּ קיָמתָּא ולָא מַלַאכֵא ולָא רֻוחָא פּרִישֵׁא דֵּין מַודֵּין בּכֻלהֵין
Act 23:9 וַהוָא קָלָא רַבָּא וקָמו אנָשָׁא סָפרֵא מֵן גַּבָּא דַּפרִישֵׁא ונָצֵין הוַו עַמהֻון וָאמרִין לָא מֵשׁכּחִינַן מֵדֵּם דּבִישׁ בּהָנָא גַּברָא אֵן דֵּין רֻוחָא אַו מַלַאכָא מַלֵל עַמֵה מָנָא אִית בָּה בּהָדֵא
Act 23:10 וכַד הוָא שׁגֻושׁיָא רַבָּא בַּינָתהֻון דּחֵל הוָא כִּלִיַרכָא דַּלמָא נפַשׁחֻונֵה לפַּולָוס וַשׁלַח לרֻהומָיֵא דּנִאתֻון נֵחטפֻונֵה מֵן מצַעתהֻון ונַעלֻונֵה למַשׁרִיתָא
Act 23:11 וכַד הוָא לִליָא אֵתחזִי לֵה מָרַן לפַּולָוס וֵאמַר לֵה אֵתחַיַל מֵטֻל דַּאיך דַּאסהֵדּתּ עלַי בֻּאורִשׁלֵם הָכַנָא עתִיד אַנתּ דָּאף בּרֻהומִא תַּסהֵד
Act 23:12 וכַד הוָא צַפרָא אֵתכַּנַשׁו הוַו אנָשִׁין מֵן יִהֻודָיֵא וַאחרֵמו עלַיהֻון דּלָא נֵאכלֻון ולָא נֵשׁתֻּון עדַמָא דּנֵקטלֻונֵה לפַּולָוס
Act 23:13 הָוֵין הוַו דֵּין הָנֻון דַּאקִימו בּמַומָתָא הָנָא קיָמָא יַתִּיר מֵן אַרבּעִין גַּברִין
Act 23:14 וֵאתקַרַבו לוָת כָּהנֵא וַלוָת קַשִׁישֵׁא וָאמרִין הוַו דּחֵרמָא אַחרֵמן עלַין דּמֵדֵּם לָא נֵטעַם עדַמָא דּנֵקטֻול לפַּולָוס
Act 23:15 והָשָׁא בּעַו אַנתֻּון ורִשֵׁא דַּכנֻושׁתָּא מֵן כִּלִיַרכָא דּנַיתֵּיוהי לוָתכֻון אַיך בָּעֵין אנתֻּון דּתֵבצֻון שַׁרִירָאיִת סֻוערָנֵה וַחנַן מטַיבִינַן דּנֵקטלִיוהי עַדלָא נֵמטֵא לוָתכֻון
Act 23:16 וַשׁמַע הוָא בַּר חָתֵה דּפַּולָוס אָפַּרסנָא הָנָא ועַל למַשׁרִיתָא ובַדֵּק לפַּולָוס
Act 23:17 ושַׁדַּר פַּולָוס קרָא לחַד מֵן קֵנטרֻונֵא וֵאמַר לֵה אַובֵּל לַעלַימָא הָנָא לוָת כִּלִיַרכָא אִית לֵה גֵּיר מֵדֵּם דּנִאמַר לֵה
Act 23:18 ודַברֵה קֵנטרֻונָא לַעלַימָא וַאעלֵה לוָת כִּלִיַרכָא וֵאמַר פַּולָוס אַסִירָא קרָני ובָעֵא מֵני דַּאיתֵּא הָנָא עלַימָא לוָתָך דִּאית לֵה מֵדֵּם דּנִאמַר לָך
Act 23:19 וַאחדֵּה בִּאידֵה כִּלִיַרכָא לַעלַימָא ונַגדֵּה לחַד גַּבָּא וַמשַׁאֵל הוָא לֵה דּמָנָא אִית לָך דּתִאמַר לִי
Act 23:20 וֵאמַר לֵה עלַימָא יִהֻודָיֵא אֵתחַשַׁבו דּנֵבעֻון מֵנָך דּתַחֵת לפַּולָוס מחָר לכֵנשׁהֻון אַיך צָבֵין מֵדֵּם יַתִּיר דּנִאלפֻּון מֵנֵה
Act 23:21 אַנתּ הָכִיל לָא תֵּתּטפִּיס להֻון הָא גֵּיר יַתִּיר מֵן אַרבּעִין גַּברִין מֵנהֻון נָטרִין לֵה בַּכמִאנָא וַאחרֵמו עַל נַפשׁהֻון דּלָא נֵאכלֻון ולָא נֵשׁתֻּון עדַמָא דּנֵקטלֻונֵה והָא מטַיבִין וַמקַוֵין לשֻׁוודָּיָך
Act 23:22 וַשׁרָיהי כִּלִיַרכָא לַעלַימָא כַּד פַּקדֵה דּאנָשׁ לָא נֵדַּע דּהָלֵין בַּדֵּקתּ לִי
Act 23:23 וַקרָא לַתרֵין קֵנטרֻונִין וֵאמַר להֻון זֵלו עַתֵּדו רֻהומָיֵא מַאתֵין דּנִאזֻלון לקֵסַרִיַא ופַרָשֵׁא שַׁבעִין ושָׁדיַי בּיַמִינָא מַאתֵין דּנֵפּקֻון מֵן תּלָת שָׁעִין בּלִליָא
Act 23:24 טַיֵבו דֵּין אָף בּעִירָא אַיך דּנַרכּבֻון לפַּולָוס וַנפַלטֻונֵה לוָת פִּילִכּס הִגמָונָא
Act 23:25 וַכתַב אֵגַּרתָּא יַהב להֻון דִּאית בָּה הָכַנָא
Act 23:26 קלַודִיָוס לֻוסִיָוס לפִילִכּס הִגמֻונָא נַצִיחָא שׁלָם
Act 23:27 לגַברָא הָנָא אֵחַדו יִהֻודָיֵא אַיך דּנֵקטלֻונֵה וקָמֵת אֵנָא עַם רֻהומָיֵא ופַרֵקתֵּה כַּד יֵלפֵּת דּרֻהומָיָא הו
Act 23:28 וכַד בָּעֵא הוִית למֵדַּע עֵלתָא דּמֵטֻלָתָה רָשֵׁין הוַו לֵה אַחֵתּתֵּה לכֵנשׁהֻון
Act 23:29 וֵאשׁכּחֵת דּעַל זִטִמֵא דּנָמֻוסהֻון רָשֵׁין הוַו לֵה ועֵלתָא דּשָׁויָא לַאסֻורֵא אַו למַותָּא לַיתּ הוָא לוָתֵה
Act 23:30 וכַד אֵתבַּדַּק לִי נֵכלָא בַּכמִאנָא דַּעבַדו עלַוהי יִהֻודָיֵא מֵחדָא שַׁדַּרתֵּה לוָתָך ופַקדֵת לַקטִגרָנַוהי דּנִאתֻון ונִאמרֻון עַמֵה קדָמַיכּ הוִי חלִים
Act 23:31 הָידֵּין רֻהומָיֵא אַיך דֵּאתפַּקַדו דַּברֻוהי לפַּולָוס בּלִליָא וַאיתּיֻוהי לַאנטִיפַּטרָס מדִינתָּא
Act 23:32 וַליַומָא אחרִנָא שׁרַו פַּרָשֵׁא לרַגָּלֵא חַברַיהֻון דּנֵהפּכֻון למַשׁרִיתָא
Act 23:33 וַאיתּיֻוהי לקֵסַרִיַא ויַהבו אֵגַּרתָּא להִגמָונָא וַאקִימֻוהי קדָמַוהי לפַּולָוס
Act 23:34 וכַד קרָא אֵגַּרתָּא משַׁאֵל הוָא לֵה דּמֵן אַידָא הֻופַּרכִיַא אִיתַוהי וכַד יִלֵף דּמֵן קִילִיקִיַא
Act 23:35 אֵמַר לֵה שָׁמַע אנָא לָך מָא דֵּאתַו קטִגרָנַיכּ וַפקַד דּנֵטרֻונֵה בַּפּרֵטָורִיָן דּהֵרָודֵס