Peshitta NT, Hebrew Letters with Vowels, Matthew, Chapter 20

Mat 20:1 דָּמיָא גֵּיר מַלכֻּותָא דַּשׁמַיָא לגַברָא מָרֵא בַּיתָּא דַּנפַק בּצַפרָא דּנֵאגֻור פָּעלֵא לכַרמֵה
Mat 20:2 קַץ דֵּין עַם פָּעלֵא מֵן דִּינָרָא בּיַומָא ושַׁדַּר אֵנֻון לכַרמֵה
Mat 20:3 וַנפַק בַּתלָת שָׁעִין וַחזָא אחרָנֵא דּקָימִין בּשֻׁוקָא ובַטִילִין
Mat 20:4 וֵאמַר להֻון זֵלו אָף אַנתֻּון לכַרמָא ומֵדֵּם דּוָלֵא יָהֵב אנָא לכֻון
Mat 20:5 הֵנֻון דֵּין אֵזַלו וַנפַק תֻּוב בּשֵׁת ובַתשַׁע שָׁעִין וַעבַד הָכוָת
Mat 20:6 ולַאפַּי חדַעֵסרֵא שָׁעִין נפַק וֵאשׁכַּח אחרָנֵא דּקָימִין ובַטִילִין וֵאמַר להֻון מָנָא קָימִין אנתֻּון יַומָא כֻּלֵה ובַטָלִין
Mat 20:7 אָמרִין לֵה דּלָא אנָשׁ אַגרָן אָמַר להֻון זֵלו אָף אַנתֻּון לכַרמָא ומֵדֵּם דּוָלֵא נָסבִּין אנתֻּון
Mat 20:8 כַּד הוָא דֵּין רַמשָׁא אֵמַר מָרֵא כַּרמָא לרַבַּיתֵּה קרִי פָּעלֵא והַב להֻון אַגרהֻון ושַׁרָא מֵן אחרָיֵא וַעדַמָא לקַדמָיֵא
Mat 20:9 וֵאתַו הָנֻון דַּחדַעֵסרֵא שָׁעִין נסַבו דִּינָר דִּינָר
Mat 20:10 וכַד אֵתַו קַדמָיֵא סבַרו דּיַתִּיר שָׁקלִין וַשׁקַלו דִּינָר דִּינָר אָף הֵנֻון
Mat 20:11 וכַד שׁקַלו רַטֵנו עַל מָרֵא בַּיתָּא
Mat 20:12 וָאמרִין הָלֵין אחרָיֵא חדָא שָׁעָא עבַדו וַאשׁוִית אֵנֻון עַמַן דַּשׁקַלן יֻוקרֵה דּיַומָא וחֻומֵה
Mat 20:13 הֻו דֵּין ענָא וֵאמַר לחַד מֵנהֻון חַברי לָא מַעוֵל אנָא בָּך לָא הוָא בּדִינָר קַצתּ עַמי
Mat 20:14 סַב דִּילָך וזֵל צָבֵא אנָא דֵּין דַּלהָנָא אחרָיָא אֵתֵּל אַיך דּלָך
Mat 20:15 אַו לָא שַׁלִיט לִי דּמֵדֵּם דּצָבֵא אנָא אֵעבֵּד בּדִילי אַו עַינָך בִּישָׁא דֵּאנָא טָב אנָא
Mat 20:16 הָכַנָא נֵהוֻון אחרָיֵא קַדמָיֵא וקַדמָיֵא אחרָיֵא סַגִּיאיִן אֵנֻון גֵּיר קרַיָא וַזעֻורִין גּבַיָא
Mat 20:17 עתִיד הוָא דֵּין יֵשֻׁוע דּנֵסַק לֻאורִשׁלֵם וַדבַר לַתרֵעסַר תַּלמִידַוהי בַּינַוהי וַלהֻון בֻּאורחָא וֵאמַר להֻון
Mat 20:18 הָא סָלקִין חנַן לֻאורִשׁלֵם וַברֵה דּאנָשָׁא מֵשׁתּלֵם לרַבַּי כָּהנֵא וַלסָפרֵא וַנחַיבֻונָיהי למַותָּא
Mat 20:19 ונַשׁלמֻונָיהי לעַממֵא וַנבַזחֻון בֵּה וַננַגּדֻונָיהי ונֵזקפֻונָיהי וַליַומָא דַּתלָתָא נקֻום
Mat 20:20 הָידֵּין קֵרבַּת לֵה אֵמהֻון דַּבנַי זַבדַי הִי וַבנֵיה וסֵגדַּת לֵה ושָׁאלָא הוָת לֵה מֵדֵּם
Mat 20:21 הֻו דֵּין אֵמַר לָה מָנָא צָביָא אַנתּי אָמרָא לֵה אֵמַר דּנֵתּבֻון הָלֵין תּרֵין בּנַי חַד מֵן יַמִינָך וחַד מֵן סֵמָלָך בּמַלכֻּותָך
Mat 20:22 ענָא יֵשֻׁוע וֵאמַר לָא יָדעִין אנתֻּון מָנָא שָׁאלִין אנתֻּון מֵשׁכּחִין אנתֻּון למֵשׁתָּא כָּסָא דֵּאנָא עתִיד למֵשׁתָּא אַו מַעמֻודִיתָא דֵּאנָא עָמֵד אנָא תֵּעמדֻון אָמרִין לֵה מֵשׁכּחִין חנַן
Mat 20:23 אָמַר להֻון כָּסי תֵּשׁתֻּון ומַעמֻודִיתָא דֵּאנָא עָמֵד אנָא תֵּעמדֻון דּתֵתּבֻון דֵּין מֵן יַמִיני ומֵן סֵמָלי לָא הוָת דִּילי דֵּאתֵּל אֵלָא לַאילֵין דֵּאתּטַיבַת מֵן אָבי
Mat 20:24 כַּד דֵּין שׁמַעו עֵסרָא רגֵזו עַל הָנֻון תּרֵין אַחִין
Mat 20:25 וַקרָא אֵנֻון יֵשֻׁוע וֵאמַר להֻון יָדעִין אנתֻּון דּרִשַׁיהֻון דּעַממֵא מָרַיהֻון אֵנֻון ורַורבָנַיהֻון שַׁלִיטִין עלַיהֻון
Mat 20:26 לָא הָכַנָא נֵהוֵא בַּינָתכֻון אֵלָא מַן דּצָבֵא בּכֻון דּנֵהוֵא רַבָּא נֵהוֵא לכֻון משַׁמשָׁנָא
Mat 20:27 ומַן דּצָבֵא בּכֻון דּנֵהוֵא קַדמָיָא נֵהוֵא לכֻון עַבדָּא
Mat 20:28 אַיכַּנָא דַּברֵה דּאנָשָׁא לָא אֵתָא דּנֵשׁתַּמַשׁ אֵלָא דַּנשַׁמֵשׁ וַדנֵתֵּל נַפשֵׁה פֻּורקָנָא חלָף סַגִּיֵאא
Mat 20:29 וכַד נפַק יֵשֻׁוע מֵן אִירִיחֻו אָתֵא הוָא בָּתרֵה כֵּנשָׁא סַגִּיָאא
Mat 20:30 והָא סמַיָא תּרֵין יָתבִּין הוַו עַל יַד אֻורחָא וכַד שׁמַעו דּיֵשֻׁוע עָבַר יַהבו קָלָא וָאמרִין אֵתרַחַם עלַין מָרי בּרֵה דּדַוִיד
Mat 20:31 כֵּנשֵׁא דֵּין כָּאֵין הוַו בּהֻון דּנֵשׁתּקֻון והֵנֻון יַתִּירָאיִת אַרִימו קָלהֻון וָאמרִין מָרַן אֵתרַחַם עלַין בּרֵה דּדַוִיד
Mat 20:32 וקָם יֵשֻׁוע וַקרָא אֵנֻון וֵאמַר מָנָא צָבֵין אנתֻּון דֵּאעבֵּד לכֻון
Mat 20:33 אָמרִין לֵה מָרַן דּנֵתפַּתּחָן עַינַין
Mat 20:34 וֵאתרַחַם עלַיהֻון יֵשֻׁוע וַקרֵב לעַינַיהֻון ובַר שָׁעתֵה אֵתפַּתַּח עַינַיהֻון וֵאזַלו בָּתרֵה