Latin Vulgata, Psalms, Chapter 047

God Is King over All the Earth

Psa 47:1 (46:1) in finem pro filiis Core psalmus (46:2) omnes gentes plaudite manibus iubilate Deo in voce exultationis

Psa 47:2 (46:3) quoniam Dominus excelsus terribilis rex magnus super omnem terram

Psa 47:3 (46:4) subiecit populos nobis et gentes sub pedibus nostris

Psa 47:4 (46:5) elegit nobis hereditatem suam speciem Iacob quam dilexit diapsalma

Psa 47:5 (46:6) ascendit Deus in iubilo Dominus in voce tubae

Psa 47:6 (46:7) psallite Deo nostro psallite psallite regi nostro psallite

Psa 47:7 (46:8) quoniam rex omnis terrae Deus psallite sapienter

Psa 47:8 (46:9) regnavit Deus super gentes Deus sedit super sedem sanctam suam

Psa 47:9 (46:10) principes populorum congregati sunt cum Deo Abraham quoniam Dei fortes terrae vehementer elevati sunt