Skip to content

?

단축키

Prev이전 문서

Next다음 문서

크게 작게 위로 아래로 댓글로 가기 인쇄
?

단축키

Prev이전 문서

Next다음 문서

크게 작게 위로 아래로 댓글로 가기 인쇄

Paul and the False Apostles
2Co 11:1  utinam sustineretis modicum quid insipientiae meae sed et subportate me
2Co 11:2  aemulor enim vos Dei aemulatione despondi enim vos uni viro virginem castam exhibere Christo
2Co 11:3  timeo autem ne sicut serpens Evam seduxit astutia sua ita corrumpantur sensus vestri et excidant a simplicitate quae est in Christo
2Co 11:4  nam si is qui venit alium Christum praedicat quem non praedicavimus aut alium spiritum accipitis quem non accepistis aut aliud evangelium quod non recepistis recte pateremini
2Co 11:5  existimo enim nihil me minus fecisse magnis apostolis
2Co 11:6  et si inperitus sermone sed non scientia in omnibus autem manifestatus sum vobis
2Co 11:7  aut numquid peccatum feci me ipsum humilians ut vos exaltemini quoniam gratis evangelium Dei evangelizavi vobis
2Co 11:8  alias ecclesias expoliavi accipiens stipendium ad ministerium vestrum
2Co 11:9  et cum essem apud vos et egerem nulli onerosus fui nam quod mihi deerat suppleverunt fratres qui venerunt a Macedonia et in omnibus sine onere me vobis servavi et servabo
2Co 11:10  est veritas Christi in me quoniam haec gloria non infringetur in me in regionibus Achaiae
2Co 11:11  quare quia non diligo vos Deus scit
2Co 11:12  quod autem facio et faciam ut amputem occasionem eorum qui volunt occasionem ut in quo gloriantur inveniantur sicut et nos
2Co 11:13  nam eiusmodi pseudoapostoli operarii subdoli transfigurantes se in apostolos Christi
2Co 11:14  et non mirum ipse enim Satanas transfigurat se in angelum lucis
2Co 11:15  non est ergo magnum si ministri eius transfigurentur velut ministri iustitiae quorum finis erit secundum opera ipsorum
Paul's Sufferings as an Apostle
2Co 11:16  iterum dico ne quis me putet insipientem alioquin velut insipientem accipite me ut et ego modicum quid glorier
2Co 11:17  quod loquor non loquor secundum Dominum sed quasi in insipientia in hac substantia gloriae
2Co 11:18  quoniam multi gloriantur secundum carnem et ego gloriabor
2Co 11:19  libenter enim suffertis insipientes cum sitis ipsi sapientes
2Co 11:20  sustinetis enim si quis vos in servitutem redigit si quis devorat si quis accipit si quis extollitur si quis in faciem vos caedit
2Co 11:21  secundum ignobilitatem dico quasi nos infirmi fuerimus in quo quis audet in insipientia dico audeo et ego
2Co 11:22  Hebraei sunt et ego Israhelitae sunt et ego semen Abrahae sunt et ego
2Co 11:23  ministri Christi sunt minus sapiens dico plus ego in laboribus plurimis in carceribus abundantius in plagis supra modum in mortibus frequenter
2Co 11:24  a Iudaeis quinquies quadragenas una minus accepi
2Co 11:25  ter virgis caesus sum semel lapidatus sum ter naufragium feci nocte et die in profundo maris fui
2Co 11:26  in itineribus saepe periculis fluminum periculis latronum periculis ex genere periculis ex gentibus periculis in civitate periculis in solitudine periculis in mari periculis in falsis fratribus
2Co 11:27  in labore et aerumna in vigiliis multis in fame et siti in ieiuniis multis in frigore et nuditate
2Co 11:28  praeter illa quae extrinsecus sunt instantia mea cotidiana sollicitudo omnium ecclesiarum
2Co 11:29  quis infirmatur et non infirmor quis scandalizatur et ego non uror
2Co 11:30  si gloriari oportet quae infirmitatis meae sunt gloriabor
2Co 11:31  Deus et Pater Domini Iesu scit qui est benedictus in saecula quod non mentior
2Co 11:32  Damasci praepositus gentis Aretae regis custodiebat civitatem Damascenorum ut me conprehenderet
2Co 11:33  et per fenestram in sporta dimissus sum per murum et effugi manus eius



List of Articles
번호 분류 제목
13 2 Corinthians Latin Vulgata, 2 Corinthians, Chapter 01
12 2 Corinthians Latin Vulgata, 2 Corinthians, Chapter 02
11 2 Corinthians Latin Vulgata, 2 Corinthians, Chapter 03
10 2 Corinthians Latin Vulgata, 2 Corinthians, Chapter 04
9 2 Corinthians Latin Vulgata, 2 Corinthians, Chapter 05
8 2 Corinthians Latin Vulgata, 2 Corinthians, Chapter 06
7 2 Corinthians Latin Vulgata, 2 Corinthians, Chapter 07
6 2 Corinthians Latin Vulgata, 2 Corinthians, Chapter 08
5 2 Corinthians Latin Vulgata, 2 Corinthians, Chapter 09
4 2 Corinthians Latin Vulgata, 2 Corinthians, Chapter 10
» 2 Corinthians Latin Vulgata, 2 Corinthians, Chapter 11
2 2 Corinthians Latin Vulgata, 2 Corinthians, Chapter 12
1 2 Corinthians Latin Vulgata, 2 Corinthians, Chapter 13
목록
Board Pagination Prev 1 Next
/ 1

All the bible versions, Commentaries and Dictionaries here have their own right.
All rights are reserved for them, not for us. Thanks! Praise our great God, Christ Jesus!

HANGL Ecclesyna Lingua Franca

sketchbook5, 스케치북5

sketchbook5, 스케치북5

나눔글꼴 설치 안내


이 PC에는 나눔글꼴이 설치되어 있지 않습니다.

이 사이트를 나눔글꼴로 보기 위해서는
나눔글꼴을 설치해야 합니다.

설치 취소