David Organizes the Priests

1Ch 24:1 porro filiis Aaron hae partitiones erunt filii Aaron Nadab et Abiu et Eleazar et Ithamar

1Ch 24:2 mortui sunt autem Nadab et Abiu ante patrem suum absque liberis sacerdotioque functus est Eleazar et Ithamar

1Ch 24:3 et divisit eos David id est Sadoc de filiis Eleazar et Ahimelech de filiis Ithamar secundum vices suas et ministerium

1Ch 24:4 inventique sunt multo plures filii Eleazar in principibus viris quam filii Ithamar divisit autem eis hoc est filiis Eleazar principes per familias sedecim et filiis Ithamar per familias et domos suas octo

1Ch 24:5 porro divisit utrasque inter se familias sortibus erant enim principes sanctuarii et principes Dei tam de filiis Eleazar quam de filiis Ithamar

1Ch 24:6 descripsitque eos Semeias filius Nathanahel scriba Levites coram rege et principibus et Sadoc sacerdote et Ahimelech filio Abiathar principibus quoque familiarum sacerdotalium et leviticarum unam domum quae ceteris praeerat Eleazar et alteram domum quae sub se habebat ceteros Ithamar

1Ch 24:7 exivit autem sors prima Ioiarib secunda Iedeiae

1Ch 24:8 tertia Arim quarta Seorim

1Ch 24:9 quinta Melchia sexta Maiman

1Ch 24:10 septima Accos octava Abia

1Ch 24:11 nona Hiesu decima Sechenia

1Ch 24:12 undecima Eliasib duodecima Iacim

1Ch 24:13 tertiadecima Oppa quartadecima Isbaal

1Ch 24:14 quintadecima Belga sextadecima Emmer

1Ch 24:15 septimadecima Ezir octavadecima Hapses

1Ch 24:16 nonadecima Phetheia vicesima Iezecel

1Ch 24:17 vicesima prima Iachin vicesima secunda Gamul

1Ch 24:18 vicesima tertia Dalaiau vicesima quarta Mazziau

1Ch 24:19 hae vices eorum secundum ministeria sua ut ingrediantur domum Domini et iuxta ritum suum sub manu Aaron patris eorum sicut praecepit Dominus Deus Israhel

1Ch 24:20 porro filiorum Levi qui reliqui fuerant de filiis Amram erat Subahel et filiis Subahel Iedeia

1Ch 24:21 de filiis quoque Roobiae princeps Iesias

1Ch 24:22 Isaaris vero Salemoth filiusque Salemoth Iaath

1Ch 24:23 filiusque eius Ieriahu Amarias secundus Iazihel tertius Iecmaam quartus

1Ch 24:24 filius Ozihel Micha filius Micha Samir

1Ch 24:25 frater Micha Iesia filiusque Iesiae Zaccharias

1Ch 24:26 filii Merari Mooli et Musi filius Ioziau Benno

1Ch 24:27 filius quoque Merari Oziau et Soem et Zacchur et Hebri

1Ch 24:28 porro Mooli filius Eleazar qui non habebat liberos

1Ch 24:29 filius vero Cis Ierahemel

1Ch 24:30 filii Musi Mooli Eder et Ierimoth isti filii Levi secundum domos familiarum suarum

1Ch 24:31 miseruntque et ipsi sortes contra fratres suos filios Aaron coram David rege et Sadoc et Ahimelech et principibus familiarum sacerdotalium et leviticarum tam maiores quam minores omnes sors aequaliter dividebat