Col 4:1 וְגַם־אַתֶּם אֲדֹנִים בְּצֶדֶק וּבְמִשְׁפָּט תַּעֲבִידוּן אֶת־עַבְדֵיכֶם הֲלֹא יְדַעְתֶּם כִּי גַם־לָכֶם אָדוֹן בַּשָּׁמָיִם
Col 4:2 הִתְעוֹרְרוּ לִהִתְפַּלֵּל תָּמִיד וְשִׁקְדוּ לְהַעְתִּיר בְּתוֹדָה
Col 4:3 וְחַלּוּ אֶת־פְּנֵי הָאֱלֹהִים גַּם־בַּעֲדֵנוּ לִפְתֹּחַ לָנוּ שַׁעַר לְנִיב שְׂפָתֵינוּ לְגַלּוֹת סוֹד הַמָּשִׁיחַ אֲשֶׁר בִּגְלָלוֹ ואָסוּר אָנִי
Col 4:4 לְמַעַן יִוָּדַע לַכֹּל כַּאֲשֶׁר אַבִּיעַ כַּמִּשְׁפָּט
Col 4:5 הִתִהַלְּכוּ בִתְבוּנָה בְּקֶרֶב אֵלֶּה אֲשֶׁר מִחוּץ לַעֲדָתֵנוּ וּזְבַנוּ יַת־עִדָּנָא
Col 4:6 יְהִי דְבַרְכֶם מָהוּל בְּחֵן כְּמוֹ ומְמֻלָּח בַּמֶּלַח וְתֵדְעוּ לְהָשִׁיב נְכֹחוֹת לְכָל־אִישׁ וָאִישׁ
Col 4:7 עַל־דְּבַר מַעֲמָדִי הֲלֹא טוּכִיקוֹס יַגִּיד לָכֶם הַכֹּל הוּא אָח אָהוּב וּמְשָׁרֵת נֶאֱמָן גֶּבֶר עֲמִיתִי וְעֶבֶד לַאֲדֹנֵינוּ
Col 4:8 כִּי לַדָּבָר הַזֶּה שְׁלַחְתִּיו אֲלֵיכֶם לָדַעַת אֶת־שְׁלוֹמֵנוּ וּלְדַבֵּר נִחֻמִים עַל־לִבְּכֶם
Col 4:9 וְעִמּוֹ וגַּם־אוֹנִיסִימוֹס בֶּן־אַרְצְכֶם אָח נֶאֱמָן וְיַקִּיר לִי הֵמָּה יוֹדִיעוּ אֶתְכֶם כָּל־אֲשֶׁר נַעֲשָׂה פֹּה
Col 4:10 אֲרִיסְטַרְכוֹס אֲשֶׁר הוּא עָצוּר עִמָּדִי שֹׁאֵל לִשְׁלוֹמְכֶם גַּם־מַרְקוֹס בֶּן־אֲחוֹת בַּר־נַבָּא אֲשֶׁר נִדְרַשְׁתֶּם לְקַבֵּל פָּנָיו בְּבוֹאוֹ
Col 4:11 וְגַם־יֵשׁוּעַ הַנִּקְרָא בְשֵׁם יוּסְטוֹס אֲשֶׁר הֵם מִן־הַנִּמּוֹלִים הֵם לְבַדָּם תָּמְכוּ בְיָדִי בְּמַלְכוּת הָאֱלֹהִים וַיָּשִׁיבוּ אֶת־נַפְשִׁי
Col 4:12 אֶפַּפְרָס בֶּן־אַרְצְכֶם וְעֶבֶד יֵשׁוּעַ הַמָּשִׁיחַ שֹׁאֵל לִשְׁלוֹמְכֶם הוּא אֲשֶׁר גָּבַר בִּתְפִלּוֹתָיו בְּכָל־עֵת לְהַעֲמִידְכֶם לִפְנֵי הָאֱלֹהִים שְׁלֵמִים וּמְמֻלָּאִים בִּמְלֹא חֶפְצוֹ
Col 4:13 כִּי עֵד אֲנִי לוֹ ואֲשֶׁר קִנְאָתוֹ וגָדְלָה לָכֶם וּלְיֹשְׁבֵי לוּדְקְיָא וּלְיֹשְׁבֵי הִירַפּוֹלִיס
Col 4:14 יְדִידֵנוּ לוּקָס הָרֹפֵא וְדִימָס שֹׁאֲלִים לִשְׁלוֹמְכֶם
Col 4:15 שַׁאֲלוּ לִשְׁלוֹם אַחֵינוּ אֲשֶׁר בְּלוּדְקְיָא וְלִשְׁלוֹם נוּמְפָס וְהַקָּהָל אֲשֶׁר בְּבֵיתָם
Col 4:16 אַחֲרֵי קְרִיאַת הָאִגֶּרֶת הַזֹּאת בְּאָזְנֵיכֶם תְּנוּהָ לְהִקָּרֵא גַּם־בְּאָזְנֵי קְהַל לוּדְקְיָא וְהָאִגֶּרֶת אֲשֶׁר לְלוּדְקְיָא תִּקְרְאוּ בָהּ גַּם־אַתֶּם
Col 4:17 וְאִמְרוּ אֶל־אַרְכִפּוֹס זָכוֹר אֶת־מִשְׁמֶרֶת הַכְּהֻנָּה אֲשֶׁר לָקַחְתָּ מִלִּפְנֵי הָאָדוֹן לְמַלֹּאתָהּ
Col 4:18 זֹאת שְׁאֵלַת שָׁלוֹם בִּכְתָב יָדִי אֲנִי פוֹלוֹס זִכְרוּ לְמוֹסֵרָי וְחֶסֶד אֵל עִמָּכֶם אָמֵן׃