Act 6:1 וְהַתַּלְמִידִים גָּבְרוּ הָלוֹךְ וְגָבֹר בַּיָּמִים הָהֵם וַיִּלֹּנוּ הַתַּלְמִידִים הַיְּוָנִים עַל־הָעִבְרִיִּים לֵאמֹר כִּי הִתְעַלְּמוּ מֵאַלְמְנוֹתֵיהֶם וְלֹא נָתְנוּ לָהֶן יוֹם יוֹם אֶת־מַחְסוֹרָן
Act 6:2 וַיִּקְרְאוּ שְׁנֵים הֶעָשָׂר אֶל־קְהַל הַתַּלְמִידִים וַיֹּאמְרוּ לֹא־נָכוֹן לָנוּ לַעֲזֹב אֶת־דְּבַר הָאֱלֹהִים וְלַעֲבֹד עֲבֹדַת הַשֻּׁלְחָנוֹת
Act 6:3 עַל־כֵּן אַחֵינוּ לְכוּ חֲזוּ מִכֶּם שִׁבְעָה אֲנָשִׁים יְדֻעִים מְלֵאֵי רוּחַ הַקֹּדֶשׁ וּמְלֵאֵי חָכְמָה וְאֹתָם נַפְקִידָה עַל־הָעֲבֹדָה הַזֹּאת
Act 6:4 וַאֲנַחְנוּ עַל־מִשְׁמֶרֶת הַתְּפִלָּה נַעֲמֹדָה וְעַל־עֲבֹדַת דְּבַר הַבְּשׂוֹרָה
Act 6:5 וַיִּיטַב הַדָּבָר בְּעֵינֵי כָל־הַקָּהָל וַיִּבְחֲרוּ אֶת־סְטֵפָנוֹס אִישׁ מָלֵא אֱמוּנָה וְרוּחַ הַקֹּדֶשׁ וְאֶת־פִּילִפּוֹס וְאֶת־פְּרוֹכוֹרוֹס וְאֶת־נִיקָנוֹר וְאֶת־טִימוֹן וְאֶת־פַּרְמְנָס וְאֶת־נִיקְלָס גֵּר אַנְטְיוֹכְיָא
Act 6:6 אֶת־אֵלֶּה הֶעֱמִידוּ לִפְנֵי הַשְּׁלִיחִים וְהֵם הִתְפַּלְּלוּ וְסָמְכוּ אֶת־יְדֵיהֶם עֲלֵיהֶם
Act 6:7 וַיְהִי דְבַר אֱלֹהִים הֹלֵךְ הָלֹךְ וּפָרֹץ וּמִסְפַּר הַתַּלְמִידִים הָלוֹךְ וָרָב עַד־מְאֹד בִּירוּשָׁלַיִם וְגַם־הָמוֹן רָב מִן־הַכֹּהֲנִים נָטוּ אַחֲרֵי הָאֱמוּנָה
Act 6:8 וּסְטֵפָנוֹס אִישׁ מָלֵא אֱמוּנָה וּגְבוּרָה עָשָׂה אֹתוֹת וּמֹפְתִים גְּדֹלִים בְּקֶרֶב הָעָם
Act 6:9 וַיָּקוּמוּ אֲנָשִׁים מִבֵּית־הַכְּנֵסֶת אֲשֶׁר עַל־שֵׁם־הַלִּיבַרְטִינִים יֵחָשֵׁב וְהַקּוּרִינִים וְהָאֲלֶכְסַנְדְּרִיִּים וּמִן־בְּנֵי קִילִיקִיָּא וְאַסְיָּא וַיִתְוַכְּחוּ עִם־סְטֵפָנוֹס
Act 6:10 וְלֹא יָכְלוּ לְהָשִׁיב עַל־דִּבְרֵי חָכְמָתוֹ ואֲשֶׁר־הִבִּיעַ לָהֶם רוּחוֹ
Act 6:11 וַיּוֹשִׁיבוּ אֲנָשִׁים נֶגְדּוֹ ואֲשֶׁר הֵעִדֻהוּ לֵאמֹר שָׁמַעְנוּ אֹתוֹ ומְדַבֵּר דִּבְרֵי גִדּוּפִים בְמשֶשׁה וּבֵאלֹהִים
Act 6:12 וַיְעוֹרְרוּ אֶת־הָעָם וְאֶת־הַזְּקֵנִים וְאֶת־הַסּוֹפְרִים וַיָּקוּמוּ עָלָיו וַיִּתְפְּשֻׂהוּ וַיְבִיאֻהוּ לִפְנֵי הַסַּנְהֶדְרִין
Act 6:13 וַיּוֹשִׁיבוּ עֵדֵי־שֶׁקֶר וַיְעִידֻהוּ לֵאמֹר הָאִישׁ הַזֶּה לֹא יֶחְדַּל מִדַּבֵּר גִּדּוּפִים עַל־הַמָּקוֹם הַקָּדוֹשׁ הַזֶּה וְעַל־הַתּוֹרָה
Act 6:14 כִּי שָׁמַעְנוּ אֹתוֹ ואֹמֵר יֵשׁוּעַ הַנָּצְרִי הוּא יַהֲרוֹס אֶת־הַמָּקוֹם הַזֶּה וְיָמִיר אֶת־הַחֻקִּים אֲשֶׁר נָתַן־לָנוּ משֶשׁה
Act 6:15 וַיָּשִׂימוּ כָּל־הַיּוֹשְׁבִים בַּסַּנְהֶדְרִין אֶת־עֵינָם בּוֹ ווַיִּרְאוּ אֶת־פָּנָיו כִּפְנֵי מַלְאַךְ אֱלֹהִים׃