Joh 2:1 וּבַיּוֹם הַשְּׁלִישִׁי הָיְתָה חֲתֻנָּה בְּקָנָה אֲשֶׁר לַגָּלִיל וְאֵם יֵשׁוּעַ הָיְתָה שָּׁמָּה
Joh 2:2 וְגַם־יֵשׁוּעַ וְתַלְמִידָיו הָיוּ מִן־קְרוּאֵי הַחֲתֻנָּה
Joh 2:3 וְאַחֲרֵי אֲשֶׁר תַּם הַיָּיִן אָמְרָה אֵם יֵשׁוּעַ אֵלָיו הִנֵּה אֵין לָהֶם יָיִן
Joh 2:4 וַיֹּאמֶר אֵלֶיהָ יֵשׁוּעַ מַה־לִּי וָלָךְ אִשָּׁה עוֹד לֹא־בָאָה עִתִּי
Joh 2:5 וַתֹּאמֶר אִמּוֹ ואֶל־הַמְשָׁרְתִים אֶת־אֲשֶׁר יֹאמַר לָכֶם תַּעֲשׂוּ
Joh 2:6 וְשָׁם נִמְצְאוּ שֵׁשׁ כַּדֵּי־אֶבֶן עֲרֻכוֹת לְטַהֵר אֶת־אֲשֶׁר לֹא טָהוֹר בֵּין הַיְּהוּדִים כַּמִּשְׁפָּט שְׁתַּיִם אוֹ־שָׁלֹשׁ בַּתִּים תָּכִיל כָּל־כָּד
Joh 2:7 וַיֹּאמֶר אֲלֵיהֶם יֵשׁוּעַ מַלְאוּ אֶת־הַכַּדִּים מָיִם וַיְמַלְאוּן עַד־הַשָּׂפָה
Joh 2:8 וַיֹּאמֶר שַׁאֲבוּ־נָא עַתָּה וְהָבִיאוּ אֶל־פְּקִיד הַמִּשְׁתֶּה וַיָּבִיאוּ
Joh 2:9 וַיִּטְעַם פְּקִיד הַמִּשְׁתֶּה אֶת־הַמַּיִם אֲשֶׁר נֶהֶפְכוּ לְיַיִן מִבְּלִי דַעַת מֵאַיִן בָּא רַק הַמְשָׁרְתִים אֲשֶׁר־שָׁאֲבוּ אֶת־הַמַּיִם יָדָעוּ וַיִּקְרָא רַב בֵּית הַמִּשְׁתֶּה אֶל־הֶחָתָן
Joh 2:10 וַיֹּאמֶר אֵלָיו כָּל־אִישׁ יָשִׂים יַיִן טוֹב רִאשׁוֹנָה וְאַחֲרֵי שָׁתוּ הַקְּרֻאִים לָרְוָיָה יָשִׂים יַיִן שְׁפַל־עֶרֶךְ לִפְנֵיהֶם וְאַתָּה צָפַנְתָּ אֶת־הַיַּיִן הַטּוֹב עַד־לָאַחֲרֹנָה
Joh 2:11 זֹאת רֵאשִׁית הָאֹתוֹת אֲשֶׁר עָשָׂה יֵשׁוּעַ בְּקָנָה אֲשֶׁר לַגָּלִיל וְשָׁם גִּלָּה כְבוֹדוֹ ווַיַּאֲמִינוּ בוֹ ותַּלְמִידָיו
Joh 2:12 וְאַחֲרֵי־כֵן יָרַד אֶל־כְּפַר נַחוּם הוּא וְאִמּוֹ ווְאֶחָיו וְתַלְמִידָיו וַיֵּשְׁבוּ שָׁם יָמִים לֹא רַבִּים
Joh 2:13 וַיִּקְרַב חַג־הַפֶּסַח לַיְּהוּדִים וַיַּעַל יֵשׁוּעַ יְרוּשָׁלָיְמָה
Joh 2:14 וַיִּמְצָא אֲנָשִׁים ישְׁבִים בַּהֵיכָל מֹכְרִים בָּקָר וָצֹאן וְיוֹנִים וּמְחַלְּפֵי כָסֶף
Joh 2:15 וַיִּקַּח חֲבָלִים וְיְשָׂרֵג אֹתָם לְמַלְקָה בְּיָדוֹ ווַיְגָרֶשׁ אֶת־כֻּלָּם אֶל־מִחוּץ לַהֵיכָל גַּם אֶת־הַצֹּאן גַּם אֶת־הַבָּקָר וַיַּשְׁלֵךְ אֶת־כֶּסֶף הַמְחַלְּפִים אַרְצָה וְאֶת־שֻׁלְחֲנֹתֵיהֶם הָפָךְ
Joh 2:16 וְאֶל־מֹכְרֵי הַיּוֹנִים אָמָר הוֹצִיאוּ אֶת־אֵלֶּה מִזֶּה וְלֹא תַעֲשׂוּ אֶת־בֵּית אָבִי לְבֵית מִקָּח וּמִמְכָּר
Joh 2:17 אָז זָכְרוּ תַלְמִידָיו אֵת אֲשֶׁר־כָּתוּב קִנְאַת בֵּיתְךָ אֲכָלָתְנִי
Joh 2:18 וַיַּעֲנוּ הַיְּהוּדִים וַיֹּאמְרוּ אֵלָיו מָה אוֹת הֶרְאֵיתָ לָּנוּ כִּי תַעֲשֶׂה כָּזֹאת
Joh 2:19 וַיַּעַן יֵשׁוּעַ וַיֹּאמֶר אֲלֵיהֶם הִרְסוּ אֶת־הַהֵיכָל הַזֶּה וַאֲנִי בִּשְׁלֹשֶׁת יָמִים אֲקִימֶנּוּ
Joh 2:20 וַיֹּאמְרוּ הַיְּהוּדִים אַרְבָּעִים שָׁנָה וְשֵׁשׁ שָׁנִים נִבְנָה הַהֵיכָל הַזֶּה וְאַתָּה תְקִימֶנּוּ בִּשְׁלֹשֶׁת יָמִים
Joh 2:21 וְהוּא דִבֶּר דְּבָרוֹ ועַל־הֵיכַל גְּוִיָּתוֹ
Joh 2:22 עַל־כֵּן אַחֲרֵי תְקוּמָתוֹ ומִן־הַמֵּתִים זָכְרוּ תַלְמִידָיו כִּי־כֹה אָמָר לָהֶם וַיַּאֲמִינוּ בַכָּתוּב וּבִדְבַר יֵשׁוּעַ אֲשֶׁר דִּבֵּר
Joh 2:23 וַיְהִי בִּהְיוֹתוֹ ובִירוּשָׁלַיִם בְּחַג־הַפֶּסַח וַיַּאֲמִינוּ רַבִּים בִּשְׁמוֹ וכִּי רָאוּ אֶת־הָאֹתוֹת אֲשֶׁר עָשָׂה לְעֵינֵיהֶם
Joh 2:24 וְיֵשׁוּעַ לֹא הֶאֱמִין לָהֶם יַעַן יָדַע אֶת־יֵצֶר כֻּלָּם
Joh 2:25 וּבְיַעַן לֹא בִקֵּשׁ עֵדוּת אִישׁ בְּאִישׁ כִּי אֶת־מַחְשְׁבוֹת אָדָם הוּא הָיָה מֵבִין׃