Hebrew NT, Salkinson-Ginsburg edition, Luke, Chapter 12

Luk 12:1 וַיְהִי בֵּין־כֹּה וָכֹה וַהֲמוֹן הָעָם הִתְאַסְּפוּ לִרְבָבוֹת עַד אֲשֶׁר־דָּרְכוּ אִישׁ עַל־רֵעֵהוּ וְהוּא הֵחֵל לְדַבֵּר אֶל־תַּלְמִידָיו לֵאמֹר בְּרֵאשִׁית כֹּל הִשָּׁמְרוּ לָכֶם מִשְּׂאֹר הַפְּרוּשִׁים הֲלֹא הוּא הַחֲנֻפָּה
Luk 12:2 וְאֵין דָּבָר נִסְתָּר אֲשֶׁר לֹא יִגָּלֶה וְאֵין נֶעְלָם אֲשֶׁר לֹא יִוָּדֵעַ
Luk 12:3 לָכֵן אֶת־אֲשֶׁר דִּבַּרְתֶּם בַּחֹשֶׁךְ יִשָּׁמַע לְעֵין הַשָּׁמֶשׁ וְלַחַשׁ שִׂפְתוֹתֵיכֶם הִשְׁמַעְתֶּם לָאֹזֶן חֶדֶר בְּחֶדֶר יִקָּרֵא עַל־הַגַּגּוֹת
Luk 12:4 וַאֲנִי אֹמֵר לָכֶם אֹהֲבַי אַל־תִּירְאוּ מִפְּנֵי מְמִיתֵי הַגֵּו אֲשֶׁר אַחֲרֵי כֵן אֵין־לְאֵל יָדָם לְהָרַע לוֹ ועוֹד
Luk 12:5 אַךְ אֲנִי מְחַוֶּה לָכֶם אֶת־מִי תִירָאוּ יְראוּ אֹתוֹ ואֲשֶׁר יָדָיו רַב לוֹ ולְהַשְׁלִיךְ אֶת־הַמּוּמָת אֶל־גֵּיהִנֹּם אָכֵן אֲנִי אֹמֵר לָכֶם אֹתוֹ ותִּירָאוּן
Luk 12:6 הֲלֹא תִמָּכַרְנָה חָמֵשׁ צִפֳּרִים בִּשְׁנֵי אִסָּרִים וְאֵין־אַחַת מֵהֶן נִשְׁכַּחַת לִפְנֵי אֱלֹהִים
Luk 12:7 וְאַתֶּם גַּם־שַׂעֲרוֹת רֹאשְׁכֶם נִמְנוּ בְמִסְפָּר כֻּלָּן אַל־תִּירְאוּ עֶרְכְּכֶם רַב מִצִּפֳּרִים רַבּוֹת
Luk 12:8 וַאֲנִי הִנְנִי מַגִּיד לָכֶם כָּל־אִישׁ אֲשֶׁר יוֹדֶה בִי לִפְנֵי בְנֵי־אָדָם גַּם־כֵּן בֶּן־הָאָדָם יוֹדֶה בוֹ ולִפְנֵי מַלְאֲכֵי הָאֱלֹהִים
Luk 12:9 וּמִי אֲשֶׁר יְכַחֶשׁ־בִּי לִפְנֵי בְנֵי אָדָם אַכֲחֶשׁ־בּוֹ ולִפְנֵי מַלְאֲכֵי הָאֱלֹהִים גַּם־אֲנִי
Luk 12:10 כָּל־אִישׁ אֲשֶׁר יְדַבֵּר דָּבָר בְּבֶן־הָאָדָם יִסָּלַח לוֹ ואַךְ הַמְגַדֵּף אֶת־רוּחַ הַקֹּדֶשׁ לוֹ ולֹא יִסָּלַח לוֹ
Luk 12:11 וְכַאֲשֶׁר יָבִיאוּ אֶתְכֶם אֶל־בָּתֵּי־הַכְּנֵסֶת וְלִפְנֵי הָרָאשִׁים וְהַשַּׁלִיטִים אַל־תֶּחֶרְדוּ לֵאמֹר אֵיכָה נְדַבֵּר אוֹ ומַה־נְּדַבֵּר
Luk 12:12 כִּי־רוּחַ הַקֹּדֶשׁ יְחַוֶּה לָכֶם בְּעֶצֶם הָעֵת הַהִיא אֵת אֲשֶׁר תְּדַבֵּרוּן
Luk 12:13 וַיֹּאמֶר אֵלָיו אֶחָד מִן־הָעָם רַבִּי צַו אֶת־אָחִי לְחַלֵּק אִתִּי אֶת־הַיְרֻשָּׁה
Luk 12:14 וַיַּעַן אֹתוֹ ווַיֹּאמַר בֶּן־אָדָם מִי שָׂמַנִי לְשֹׂפֵט עֲלֵיכֶם אוֹ ולִמְחַלֵּק
Luk 12:15 וַיֹּאמֶר אֲלֵיהֶם רְאוּ וְהִשָּׁמְרוּ לָכֶם מִכָּל־בֶּצַע מַעֲשַׁקּוֹת כִּי לֹא בְרֹב נְכָסִים חַיֵּי אָדָם
Luk 12:16 וַיִּשָּׂא אֲלֵיהֶם מְשָׁלוֹ ווַיֹּאמַר אִישׁ עָשִׁיר הָיָה אֲשֶׁר שָׂדֵהוּ עָשָׂה פְּרִי תְבוּאָה לְמַכְבִּיר
Luk 12:17 וְהוּא דִבֵּר עַל־לִבּוֹ ומָה־אֶעֱשֶׂה כִּי אֵין־לִי מָקוֹם לְהָכִיל אֶת־תְּבוּאָתִי
Luk 12:18 וַיֹּאמַר זֶה אֲשֶׁר אֲנִי עֹשֶׂה אֶהֱרֹס אֶת־בָּתֵּי הַמִּסְכְּנוֹת וּגְדוֹלִים מֵהֶם אֶבְנֶה וְשָׁמָּה אֶאֱסֹף דְּגָנִי וְכָל־טוּבִי
Luk 12:19 וְכֹה אֹמַר לְנַפְשִׁי יֶשׁ־לָךְ נַפְשִׁי טוֹבָה הַרְבֵּה צְבוּרָה לְיָמִים רַבִּים הֵרָגְעִי אִכְלִי שְׁתִי וְגִילִי
Luk 12:20 אַךְ אֱלֹהִים אָמַר לוֹ וסָכָל בַּלַּיְלָה הַזֶּה יִדְרְשׁוּ אֶת־נַפְשְׁךָ מִמֶּךָ וּלְמִי יִהְיֶה אֲשֶׁר הֲכִינוֹתָ
Luk 12:21 כֵּן הוּא הָאִישׁ אֲשֶׁר יֶאֱצַר לוֹ ואֹצָרוֹת לְבַדּוֹ ווְאֵין לוֹ ועֹשֶׁר לֵאלֹהִים
Luk 12:22 וַיֹּאמֶר אֶל־תַּלְמִידָיו עַל־כֵּן אֲנִי אֹמֵר לָכֶם לֹא תָחוּשׁוּ לְנַפְשְׁכֶם לֵאמֹר מַה־נֹּאכֵל אוֹ ולִבְשַׂרְכֶם מַה־נִלְבָּשׁ
Luk 12:23 הֵן עֵרֶךְ הַנֶּפֶשׁ רַב מֵאֹכֶל וְעֵרֶךְ הַגּוּף מִלְּבוּשָׁיו
Luk 12:24 הִתְבּוֹנְנוּ אֶל־הָעֹרְבִים אֲשֶׁר לֹא יִזְרְעוּ וְלֹא יִקְצְרוּ וְאֵין לָהֶם מְגוּרָה אוֹ וגֹרֶן וֵאלֹהִים נָתַן לָהֶם לַחְמָם וּמָה רַב עֶרְכְּכֶם מֵעוֹף כָּנָף
Luk 12:25 וּמִי מִכֶּם יוּכַל לְהוֹסִיף עַל־קוֹמָתוֹ וגֹּמֶד אֶחָד עֵקֶב דַּאֲגָתוֹ
Luk 12:26 וְעַל־כֵּן אִם דָּבָר קָטֹן לֹא תוּכְלוּ עֲשׂוֹת מַה־תּוֹעִילוּ בְדַאֲגַתְכֶם לְיֶתֶר הַדְּבָרִים׃
Luk 12:27 הַבִּיטוּ אֶל־הַשּׁוֹשַׁנִּים אֵיכָה יַעֲלוּ יָצִיצוּ וְלֹא יִיגְעוּן וְלֹא יִטְווּן וַאֲנִי אֹמֵר לָכֶם גַּם שְׁלֹמֹה בְּכָל־הֲדָרוֹ ולֹא־הָיָה לָבוּשׁ כְּאֶחָד מֵהֵנָּה׃
Luk 12:28 וְאִם־כָּכָה יַעֲטֶה אֱלֹהִים אֶת־עֵשֶׂב הַשָּׂדֶה אֲשֶׁר יָצִיץ הַיּוֹם וּלְמָחֳרָתוֹ ויֻתַּן בַּתַּנּוּר אַף כִּי־אֶתְכֶם קְטַנֵּי אֱמֻנָה׃
Luk 12:29 וְגַם־אַתֶּם לֹא תְבַקְּשׁוּ מַה־תֹּאכְלוּ וּמַה־תִּשְׁתּוּ וְלִבְּכֶם לֹא יָנוּעַ הֵנָּה וָהֵנָּה׃
Luk 12:30 כִּי כָּאֵלֶּה מְבַקְשִׁים גּוֹיֵי הָאֲרָצוֹת וַאֲבִיכֶם יֹדֵעַ כִּי־אֵלֶּה צָרְכֵיכֶם הֵמָּה׃
Luk 12:31 אַךְ בַּקְּשׁוּ אֶת־מַלְכוּת הָאֱלֹהִים וְהַחֲפָצִים הָהֵם יִנָּתְנוּ לָכֶם מַתָּנוֹת נוֹסָפוֹת׃
Luk 12:32 אַל־תִּירָא עֵדֶר קָטֹן כִּי חֵפֶץ אֲבִיכֶם הוּא לָתֵת לָכֵם אֶת הַמַּלְכוּת׃
Luk 12:33 מִכְרוּ אֶת אֲשֶׁר לָכֶם וּתְנוּ לָאֶבְיוֹנִים עֲשׂוּ לָכֶם צְרֹרוֹת אֲשֶׁר לֹא יִבֹּלוּ וְאוֹצָר בַּשָּׁמַיִם אֲשֶׁר לֹא יִגָּרַע מִמֶּנּוּ לְעוֹלָם גַּנָּב לֹא־יִגַּשׁ שָׁמָּה וְעָשׁ לֹא יֹאכְלֶנּוּ׃
Luk 12:34 כִּי בִּקְמוֹם אוֹצַרְכֶם שָׁם יְהִי גַּם־לְבַבְכֶם׃
Luk 12:35 הִתְיַצְּבוּ בְּמָתְנַיִם חֲגֻרִים וְנֵרוֹת דֹּלְקִים׃
Luk 12:36 וֶהֱיוּ כַאֲנָשִׁים מְחַכִּים לְשׁוּב אֲדֹנֵיהֶם מִן־חֲתֻנָּתוֹ ווְכַאֲשֶׁר יָבֹא וְיִדְפֹּק יִפְתְחוּ־לוֹ וכְּרָגַע׃
Luk 12:37 אַשְׁרֵי הָעֲבָדִים הָהֵם אֲשֶׁר בְּשׁוּב אֲדֹנֵיהֶם יִמְצָאֵם שֹׁקְדִים עַל־מִשְׁמַרְתָּם אָמֵן אֲנִי אֹמֵר לָכֶם כִּי הוּא יַחֲגֹר מָתְנָיו יוֹשִׁיבֵם אֶל־הַשֻּׁלְחָן וְיִקְרַב וִישָׁרֵת אֹתָם׃
Luk 12:38 אִם־בָּאַשְׁמֻרָה הַשֵּׁנִית יָבֹא אוֹ ואִם־בַּשְּׁלִישִׁית וְכֵן יִמְצָאֵם אַשְׁרֵי הָעֲבָדִים הָהֵם׃
Luk 12:39 וְזֹאת שִׂימוּ עַל־לֵב כִּי־לוּ יָדַע בַּעַל הַבַּיִת אֶת־הַשָּׁעָה בָּה יָבוֹא הַגַּנָּב הָיָה עֹמֵד עַל־מִשְׁמַרְתּוֹ ווְלֹא־נָתַן לַחְתֹּר בְּבֵיתוֹ׃
Luk 12:40 לָכֵן גַּם־אַתֶּם הֱיוּ נְכֹנִים כִּי בֶּן־הָאָדָם יָבוֹא בְּשָׁעָה אֲשֶׁר לֹא תָשִׂימוּ עַל־לֵב׃
Luk 12:41 וַיֹּאמֶר פֶּטְרוֹס הֲלָנוּ אֲדֹנֵינוּ נָשָׂאתָ אֶת־הַמָּשָׁל הַזֶּה אוֹ ואִם־גַּם לְכֻלָּם׃
Luk 12:42 וַיֹּאמֶר הָאָדוֹן וּמִי־הוּא אִישׁ נֶאֱמָן וְנָבוֹן אֲשֶׁר אֲדֹנָיו הִפְקִידוֹ ועַל־בְּנֵי בֵיתוֹ ולָתֵת לָהֵם אֶת־אָכְלָם בְּעִתּוֹ׃
Luk 12:43 אַשְׁרֵי הָעֶבֶד הַהוּא אֲשֶׁר בְּבֹאוֹ ויִמְצָאֶנּוּ אֲדֹנָיו כִּי כֵן עָשָׂה׃
Luk 12:44 אָמֵן אֲנִי אֹמֵר לָכֶם כִּי יַפְקִדֵהוּ עַל־כָּל־אֲשֶׁר יֶשׁ־לוֹ׃
Luk 12:45 וְאִם־הָעֶבֶד הַהוּא יֹאמַר בְּלִבּוֹ ובֹּשֵׁשׁ אֲדֹנִי לָבֹא וְהֵחֵל לְהַכּוֹת אֶת־הָעֲבָדִים וְאֶת־הַשְּׁפָחוֹת וְלֶאֱכֹל וְלִשְׁתּוֹת וְלִשְׁכֹּר׃
Luk 12:46 בֹּא יָבֹא אֲדֹנֵי הָעֶבֶד הַהוּא בְּיוֹם אֲשֶׁר לֹא־יְצַפֶּה לּוֹ ווּבְשָׁעָה אֲשֶׁר לֹא־יֵדַע וִישַׁסֵּף אֹתוֹ ווְאֶת־הַסּוֹרְרִים יִתֵּן חֶלְקוֹ׃
Luk 12:47 וְהָעֶבֶד הַיֹּדֵעַ מָה רְצוֹן אֲדֹנָיו וְלֹא יָחוּשׁ וְלֹא יַעֲשֶׂה כִרְצֹנוֹ ויִוָּסֵר בְּמַכּוֹת קָשׁוֹת׃
Luk 12:48 וְהוּא אֲשֶׁר אֵינֶנּוּ יֹדֵעַ וְעָשָׂה חֵטְא מִשְׁפַּט מַכּוֹת יִוָּסֵר בְּמַכּוֹת קַלּוֹת כִּי כָל־אִישׁ אֲשֶׁר נִתַּן־לוֹ והַרְבֵּה יִדָּרֵשׁ מִנֶּנּוּ הַרְבֵּה וְאִישׁ אֲשֶׁר הָפְקַד בְּיָדוֹ ופִּקָּדוֹן רָב כֵּן יְבֻקַּשׁ מִיָּדוֹ ובְּקַו יָתֵר׃
Luk 12:49 וַאֲנִי בָאתִי לְהַבְעִיר אֵשׁ בָּאָרֶץ וּמַה־חֶפְצִי עוֹד אִם כְּבָר בֹּעָרֶת׃
Luk 12:50 וְגַם־טְבִילָה עָלַי לְהִטָּבֶל־בָּהּ וּמַה־צַּר לִי עַד כִּי־תִתֹּם׃
Luk 12:51 הַאִם תַּחְשְׁבוּן כִּי בָאתִי לָתֵת שָׁלוֹם בָּאָרֶץ אֲנִי אֹמֵר לָכֶם לֹא־כֵן כִּי אִם־מַחֲלֹקֶת׃
Luk 12:52 כִּי אִם־חֲמִשָּׁה יִהְיוּ בְּבַיִת אֶחָד יָקוּמוּ מֵעַתָּה שְׁלֹשָׁה עַל־שְׁנַיִם וּשְׁנַיִם עַל־שְׁלֹשָׁה׃
Luk 12:53 אָב יָקוּם בִּבְנוֹ ווּבֵן בְּאָבִיו אֵם בְּבִתָּהּ וּבַת בְּאִמָּהּ חָמוֹת בְּכַלַּתָהּ וְכַלָּה בַּחֲמֹתָהּ׃
Luk 12:54 וַיֹּאמֶר גַּם אֶל־הֲמוֹן הָעָם כַּאֲשֶׁר תִּרְאוּ עָנָן עֹלֶה מִמַּעֲרָב תָּחִישׁוּ לְהַגִּיד כִּי יָבֹא גֶשֶׁם וְכֵן יִהְיֶה׃
Luk 12:55 וְאִם־רוּחַ נֶגֶב נֹשֶׁבֶת תֹּאמְרוּ כִּי חֹם יָבֹא וְכֵן יִהְיֶה׃
Luk 12:56 הֵן יְדַעְתֶּם חֲנֵפִים לִבְחֹן אֶת־פְּנֵי הָאָרֶץ וְאֶת־פְּנֵי הַשָּׁמָיִם וְאֵיךְ לֹא יְדַעְתֶּם לִבְחֹן גַּם אֶת־הָעֵת הַזֹּאת׃
Luk 12:57 וְגַם מֵרוּחַ מִבִּנַתְכֶם לָמָּה לֹא תוֹצִיאוּ מִשְׁפָּט יָשָׁר׃
Luk 12:58 כַּאֲשֶׁר תֵּלֵךְ עִם־אִישׁ רִיבְךָ אֶל־הָרֹאשׁ הִתְאַמֵּץ לְהִנָּצֵל מִיָּדוֹ ועוֹדְךָ בַדָּרֶךְ פֶּן־יוֹבִילְךָ לִפְנֵי הַשֹּׁפֵט וְהַשֹּׁפֵט יַסְגִּירְךָ בְּיַד הַשּׁוֹטֵר וְהַשּׁוֹטֵר יִתֶּנְךָ לְבֵית הַסֹּהַר׃
Luk 12:59 וַאֲנִי אֹמֵר לְךָ כִּי לֹא תַעֲלֶה מִשָּׁם עַד אֲשֶׁר־תְּשַׁלֵּם אֶת־הַפְּרוּטָה הָאַחֲרֹנָה׃