Hebrew NT, Salkinson-Ginsburg edition, Matthew, Chapter 14

Mat 14:1 בָּעֵת הַהִיא שָׁמַע הוֹרְדוֹס טֶטְרַרְךְ אֶת־שֵׁמַע יֵשׁוּעַ
Mat 14:2 וַיֹּאמֶר אֶל־עֲבָדָיו הֲלֹא הוּא יוֹחָנָן הַמְטַבֵּל הוּא קָם מִן־הַמֵּתִים עַל־כֵּן גָּבְרָה יָדוֹ ולַעֲשׂוֹת נִפְלָאוֹת
Mat 14:3 כִּי הוֹרְדוֹס תָּפַשׂ אֶת־יוֹחָנָן וַיַּאַסְרֵהוּ וְנָתוֹן אֹתוֹ ובַּמִּשְׁמָר עַל־דְּבַר הוֹרוֹדְיָה אֵשֶׁת פִּילִפּוֹס אָחִיו
Mat 14:4 כִּי הוֹכִיחוֹ ויוֹחָנָן בְּאָמְרוֹ ולֹא כַתּוֹרָה לָקַחַת אֹתָהּ לְךָ לְאִשָּׁה
Mat 14:5 וַיְבַקֵּשׁ הֲמִיתוֹ ואֶפֶס כִּי יָרֵא אֶת־הָעָם אֲשֶׁר חִשְּׁבוּ אֹתוֹ ולְנָבִיא
Mat 14:6 וַיְהִי בְּיוֹם הֻלֶּדֶת אֶת־הוֹרְדוֹס וַתִּרְקֹד בַּת־הוֹרוֹדְיָה בְּמָחוֹל לִפְנֵיהֶם וַתִּיטַב בְּעֵינֵי הוֹרְדוֹס
Mat 14:7 וּבִגְלַל הַדָּבָר הַזֶּה נִשְׁבַּע לָתֶת־לָהּ כָּל־אֲשֶׁר תִּשְׁאַל מִמֶּנּוּ
Mat 14:8 וְהִיא כַּאֲשֶׁר שׂוּמָה בְּפִיהָ מֵאִמָּהּ אָמְרָה אֵלָיו תְּנָה־לִּי בַּזֶּה בַּסֵּפֶל אֶת־רֹאשׁ יוֹחָנָן הַמְטַבֵּל
Mat 14:9 וַיֵּצֶר לַמֶּלֶךְ מְאֹד וְאַךְ בַּעֲבוּר שְׁבוּעָתוֹ ווְהַיֹּשְׁבִים בִּמְסִבּוֹ וצִוָּה לְתִתּוֹ ולָהּ
Mat 14:10 וַיִּשְׁלַח וַיִּשָּׂא אֶת־רֹאשׁ יוֹחָנָן מֵעָלָיו בַּמִּשְׁמָר
Mat 14:11 וַיּוּבָא אֶת־רֹאשׁוֹ ובַּסֵּפֶל וַיִּנָּתֵן לִידֵי הַנַּעֲרָה וְהִיא הֱבִיאַתְהוּ אֶל־אִמָּהּ
Mat 14:12 וַיָּבֹאוּ תַלְמִידָיו וַיִּשְׂאוּ אֶת־הֶחָלָל וַיִּקְבְּרֻהוּ וַיָּבֹאוּ וַיַּגִּידוּ לְיֵשׁוּעַ
Mat 14:13 כִּשְׁמֹעַ יֵשׁוּעַ אֶת־הַדָּבָר הַזֶּה וַיַּעֲבֹר מִשָּׁם בָּאֳנִיָּה וַיָּבֹא אֶל־מָקוֹם שָׁמֵם לְבַדּוֹ ווַיִּשְׁמְעוּ הֲמוֹן הָעָם וַיֵּלְכוּ אַחֲרָיו מִן־הֶעָרִים דֶּרֶךְ הַיַּבָּשָׁה
Mat 14:14 וַיֵּצֵא יֵשׁוּעַ וַיַּרְא הֲמוֹן עַם־רָב וְרַחֲמָיו נִכְמְרוּ עֲלֵיהֶם וַיִּרְפָּא אֶת־חוֹלֵיהֶם
Mat 14:15 וַיְהִי לִפְנוֹת־עֶרֶב וַיִּגְּשׁוּ אֵלָיו תַּלְמִידָיו וַיֹּאמְרוּ הַמָּקוֹם שָׁמֵם וְהַיּוֹם רַד מְאֹד שַׁלַּח אֶת־הֲמוֹן הָעָם וְיֵלְכוּ אֶל־הַכְּפָרִים לִקְנוֹת לָהֶם אֹכֶל
Mat 14:16 וַיֹּאמֶר אֲלֵיהֶם יֵשׁוּעַ לֹא הֻטַּל עֲלֵיהֶם לָלֶכֶת לִקְנוֹת תְּנוּ לָהֶם אַתֶּם לֶאֱכֹל
Mat 14:17 וַיֹּאמְרוּ אֵלָיו לֹא־נִמְצָא אִתָּנוּ פֹּה כִּי אִם־חָמֵשׁ כִּכְּרוֹת־לֶחֶם וְדָגִים שְׁנָיִם
Mat 14:18 וַיֹּאמַר הֲבִיאוּם אֵלַי הֵנָּה
Mat 14:19 וַיְצַו אֶת־הֲמוֹן הָעָם לָשֶׁבֶת שָׁם בִּנְאוֹת דֶּשֶׁא וַיִּקַּח אֶת־חֲמֵשֶׁת הַלֶּחֶם וְאֶת־שְׁנֵי־הַדָּגִים וַיִּשָּׂא עֵינָיו לַמָּרוֹם וַיְבָרֶךְ וַיִּפְרֹס וַיִּתֵּן אֶת־הַלֶּחֶם אֶל־הַתַּלְמִידִים וְהַתַּלְמִידִים אֶל־הֲמוֹן הָעָם
Mat 14:20 וַיֹּאכְלוּ כֻלָּם וַיִּשְׂבָּעוּ וַיִּשְׂאוּ אֶת־הַפְּתוֹתִים הַנּוֹתָרִים שְׁנֵים עָשָׂר סַלִּים מְלֵאִים
Mat 14:21 וְהָאֹכְלִים הָיוּ כַּחֲמֵשֶׁת אַלְפֵי אִישׁ מִלְּבַד נָשִׁים וָטָף
Mat 14:22 וַיֶּחֱזַק יֵשׁוּעַ עַל־תַּלְמִידָיו לְמַהֵר לָרֶדֶת בָּאֳנִיָּה וְלַעֲבֹר לְפָנָיו אֶל־עֵבֶר הַיָּם עַד כִּי יְשַׁלַּח אֶת־הֲמוֹן הָעָם
Mat 14:23 וַיְהִי בְּשַׁלְּחוֹ ואֶת־הֲמוֹן הָעָם וַיַּעַל אֶל־הָהָר בָּדָד לְהִתְפַּלֵּל וַיְהִי־עֶרֶב וַיִּוָּתֵר שָׁם לְבַדּוֹ
Mat 14:24 וְהָאֳנִיָּה בָאָה אָז בְּלֵב הַיָּם בְּצָרָה גְדוֹלָה מִפְּנֵי מִשְׁבָּרָיו כִּי נָשַׁף הָרוּחַ לִקְרָאתָם
Mat 14:25 וַיְהִי בְּאַשְׁמֻרָה הָרְבִיעִית בַּלָּיְלָה וַיָּבֹא אֲלֵיהֶם יֵשׁוּעַ דֹּרֵךְ עַל־פְּנֵי הַיָּם
Mat 14:26 כִּרְאוֹת אֹתוֹ והַתַּלְמִידִים דֹּרֵךְ עַל־פְּנֵי הַיָּם וַיָּחִילוּ וַיֹּאמְרוּ כִּי רוּחַ הוּא בֶחָזוֹן וַיִּצְעֲקוּ מִפָּחַד׃
Mat 14:27 וַיְמַהֵר יֵשׁוּעַ וַיְדַבֵּר עַל־לִבָּם וַיֹּאמַר חִזְקוּ אֲנִי הוּא אַל־תִּירָאוּ׃
Mat 14:28 וַיַּעַן פֶּטְרוֹס וַיֹּאמֶר אֵלָיו אֲדֹנִי אִם־אַתָּה הוּא צַו וְאָבֹא אֵלֶיךָ עַל־פְּנֵי הַמָּיִם׃
Mat 14:29 וַיֹּאמֶר בֹּא וַיֵּרֶד פֶּטְרוֹס מִן־הָאֳנִיָּה וַיֵּלֶךְ עַל־פְּנֵי הַמַּיִם לָבֹא אֶל־יֵשׁוּעַ׃
Mat 14:30 וּבִרְאֹתוֹ ואֶת־הָרוּחַ חֲזָקָה וַיִּירָא וַיָּחֶל לִטְבֹּעַ וַיִּצְעַק לֵאמֹר אֲדֹנִי הוֹשִׁיעָה נָּא׃
Mat 14:31 וַיְמַהֵר יֵשׁוּעַ וַיִּשְׁלַח יָדוֹ ווַיַּחֲזֶק־בּוֹ ווַיֹּאמֶר אֵלָיו קְטֹן אֱמוּנָה לָמָּה־זֶּה פָּסַחְתָּ עַל־שְׁתֵּי סְעִפִּים׃
Mat 14:32 וַיָּבֹאוּ אֶל־הָאֳנִיָּה וַיִּשְׁתֹּק הָרוּחַ מִזַּעְפּוֹ׃
Mat 14:33 וְנִגְּשׁוּ וַיִּשְׁתַּחֲווּ־לוֹ והָאֲנָשִׁים אֲשֶׁר בָּאֳנִיָּה לֵאמֹר אָכֵן בֶּן־אֱלֹהִים אָתָּה׃
Mat 14:34 וַיַּעַבְרוּ וַיָּבֹאוּ אַרְצָה גְּנֵיסָרֶת׃
Mat 14:35 וַיַּכִּירוּ אֹתוֹ ואַנְשֵׁי הַמָּקוֹם הַהוּא וַיִּשְׁלְחוּ אֶל־כָּל־הַכִּכָּר מִסָּבִיב וַיָּבִיאוּ אֵלָיו אֵת כָּל־חוֹלֵיהֶם׃
Mat 14:36 וַיִּתְחַנְּנוּ אֵלָיו לָתֵת לָהֶם לָגַעַת בִּכְנַף בִּגְדוֹ ווַיְהִי כֹּל אֲשֶׁר נָגַע־בּוֹ ווָחָי׃