Jonah 2:1 וְצַלִי יוֹנָה קְֹדָם יוי אֲלָהֵיה מִמַעיָא דְנוּנְתָא׃
Jonah 2:2 וַאֲמַר צַלִיתִי מִדְעַקַת לִי קְֹדָם יוי וְקַבֵיל צְלוֹתִי מֵאַרעִית תְהוֹמָא בְעֵיתִי עֲבַדתָא בָעוּתִי׃
Jonah 2:3 וֻרמֵיתַנִי לְעוּמקַיָא בְלִיבָא דְיַמָא וְנַהרָא סְחוֹר סְחוֹר לִי כָל נַחשוֹלוֹהִי דְיַמָא וְגַלוֹהִי עֲלַי עֲדוֹ״עברו#3#״׃
Jonah 2:4 וַאֲנָא אֲמַרִית אִתָרַכִית מִקְֹבֵיל״מִן קְֹדָם#2#״ מֵימְרָך בְרַם אוֹסֵיף לְאִסתַכָלָא בְהֵיכְלָא דְקוּדשָך׃
Jonah 2:5 אַקְפוּנִי מַיָא עַד מוֹתָא תְהוֹמָא סְחוֹר סְחוֹר לִי יַמָא דְסוּף תְלֵי עֵיל \מִן רֵישִי ״מֵרֵישִי#2#״׃
Jonah 2:6 לְעִקרֵי טוּרַיָא נְחַתִית אַרעָא נְגַדַת בְתוּקפַהָא עֵיל מִנִי עָלְמִין וְאַת קָרֵיב קְֹדָמָך לְאַסָקָא מֵחַבָלָא חַיַי יוי אֲלָהִי׃
Jonah 2:7 בְאִשתַלהָיוּת עֲלַי נַפשִי פוּלחָנָא דַיוי אִידְכַרִית וְעַלַת לִקדָמָך צְלוֹתִי לְהֵיכְלָא דְקוּדשָך׃
Jonah 2:8 לָא כְעַמְמַיָא פָלְחֵי טָעֲוָתָא דְמֵאֲתַר דְמִתוֹטַב לְהוֹן לֵית אִנוּן יָדְעִין׃
Jonah 2:9 וַאֲנָא בְקָל תֻשבְחָא״תוּשבְחָת#2#״ אוֹדָאָה קוּרבָנִי דִנדַרִית אֲשַלֵים פוּרקַן נַפשִי בִצלוֹ קְֹדָם יוי׃
Jonah 2:10 וַאֲמַר יוי לְנוּנָא וֻפלַט יָת יוֹנָה לְיַבַשתָא׃