Targum, Ezekiel, Chapter 43

Ezek 43:1 וְאוֹבְלַנִי לְתַרעָא תַרעָא דִפתִיַח לְאוֹרַח מַדנְחָא׃
Ezek 43:2 וְהָא יְקָר אֲלָהָא דְיִשרָאֵל אִתגְלִי בְאוֹרַח מַדנְחָא וְקָל מְבָרְכֵי שְמֵיה כְקָל מַיִין סַגיִאִין וְאַרעָא נָהֲרַת מִזִיו יְקָרֵיה׃
Ezek 43:3 וֻכחֵיזוּ חִזוָא דַחֲזֵיתִי כְחִזוָא דַחְזֵיתִי בְאִתנַבָיוּתִי לְחַבָלָא יָת קַרתָא וְחִזוָא כְחֵיזוּ דַחֲזֵיתִי עַל נְהַר כְבָר וְאִשתַטַחִית עַל אַפַי׃
Ezek 43:4 וִיקָרָא דַיוי אִתגְלִי בְבֵיתָא בְאוֹרַח תַרעָא דִפתִיַח לְאוֹרַח מַדנְחָא׃
Ezek 43:5 וֻנטַלַתנִי רוּחָא וַאֲעֵילַתנִי לְדָרְתָא גָוָיתָא וְהָא אִתמְלִי יְקָרָא דַיוי בֵיתָא׃
Ezek 43:6 וֻשמַעִית דִממַלִיל עִמִי מִלְגָיו וְגֻברָא הֲוָה קָאֵים לְקִבלִי׃
Ezek 43:7 וַאֲמַר לִי בַר אָדָם דֵין אֲתַר בֵית כוּרסֵי יְקָרִי וְדֵין אֲתַר בֵית אַשרָיוּת שְכִינְתִי דְאַשרִי שְכִינְתִי תַמָן בְגוֹ בְנֵי״בֵית#3#״ יִשרָאֵל לְעָלַם וְלָא יְסָאֲבוּן עוֹד בֵית יִשרָאֵל שְמָא דְקוּדשִי אִנוּן וֻמַלכֵיהוֹן בְטָעֲוָתְהוֹן וֻבפִגרֵי מַלכֵיהוֹן בָמָתְהוֹן׃
Ezek 43:8 בְמִתַנהוֹן סִפֵיהוֹן כִקבֵיל סִפֵי בֵית מַקדְשִי וֻבִניָנְהוֹן בִסטַר עַזרָתִי וְכוֹתַל בֵית מַקדְשִי בֵין מֵימְרִי וֻבֵינֵיהוֹן וְסַאִיבוּ יָת שְמָא דְקוּדשִי בְתוֹעֵיבָתְהוֹן דַעֲבַדוּ וְשֵיצֵיתִי יָתְהוֹן בְרוּגזִי׃
Ezek 43:9 כְעַן יְרַחֲקוּן יָת טָעֲוָתְהוֹן וֻפִגרֵי מַלכֵיהוֹן מִלְמִחטֵי קְֹדָמַי וְאַשרֵי שְכִינְתִי בֵינֵיהוֹן לְעָלַם׃
Ezek 43:10 אַת בַר אָדָם חַוִי יָת בֵית יִשרָאֵל יָת בֵיתָא וְיִתכַנעוּן מִחוֹבֵיהוֹן וְיִמשְחוּן יָת טִקוּסֵיה׃
Ezek 43:11 וְאִם יִתכַנעוּן מִכָל דַעֲבַדוּ בְמִחזֵיהוֹן צוּרַת בֵיתָא וְטִקוּסֵיה וֻמַפְקָנוֹהִי וֻמַעֲלָנוֹהִי וְכָל צוּרָתֵיה וְיָת כָל גְזֵירָתֵיה וְכָל צוּרָתֵיה וְכַל דְחָזֵי לֵיה הוֹדַע יָתְהוֹן וֻכתוֹב לְעֵינֵיהוֹן וְיִטְרוּן יָת כָל צוּרָתֵיה וְיָת כָל גְזֵירָתֵיה וְיַעבְדוּן יָתְהוֹן׃
Ezek 43:12 דָא אוֹרָיתָא דִבֵיתָא עַל רֵיש טוּרָא כָל תְחוּמֵיה סְחוֹר סְחוֹר קוֹדַש קוּדשִין הָא דָא אוֹרָיתָא דְבֵיתָא׃
Ezek 43:13 וְאִלֵין מִשחָת מַדבְחָא בְאַמַיָא בְאַמְתָא״כְאַמְתָא#2#״ דְהִיא אַמָה וֻפשַך וְתַשוִיתָא אַמְתָא וְאַמְתָא פוּתיָא וֻגדָנְפָא מַקַף לַה עַל סִפתַה סְחוֹר סְחוֹר זַרתָא חֲדָא וְדֵין טִקוּס מַדבְחָא׃
Ezek 43:14 וֻמִתַשוִית אַרעָא עַד מְסָמְתָא אַרעִיתָא תַרתֵין אַמִין וֻפוּתיָא אַמְתָא חֲדָא וֻמִמְסָמְתָא זְעֵירְתָא עַד מְסָמְתָא רַבְתָא אַרבַע אַמִין וֻפֻתיָא אַמְתָא׃
Ezek 43:15 וֻמַדבְחָא אַרבָע אַמִין וֻמִמַדבְחָא וֻלעֵילָא קַרנָתָא אַרבַע׃
Ezek 43:16 וֻמַדבְחָא תַרתָא עַסרֵי אוּרכָא בְתַרתַא עַסרֵי פֻתיָא מְרֻבַע עַל אַרבְעָה סִטרוֹהִי׃
Ezek 43:17 וֻמסָמְתָא אַרבַע עַסרֵי אוּרכָא בְאַרבָע עַסרֵי פוּתיָא עַל אַרבְעָה סִטרַהָא וֻגדָנְפָא מַקַף לַה סְחוֹר סְחוֹר פַלגוּת אַמְתָא וְתַשוִיתָא לַה אַמְתָא סְחוֹר סְחוֹר וֻמֵאֲתַר דְסַלְקִין לַה מִתפְנָן לְמַדנְחָא׃
Ezek 43:18 וַאֲמַר לִי בַר אָדָם כִדנָן אֲמַר יוי אֲלֹהִים אִלֵין גְזֵירַת מַדבְחָא בְיוֹם אִתעֲבָדוּתֵיה לְאַסָקָא עֲלוֹהִי עֲלָתָא וֻלמִזרַק עַלוֹהִי דַם נִכסַת קוּדשַיָא׃
Ezek 43:19 וְתִתֵין לְכָהֲנַיָא לֵיוָאֵי דְאִנוּן מִזַרעָא דְצָדוֹק דְקָרִיבִין לְפַלחָנִי אֲמַר יוי אֲלֹהִים לְשַמָשָא קְֹדָמַי תוֹר בַר תוֹרֵי לְחַטָתָא׃
Ezek 43:20 וְתִסַב מִדְמֵיה וְתִתֵין עַל אַרבָע קַרנָתֵיה וְעַל אַרבָע זָויָת מְסָמְתָא וְעַל תְחוּמָא סְחוֹר סְחוֹר וֻתדַכֵי יָתֵיה וֻתכַפַר עֲלוֹהִי׃
Ezek 43:21 וְתִסַב יָת תוֹרָא דְחַטָתָא וְיוֹקְדִנֵיה בַאֲתַר דְחָזֵי לְבֵיתָא מִבַרָא לְמַקדְשָא׃
Ezek 43:22 וֻביוֹמָא תִניָנָא תְקָרֵיב צְפִיר בַר עִזִין שְלִים לְחַטָאתָא וִידַכוֹן״וֻתדַכֵי#2#״ יָת מַדבְחָא כְמָא דְדַכִיאוּ בְתוֹרָא׃
Ezek 43:23 בְשֵיצָיוּתָך מִלְדַכָאָה תְקָרֵיב תוֹר בַר תוֹרֵי שְלִים וֻדכַר מִן עָנָא שְלִים׃
Ezek 43:24 וֻתקָרֵבִנוּן קְֹדָם יוי וְיִתְנוּן כָהֲנַיָא עֲלֵיהוֹן מִלחָא וְיַסְקוּן יָתְהוֹן עֲלָתָא קְֹדָם יוי׃
Ezek 43:25 שִבעָה יוֹמִין תַעֲבֵיד צְפִירָא דְחַטָתָא לְיוֹמָא וְתוֹר בַר תוֹרֵי וֻדכַר מִן עָנָא שַלמִין יַעבְדוּן׃
Ezek 43:26 שִבעָה יוֹמִין יְכַפְרוּן עַל מַדבְחָא וְיִדַכוֹן יָתֵיה וִיקָרְבוּן קוּרבָנֵיה׃
Ezek 43:27 וִישַלְמוּן יָת יוֹמַיָא וִיהֵי בְיוֹמָא תְמִינָאָה וֻלהַלאָה יַעבְדוּן כָהֲנַיָא עַל מַדבְחָא יָת עַלָוָתְכוֹן וְיָת נִכסַת קוּדשֵיכוֹן וְיִתקַבַל קוּרבָנְכוֹן בְרַעֲוָא אֲמַר יוי אֲלֹהִים׃