Ezek 41:1 וְאַעֲלַנִי לְהֵיכְלָא וֻמשַח יָת אַלַיָא״איליא#3#״ שֵית אַמִין פוּתיָא מִכָא וְשֵית אַמִין פוּתיָא מִכָא פוּתיָא דְמַשכְנָא״דְבֵיתָא#3#״׃
Ezek 41:2 וֻפוּתיָא דְתַרעָא עֲסַר אַמִין וְכִתפֵי תַרעָא חֲמֵיש אַמִין מִכָא וָחֲמֵיש אַמִין מִכָא וֻמשַח אוּרכֵיה אַרבְעִין אַמִין וֻפוּתיָא עַסרִין אַמִין׃
Ezek 41:3 וְעַל לְגָיו וֻמשַח אַלָא״אילא#3#״ דְתַרעָא תַרתֵין אַמִין וְתַרעָא שֵית אַמִין וֻפוּתיָא דְתַרעָא שְבַע אַמִין׃
Ezek 41:4 וֻמשַח יָת אוּרכֵיה עַסרִין אַמִין וֻפוּתיָא עַסרִין אַמִין דִקדָם הֵיכְלָא וַאֲמַר לִי דֵין בֵית קוֹדַש קוּדשַיָא׃
Ezek 41:5 וֻמשַח כוּתלָא דְבֵיתָא שֵית אַמִין וֻפוּתיָא דִמחִיצְתָא אַרבָע אַמִין סְחוֹר סְחוֹר מַקַף לְבֵיתָא סְחוֹר סְחוֹר׃
Ezek 41:6 וֻמחִיצַיָא מְחִיצָא עַל מְחִיצָא תְלָתִין וֻתלָת חֲדַא עַסרֵי בְסִדרָא קְבִיעָן בְכוּתלַיָא דְמִגָיו לִמחִיצַיָא סְחוֹר סְחוֹר לְמִהוֵי רֵישֵי שַריָתָא נָיְחָן עַל זִיזַיָא וְלָא יִהוְיָן שָריָתָא מַעבְרָן בְכוּתלֵי בֵיתָא׃
Ezek 41:7 וֻפוּתיָא מְסִיבְתָא וְסַלְקָא לְעֵילָא לְעֵילָא מִן מְחִיצַיָא אֲרֵי מַקְפָא בֵיתָא וְסַלְקָא לְעֵילָא לְעֵילָא סְחוֹר סְחוֹר לְגָיו עַל כֵין פְתֵי בֵיתָא״בתי#3#״ מִלְעֵילָא וְכֵין בִמסִיבְתָא סָלְקִין מִן אַרעָיתָא לְעִלִיתָא בְאוֹרַח מְצִיעָיתָא׃
Ezek 41:8 וַחֲזֵית לְבֵיתָא רוּמָא סְחוֹר סְחוֹר מְשַכלְלָן מְחִיצַיָא מִשחַת קַניָא שֵית אַמִין רוּחַ׃
Ezek 41:9 פוּתיָא דְכוּתלָא דִמחִיצְתָא דִלבַרָא חֲמֵיש אַמִין וַאֲתַר שְבִיק בֵית מְחִיצַיָא דִלגָיו׃
Ezek 41:10 וֻבֵין לִשכָתָא פוּתיָא עַסרִין אַמִין סְחוֹר סְחוֹר מַקַף לְבֵיתָא סְחוֹר סְחוֹר׃
Ezek 41:11 וְתַרעָא דִמחִיצְתָא לַאֲתַר שְבִיק״שָבֵיק#2#״ תַרעָא חַד פְתִיַח לְאוֹרַח צִפוּנָא וְתַרעָא חַד פְתִיַח לְדָרוֹמָא וֻפוּתיָא דַאֲתַר שְבִיק״שָבֵיק#2#״ חֲמֵיש אַמִין סְחוֹר סְחוֹר׃
Ezek 41:12 וֻבִניָנָא דִקדָם בִצוּרתָא רוּחַ אוֹרַח מַערְבָא פוּתיָא שִבעִין אַמִין וְכוּתלָא דְבִניָנָא חֲמֵיש אַמִין פוּתיָא סְחוֹר סְחוֹר וְאוּרכֵיה תִשעִין אַמִין׃
Ezek 41:13 וֻמשַח יָת בֵיתָא אוּרכָא מְאָה אַמִין וֻבִיצוּרתָא וֻבִניָנָא וְכוּתלַיָא אוּרכָא מְאָה אַמִין׃
Ezek 41:14 וֻפוּתיָא דִקדָם בֵיתָא וֻבִיצוּרתָא לְמַדנְחָא מְאָה אַמִין׃
Ezek 41:15 וֻמשַח אוּרכָא דְבִניָנָא דִקדָם בִיצוּרתָא דִלאֲחוֹרַהָא וְזִויָתַהָא מִכָא וֻמִכָא מְאָה אַמִין וְהֵיכְלָא גָוָאָה וְאוּלַמֵי דָרְתָא׃
Ezek 41:16 סִפַיָא וְכַוִין סְתִימַן וְעַתִיקַיָא״וְאַתִיקַיָא#2#״ סְחוֹר סְחוֹר לִתלָתֵיהוֹן לִקבֵיל סִפָא דְחָפֵי נִסרִין דְאַרזָא סְחוֹר סְחוֹר וְאַרעָא עַד כַוַיָא וְכַוִין סְתִימָן׃
Ezek 41:17 עַד לְעֵילָא מִן תַרעָא וְעַד״ומן#3#״ בֵיתָא גַוָאָה וֻלבַרָא וְעַל כָל כוּתלָא סְחוֹר סְחוֹר מִלְגָיו וֻמִלבָרָא מִשחָן׃
Ezek 41:18 וֻגלִיף כְרוּבִין וְכוֹתְרָן וְכוֹתְרָתָא בֵין כְרוּבָא לִכרוּבָא וֻתרֵין אַפִין לִכרוּבָא׃
Ezek 41:19 וְאַפֵי אֲנָשָא עֲבֵיד לְכוֹתַרהָא מִכָא וְאַפֵי אַריָא עַבֵיד לְכוֹתַרתָא מִכָא גְלִיף עַל כָל בֵיתָא סְחוֹר סְחוֹר׃
Ezek 41:20 מֵאַרעָא עַד לְעֵילָא מִן תַרעָא כְרוּבִין וְכוֹתְרָן גְלִיפִין וְכֵין״וֻבֵין#2#״ לְכוּתלָא דְהֵיכְלָא׃
Ezek 41:21 הֵיכְלָא דְסִיפוֹהִי מְרֻבְעִין וְאַפֵי בֵית כַפוֹרֵי חִזוֵיה כְחֵיזוֹ יְקָרָא׃
Ezek 41:22 כִקבֵיל מַדבְחָא פָתוּרָא דְאָעָא תְלָת אַמִין רוּמֵיה וְאוּרכֵיה תַרתֵין אַמִין וְזִויָן לֵיה וְאוּרכֵיה וְכוּתלוֹהִי אַעָא וֻמַלֵיל עִמִי דֵין פָתוּרָא דִקדָם יוי׃
Ezek 41:23 וְתַרתֵין דַשִין לְהֵיכְלָא וֻלבֵית כַפוֹרֵי׃
Ezek 41:24 וְתַרתֵין דַשִין אִימְהָן לְדַשַיָא תַרתֵין מַקְפָן דַשִין תַרתֵין לְדַשָא חֲדָא וְתַרתֵין דַשִין לְאוֹחרָנְתָא׃
Ezek 41:25 וֻגלִיף עֲלֵיהוֹן עַל דַשֵי הֵיכְלָא כְרוּבִין וְכוֹתְרָן כְמָא דִגלִיף עַל כוּתלַיָא וֻסקוּפְתָא דְאָעָא עַל אַפֵי אוּלַמָא מִלְבָרָא׃
Ezek 41:26 וְכַוִין סְתִימָן וְכוֹתְרָתָא מִכָא וֻמִכָא עַל כַתפֵי אוּלַמָא וֻמחִצָת בֵיתָא וֻסקוּפַיָא׃