Targum, Ezekiel, Chapter 30

Ezek 30:1 וַהֲוָה פִתגָם נְבוּאָה מִן קְֹדָם יוי עִמִי לְמֵימַר׃
Ezek 30:2 בַר אָדָם אִתנַבִי וְתֵימַר כִדנָן אֲמַר יוי אֲלֹהִים אֵילִילוּ וַאֲמַרוּ וָי מִן קְֹדָם יוֹמָא׃
Ezek 30:3 אֲרֵי קָרִיב יוֹמָא דַעֲתֵיד לְמֵיתֵי מִן קְֹדָם יוי יוֹם עֲנָן זְיָע עִדָן תְבָר עַמְמַיָא יְהֵי׃
Ezek 30:4 וֻתחוּל חַרבָא בְמִצרַיִם וִיהֵי זְיָעָא בְכוּש כַד יִתרְמוֹן קְטִילִין בְמִצרַיִם וְיִשבוּן אִתרְגוֹשְתַה וְיִתפַגְרוּן״וִיפַגְרוּן#2#״ אוּשַהָא׃
Ezek 30:5 כוּשָאֵי וֻפוּטָאֵי וְלוּדָאֵי וְכָל סוּמכָוָתָא וְכוּב וֻבנֵי אֲרַע קְיָמְהוֹן עִמְהוֹן בְחַרבָא יִתקַטלוּן׃
Ezek 30:6 כִדנָן אֲמַר יוי וְיִתקַטלוּן סָעֲדֵי מִצרַיִם וְיִבטַל יְקָר תוּקפַה מִמִגדוֹל סְוֵנֵה בְחַרבָא יִתקַטלוּן בַה אֲמַר יוי אֲלֹהִים׃
Ezek 30:7 וְיִצדוֹן בְגוֹ מִדִינָן דְצָדיָן וְקִרוֵיהוֹן״וקירוהי#3#״ בְגוֹ קִרוִין דַהֲוַאָה חָרבָן יִהוְיָן׃
Ezek 30:8 וְיִדְעוּן אֲרֵי אֲנָא יוי כַד אַיתִי עַמְמַיָא דְתַקִיפִין כְאִישָתָא עַל מִצרַיִם וְיִתַברוּן כָל סָעֲדַהָא׃
Ezek 30:9 בְעִדָנָא הַהוּא יִפְקוּן אִזגַדִין״איגרין#3#״ מִן קְֹדָמַי בְלִגיוֹנִין לַאֲזָעָא יָת כוּש דְשָריָא לְרוּחצָן וִיהֵי זְיָעָא בְהוֹן בְיוֹם פוֹרעָנוּת מִצרַיִם אֲרֵי הָא אָתיָא׃
Ezek 30:10 כִדנָן אֲמַר יוי אֲלֹהִים וַאֲבַטֵיל יָת אִתרְגוֹשַת מִצרַיִם בְיַד נְבוּכַדנַצַר מַלכָא דְבָבַל׃
Ezek 30:11 הוּא וְעַמֵיה עִמֵיה תַקִיפֵי עַמְמַיָא אַתַן לְחַבָלָא אַרעָא וְיִשלְפוּן סֵיפֵיהוֹן עַל מִצרַיִם וְיִמלוֹן יָת אַרעָא קְטִילִין׃
Ezek 30:12 וְאַתֵין נַהֲרֵיהוֹן יַבַשתָא וְאַמסַר יָת אַרעָא בְיַד מַבאֲשִין וַאֲצַדֵי אַרעָא וֻמלָאַה בְיַד נוּכרָאִין״רשיעין#3#״ אֲנָא יוי גְזַרִית בְמֵימְרִי׃
Ezek 30:13 כִדנָן אֲמַר יוי אֲלֹהִים וְאוֹבֵיד דְפָלְחִין לְטָעֲוָתָא וַאֲשֵיצֵי דְפָלְחִין לְצִלמָנַיָא מִמַפֵיס וֻמַלכָא מֵאַרעָא דְמִצרַיִם לָא יְהֵי עוֹד וְאַתֵין דַחלָא בְאַרעָא דְמִצרָיִם׃
Ezek 30:14 וַאֲצַדֵי יָת פַתרוֹס וְאַיתִי עַמְמַיָא דְתַקִיפִין כְאִישָתָא עַל טַאנֵים וְאַעֲבֵיד פוֹרעָנוּת דִינִין בַאֲלַכסַנדַריָא׃
Ezek 30:15 וְאַשפוֹך חִמתִי עַל סִין תְקוֹף מִצרָיִם וַאֲשֵיצֵי יָת אִתרְגוֹשַת אֲלַכסַנדַריָא׃
Ezek 30:16 וְאַיתִי״ואתן#3#״ עַמְמַיָא דְתַקִיפִין כְאִישָתָא עַל מִצרַיִם מְזָע תְזוּעַ סִין וַאֲלַכסַנדַריָא תְהֵי מְתָרְעָא״מְמָרְעָא#3#״ מִשוּר וֻמַפֵיס בַעֲלֵי דְבָב יַקְפוּנָה יוֹם יוֹם׃
Ezek 30:17 עוּלֵימֵי אָוַן וֻפִיבֹסַת בְחַרבָא יִתקַטלוּן וֻפָלְחֵיהוֹן בְשִביָא יְהָכוּן׃
Ezek 30:18
Ezek 30:19
Ezek 30:20
Ezek 30:21
Ezek 30:22
Ezek 30:23
Ezek 30:24
Ezek 30:25
Ezek 30:26