Ezek 11:1 וֻנטַלַת יַתִי רוּחָא וְאַעֵילַת יָתִי לִתרַע בֵית מַקדְשָא דַיוי מַדנְחָאָה דִפתִיַח לְמַדנְחָא וְהָא בְמַעֲלַנָא דְתַרעָא״דִתְרַע#3#״ עַסרִין וְחַמשָה גֻברָא״גברין#3#״ וַחזֵית בֵינֵיהוֹן יָת יַאֲזַניָה בַר עַזוּר וְיָת פְלַטיָה בַר בְנַיָה רַברְבֵי עַמָא׃
Ezek 11:2 וַאֲמַר לִי בַר אָדָם אִלֵין גֻברַיָא דְמחַשְבִין לְמֵינַס וֻדמָלְכִין מֵילַך בִיש בְקַרתָא הָדָא׃
Ezek 11:3 דְאָמְרִין לָא בְקָרִיב לְמִבנֵי בָתִין הִיא חֲשִיבָא לַנָא כְדוּדָא וַאֲנַחנָא חֲשִיבִין בְגַוַה כְבִסרָא דְבָשֵיל בְגוֹ דוּדָא׃
Ezek 11:4 בְכֵין אִתנַבִי עֲלֵיהוֹן אִתנַבִי בַר אָדָם׃
Ezek 11:5 וֻשרָת עֲלַי רְוַח נְבוּאָה מִן קְֹדָם יוי וַאֲמַר לִי אֵמַר כִדנָן אֲמַר יוי כֵין אֲמַרתוּן בֵית יִשרָאֵל וֻדאַתוּן מְהַרהֲרִין וְדִסלֵיקַת עַל לִבְכוֹן קְֹדָמַי גַליָן׃
Ezek 11:6 אַסגִיתוּן קְטִילֵיכוֹן בְקַרתָא הָדָא וֻמלֵיתוּן שוּקַהָא קְטִילִין׃
Ezek 11:7 בְכֵין כִדנָן אֲמַר יוי אֲלֹהִים קְטִילֵיכוֹן דְשַוִיתוּן בְגַוַה אִנוּן כִבִסרָא וְהִיא כְדוּדָא וְיָתְכוֹן אֲגַלֵי מִגַוָה׃
Ezek 11:8 מִן קְֹדָם דְקָטְלִין בְחַרבָא דְחֵילתוּן וֻדקָטְלִין בְחַרבָא אַיתִי עֲלֵיכוֹן אֲמַר יוי אֲלֹהִים׃
Ezek 11:9 וַאֲגַלֵי יָתְכוֹן מִגַוַה וְאַמסַר יָתְכוֹן בְיַד נוּכרָאִין וְאַעֲבֵיד בְכוֹן פוֹרעָנוּת דִינִין׃
Ezek 11:10 בְחַרבָא תִתקַטלוּן עַל תְחוּם אַרעָא דְיִשרָאֵל אַתפְרַע מִנְכוֹן וְתִדְעוּן אֲרֵי אֲנָא יוי׃
Ezek 11:11 הִיא לָא תְהֵי לְכוֹן כְדוּדָא״לְדוּדָא#3#״ בְרַם אַתוּן תְהוֹן בְגַוַה כְבִסרָא״לבשרא#3#״ דְבָשֵיל בְגוֹ דוּדָא עַל תְחוּם״#3#״ \אַרעָא דְיִשרָאֵל ״ישראל#3#״ אַתפְרַע מִנְכוֹן׃
Ezek 11:12 וְתִידְעוּן אֲרֵי אֲנָא יוי דְבִקיָמַי לָא הַלֵיכתוּן וְדִינַי לָא עֲבַדתוּן וֻכנִמוֹסֵי עַמְמַיָא דִבסַחרָנֵיכוֹן עֲבַדתוּן׃
Ezek 11:13 וַהֲוָה כְאִתנַבָיוּתִי״באיתנביותי#3#״ וֻפלַטיָה בַר בְנָיָה מִית וְאִשתַטַחִית עַל אַפַי וֻצוַחִית בְקָל״קָל#3#״ רַב וַאֲמַרִית קַבֵיל בָעוּתִי יוי אֲלֹהִים גְמֵירָא אַת עָבֵיד עִם שְאָרָא דְיִשרָאֵל׃
Ezek 11:14 וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
Ezek 11:15 בַר אָדָם אֲחַך אֲחַך אֲנָש״אנשי#3#״ קָרִיבָך וְכָל בֵית יִשרָאֵל כוּלהוֹן דְאָמְרִין לְהוֹן יָתְבֵי יְרוּשלַם אִתרַחַקוּ מִדַחלְתָא דַיוי דִילַנָא הִיא יְהִיבָא״אתיהיבת#3#״ אַרעָא לְמֵירְתַה׃
Ezek 11:16 בְכֵין אֲמַר״#3#״ כִדנָן אֲמַר יוי אֲלֹהִים אֲרֵי אַרחֵיקתַנוּן לְבֵינֵי עַמְמַיָא וַאֲרֵי בַדַרתִינוּן בִמדִינָתָא וִיהַבִית לְהוֹן בְתֵי כְנֵישָתָא תִניָן לְבֵית מַקדְשִי וְאִנוּן כִזעֵיר בִמדִינָתָא דְאִתַגלִיאוּ לְתַמָן׃
Ezek 11:17 בְכֵין אֵימַר כִדנָן אֲמַר יוי אֲלֹהִים וַאֲקָרֵיב יָתְכוֹן מִבֵינֵי״מן ביני#3#״ עַמְמַיָא וַאֲכַנֵיש יָתְכוֹן מִן מְדִינָתָא דְאִתבַדַרתוּן בְהוֹן וְאַתֵין לְכוֹן יָת אַרעָא דְיִשרָאֵל׃
Ezek 11:18 וְיֵיעֲלוּן לְתַמָן וְיִעדוֹן יָת כַל שִקוּצַהָא וְיָת כָל תוֹעֵיבָתַהָא״תועיבתא#3#״ מִנָה׃
Ezek 11:19 וְאַתֵין לְהוֹן לֵב דָחוּל וְרוּחַ דַחלָא אַתֵין בִמעֵיכוֹן״במעיהון#3#״ וְאַתבַר לִיבָא דְרִשעָא דְהוּא״דהוה#3#״ תַקִיף כְאַבנָא מִבִסרְהוֹן וְאַתֵין לְהוֹן לֵב דָחֵיל״דָחוּל#3#״ קְֹדָמַי לְמַעֲבַד רְעוּתִי׃
Ezek 11:20 בְדִיל דְבִקיָמַי יְהָכוּן וְיָת דִינַי יְטְרוּן וְיַעבְדוּן יַתְהוֹן וִיהוֹן קְֹדָמַי לְעַם וַאֲנָא אַהוֵי לְהוֹן לַאֲלָה״לאלהא#3#״׃
Ezek 11:21 בָתַר פֻלחַן שִקוּצֵיהוֹן וְתוֹעֵיבָתְהוֹן לִבְהוֹן טָעֵי פוּרעָנוּת אוֹרַחהוֹן״אורחתהון#3#״ בְרֵישְהוֹן יְהַבִית אֲמַר יוי אֲלֹהִים׃
Ezek 11:22 וֻנטַלוּ כְרוּבַיָא יָת גַפֵיהוֹן״כנפיהון#3#״ וְגִלגְלַיָא לְקִבלְהוֹן וִיקָר אֲלָהָא דְיִשרָאֵל עֲלֵיהוֹן מִלְעֵילָא׃
Ezek 11:23 וְאִסתַלַק יְקָרָא דַיוי מִן גוֹ״מגו#3#״ קַרתָא וֻשרָא עַל טוּר זֵיתַיַא״זיתא#3#״ דְמִמַדנַח לְקַרתָא׃
Ezek 11:24 וְרוּחָא״ורוח#3#״ נְטַלַתנִי וְאוֹבֵילַתנִי״וְאֵיבְלַתנִי#2#״ לִמדִינַת אֲרַע״ארעא#3#״ כַסדָאֵי לְוָת בְנֵי גַלוּתָא בְחִזוָא בְרוּחַ נְבוּאָה דִשרָת עֲלַי״#3#״ מִן קְֹדָם יוי וְאִסתַלַק מִנִי״מעילוי#3#״ חִזוָא דַחֲזֵיתִי׃
Ezek 11:25 וְאִתנַבִיתִי לִבנֵי גָלוּתָא יָת כָל פִתגָמַיָא״פִתגָמָא#3#״ דַיוי דְאַחזְיָנִי׃