Ps 41:1 לשבחא תושבחתא לדוד׃
Ps 41:2 טובוי דמשכיל לעניי מסכינא לרחמותיה ביום בישותא ישזביניה יהוה׃
Ps 41:3 יהוה ינטריניה ויחייניה ויוטיביניה בארעא ולא תמסריניה ברעות בעלי דבבוי׃
Ps 41:4 מימרא דיהוה יסיעיניה בחיוהי ויתגלי ליה על שיווי מרעיה לאחאותיה״#1#״ כל משכביה אפכתא בעידן מרעיה ואכסנתיה׃
Ps 41:5 אנא אמרית יהוה חוס עלי אסי נפשי מטול״ארום#1#״ דחבית קדמך׃
Ps 41:6 בעלי דבבי יימרון ביש עלי אימתי ימות ויובד״ייבד#1#״ שמיה׃
Ps 41:7 ואין״וכד אתא למקבל אפי שקרא ימליל ברעיוניה יכנוף עילא ליה יפוק לשוקא ימליל׃
Ps 41:8 כחדא עלי ממללין בחשאי כל סנאי עלי חשלין בישתא לי׃
Ps 41:9 ממלל טלומא \״ורשיע#1#״ יתיך ביה ויימר דין דמרע לא יוסיף למיקם׃
Ps 41:10 אוף גבר דתבע שלומי דאיתרחצית עלוי מברי סעודתי איתרברב עלי לחכמא׃
Ps 41:11 ואנת״ואת#1#״ יהוה חוס עלי ואקימני ממרע ואפרע להום׃
Ps 41:12 בהדא ידעית ארום איתרעיית בי ארום לא איתגבר עלי בעיל דבבי לאבאשא׃
Ps 41:13 ואנא בשלמותי סעדתא בי ואוקימתני קדמך לעלמא׃