Targum, 1 Samuel, Chapter 16

1Sam 16:1 וַאְמַר יְיָ לִשְמוּאֵל עַד אִמַתִי אַת מִתאַבַל״מִתאַבֵיל#3#״ עַל״אל#3#״ שָאוּל וַאְנָא רַחֵיקתֵיה מִלְמִהוֵי מַלכָא עַל יִשרָאֵל מַלִי קַרנָך מִשחָא וְאֵיתַא אַשלְחִנָך״אישלחינכ#3#״ לְוָת יִשַי דְמִבֵית לַחַם אְרֵי גְלִי קֳדָמַי בִבנוֹהִי כָשַר קֳדָמַי לְמִהוֵי מַלכָא׃
1Sam 16:2 וַאְמַר שְמוּאֵל אֵיכְדֵין אִיזֵיל וְאִם יִשמַע שָאוּל יִקטְלִנַנִי וַאְמַר יְיָ עַגלַת תוֹרִין תִסַב בִידָך וְתֵימַר לְדַבָחָא קֳדָם יְיָ אְתֵיתִי׃
1Sam 16:3 וֻתזָמֵין לְיִשַי בְשֵירוּתָא וַאְנָא אְחַוֵינָך״איחוי לך#3#״ יָת דְתַעְבֵיד וְתִמשַח קֳדָמַי יָת דְאֵימַר לָך׃
1Sam 16:4 וַעְבַד שְמוּאֵל יָת דְמַלֵיל יְיָ וַאְתָא לְבֵית לָחַם וְאִתכְנִישוּ סָבֵי קַרתָא לְקַדָמוּתֵיה וַאְמַרוּ שְלָם מֵיתָך׃
1Sam 16:5 וַאְמַר שְלָם לְדַבָחָא קֳדָם יְיָ אְתֵיתִי אִזדָמַנוּ וְתֵיעְלוּן עִמִי בְשֵירוּתָא וְזָמֵין יָת יִשַי וְיָת בְנוֹהִי וֻקרָא לְהוֹן לְנִכסַת קֻדשַיָא׃
1Sam 16:6 וַהְוָה בְמֵיעַלהוֹן וַחְזָא יָת אְלִיאָב וַאְמַר בְרַם תָקֵין קֳדָם יְיָ מְשִיחֵיה׃
1Sam 16:7 וַאְמַר יְיָ לִשְמוּאֵל לָא תִסתַכַל״תסתכיל#3#״ בְחַזוֵיה״בחיזויה#3#״בחזיתיה#3#״ וֻברוּם קוֹמְתֵיה אְרֵי רַחֵיקתֵיה אְרֵי לָא כְמָא דְחָזַן בְנֵי אְנָשָא אְרֵי בְנֵי אְנָשָא חָזַן בְעֵינֵיהוֹן וֻקדַם יְיָ גַליָן מַחשְבָת לִבָא׃
1Sam 16:8 וֻקרָא יִשַי לַאְבִינָדָב וְאַעבְרֵיה קֳדָם שְמוּאֵל וַאְמַר אַף בְדֵין לָא רַעְוָא קֳדָם יְיָ׃
1Sam 16:9 וְאַעבַר יִשַי שַמָה וַאְמַר אַף בְדֵין לָא רַעְוָא קֳדָם יְיָ׃
1Sam 16:10 וְאַעבַר יִשַי שִבעָה בְנוֹהִי קֳדָם שְמוּאֵל לְיִשַי לָא רַעְוָא קֳדָם יְיָ בְאִלֵין׃
1Sam 16:11 וַאְמַר שְמוּאֵל לְיִשַי הַשְלִימוּ עוּלֵימַיָא וַאְמַר עוֹד אִשתְאַר זְעֵירָא וְהָא רָעֵי בְעָנָא וַאְמַר שְמוּאֵל לְיִשַי שְלַח וְאַיתֵינֵיה אְרֵי לָא נַסחַר עַד מֵיתוֹהִי הָכָא׃
1Sam 16:12 וֻשלַח וְאַיתְיֵיה וְהוּא״וְהָא#3#֗ סָמוֹק עֵינוֹהִי יָאְיָן וְשַפִיר בְרֵיוֵיה וַאְמַר יְיָ קוּם מְשַחהִי״מַשחֵיה#2#״ אְרֵי דֵין הוּא׃
1Sam 16:13 וֻנסֵיב שְמוּאֵל יָת קַרנָא דְמִשחָא וֻמשַח״ורבי#3#״ יָתֵיה״ית דוד#3#״ בְגוֹ אְחוֹהִי וֻשרָת רוּחַ גְבוּרָא״נְבוּאָה#3#״ מִן קֳדָם יְיָ עַל דָוִד מִן יוֹמָא הַהוּא וֻלעֵילָא וֻקָם שְמוּאֵל וַאְזַל לְרָמְתָא׃
1Sam 16:14 וְרוּחַ גְבוּרָא מִן קֳדָם יְיָ דַהְוָת עִם שָאוּל עְדָת מִנֵיה וֻמבַעְתָא לֵיה רוּחַ בִישָא מִן קֳדָם יְיָ׃
1Sam 16:15 וַאְמַרוּ עַבדֵי שָאוּל לֵיה הָא כְעַן רוּחַ בִישָא מִן קֳדָם יְיָ מְבַעְתָא לָך׃
1Sam 16:16 יֵימַר כְעַן רִבוֹנַנָא עַבדָך קֳדָמָך יִבעוֹן גֻברָא דְיָדַע לְנַגָנָא בְכִנָרָא וִיהֵי״והוה#3#״ כַד תִשרֵי עְלָך רוּחַ בִישָא מִן קֳדָם יְיָ וִינַגֵין בִידֵיה וְיִיטַב לָך׃
1Sam 16:17 וַאְמַר שָאוּל לְעַבדוֹהִי \חְזוֹ כְעַן ״בעו#3#״ לִי גֻברָא דְמוֹטֵיב״דְמֵיתִי#3#״דידע#3#״ לְנַגָנָא וְתַיתוֹנֵיה״וְתַיתֵינֵי#3#״ לְוָתִי״לִי#2#׃
1Sam 16:18 וַאְתֵיב חַד מֵעוּלֵימַיָא וַאְמַר הָא חְזֵיתִי בְרָא לְיִשַי דְמִבֵית לַחַם יָדַע לְנַגָנָא וְגִבָר חֵילָא וֻגבַר עָבֵיד קְרָבִין וְסֻכלְתָן בְעֵיצָא וְגֻברָא שַפִיר בְרֵיוֵיה וֻמֵימְרָא דַיְיָ בְסַעְדֵיה׃
1Sam 16:19 וֻשלַח שָאוּל אִזגַדִין לְוָת יִשַי וַאְמַר שַדַר״שלח#3#״ לִי יָת דָוִד בְרָך דִבעָנָא׃
1Sam 16:20 וֻנסֵיב יִשַי טְעוּן חְמָרָא לַחמָא״טעון דלחמא#3#״ וֻגרָב דַחְמַר וְגַדיָא בַר עִזֵי חַד וְשַדַר בְיַד דָוִד בְרֵיה לְוָת שָאוּל׃
1Sam 16:21 וַאְתָא דַוִד לְוָת שָאוּל וְשַמֵיש קֳדָמוֹהִי וְרַחְמֵיה לַחדָא וַהְוָה לֵיה נָטֵיל זֵינִין׃
1Sam 16:22 וֻשלַח שָאוּל לְוָת יִשַי לְמֵימַר יְשַמֵיש״יקום#3#״ כְעַן דָוִד קֳדָמַי אְרֵי אַשכַח רַחְמִין בְעֵינָי״קדמי#3#״׃
1Sam 16:23 וְהָוֵי״והוה#3#״ כַד שָריָא רוּחַ בִישָא מִן קֳדָם יְיָ עַל״לות#3#״ שָאוּל וְנָסֵיב דָוִד יָת כִנָרָא״כנורא#3#״ וֻמנַגֵין בִידֵיה וֻמִתרְוַח לְשָאוּל וְטָאֵיב לֵיה וֻמִסתַלְקָא מִנֵיה״מעלוהי#3#״ רוּחַ בִישָא׃