Previous
List
Gen 16:1 וְשָׂרַי אִתַּת אַבְרָם לָא יְלֵידַת לֵיהּ; וְלַהּ אַמְתָּא מִצְרֵיתָא וּשְׁמַהּ הָגָר.
Gen 16:2 וַאֲמַרַת שָׂרַי לְאַבְרָם הָא כְּעַן מַנְעַנִי יְיָ מִלְּמֵילַד--עוֹל כְּעַן לְוָת אַמְתִּי מָאִם אֶתְבְּנֵי מִנַּהּ; וְקַבֵּיל אַבְרָם לְמֵימַר שָׂרָי.
Gen 16:3 וּדְבַרַת שָׂרַי אִתַּת אַבְרָם יָת הָגָר מִצְרֵיתָא אַמְתַּהּ מִסּוֹף עֲסַר שְׁנִין לְמִתַּב אַבְרָם בְּאַרְעָא דִּכְנָעַן; וִיהַבַת יָתַהּ לְאַבְרָם בַּעְלַהּ לֵיהּ לְאִתּוּ.
Gen 16:4 וְעָאל לְוָת הָגָר וְעַדִּיאַת; וַחֲזָת אֲרֵי עַדִּיאַת וְקַלַת רִבּוֹנְתַהּ בְּעֵינַהָא.
Gen 16:5 וַאֲמַרַת שָׂרַי לְאַבְרָם דִּין לִי עֲלָךְ--אֲנָא יְהַבִית אַמְתִּי לָךְ וַחֲזָת אֲרֵי עַדִּיאַת וְקַלִית בְּעֵינַהָא; יְדִין יְיָ בֵּינָא וּבֵינָךְ.
Gen 16:6 וַאֲמַר אַבְרָם לְשָׂרַי הָא אַמְתִּיךְ בִּידִיךְ--עֲבִידִי לַהּ דְּתָקֵין בְּעֵינַכִי; וְעַנִּיתַהּ שָׂרַי וַעֲרַקַת מִן קֳדָמַהָא.
Gen 16:7 וְאַשְׁכְּחַהּ מַלְאֲכָא דַּייָ עַל עֵינָא דְּמַיָּא--בְּמַדְבְּרָא: עַל עֵינָא בְּאוֹרְחָא דְּחַגְרָא.
Gen 16:8 וַאֲמַר הָגָר אַמְתַּהּ דְּשָׂרַי מְנָן אַתְּ אָתְיָא--וּלְאָן אַתְּ אָזְלָא; וַאֲמַרַת--מִן קֳדָם שָׂרַי רִבּוֹנְתִי אֲנָא עָרְקָא.
Gen 16:9 וַאֲמַר לַהּ מַלְאֲכָא דַּייָ תּוּבִי לְוָת רִבּוֹנְתִיךְ וְאִשְׁתַּעֲבִידִי תְּחוֹת יְדַהָא.
Gen 16:10 וַאֲמַר לַהּ מַלְאֲכָא דַּייָ אַסְגָּאָה אַסְגֵּי יָת בְּנַכִי וְלָא יִתְמְנוֹן מִסְּגֵי.
Gen 16:11 וַאֲמַר לַהּ מַלְאֲכָא דַּייָ הָא אַתְּ מְעַדְּיָא וּתְלִידִין בַּר וְתִקְרַן שְׁמֵיהּ יִשְׁמָעֵאל אֲרֵי קַבֵּיל יְיָ צְלוֹתִיךְ.
Gen 16:12 וְהוּא יְהֵי מָרוֹד בַּאֲנָשָׁא--הוּא יְהֵי צְרִיךְ לְכוֹלָא וְאַף אֲנָשָׁא יְהוֹן צְרִיכִין לֵיהּ; וְעַל אַפֵּי כָּל אֲחוֹהִי יִשְׁרֵי.
Gen 16:13 וְצַלִּיאַת בִּשְׁמָא דַּייָ דְּאִתְמַלַּל עִמַּהּ אֲמַרַת אַתְּ הוּא אֱלָהָא חָזֵי כּוֹלָא: אֲרֵי אֲמַרַת אַף אֲנָא שָׁרִיתִי חָזְיָא--בָּתַר דְּאִתְגְּלִי לִי.
Gen 16:14 עַל כֵּין קְרָא לְבֵירָא בֵּירָא דְּמַלְאַךְ קַיָּמָא אִתַּחְזִי עֲלַהּ--הָא הִיא בֵּין רְקַם וּבֵין חַגְרָא.
Gen 16:15 וִילֵידַת הָגָר לְאַבְרָם בַּר; וּקְרָא אַבְרָם שׁוֹם בְּרֵיהּ דִּילֵידַת הָגָר יִשְׁמָעֵאל.
Gen 16:16 וְאַבְרָם בַּר תְּמָנַן וְשֵׁית שְׁנִין כַּד יְלֵידַת הָגָר יָת יִשְׁמָעֵאל לְאַבְרָם. {ס}
Gen 16:2 וַאֲמַרַת שָׂרַי לְאַבְרָם הָא כְּעַן מַנְעַנִי יְיָ מִלְּמֵילַד--עוֹל כְּעַן לְוָת אַמְתִּי מָאִם אֶתְבְּנֵי מִנַּהּ; וְקַבֵּיל אַבְרָם לְמֵימַר שָׂרָי.
Gen 16:3 וּדְבַרַת שָׂרַי אִתַּת אַבְרָם יָת הָגָר מִצְרֵיתָא אַמְתַּהּ מִסּוֹף עֲסַר שְׁנִין לְמִתַּב אַבְרָם בְּאַרְעָא דִּכְנָעַן; וִיהַבַת יָתַהּ לְאַבְרָם בַּעְלַהּ לֵיהּ לְאִתּוּ.
Gen 16:4 וְעָאל לְוָת הָגָר וְעַדִּיאַת; וַחֲזָת אֲרֵי עַדִּיאַת וְקַלַת רִבּוֹנְתַהּ בְּעֵינַהָא.
Gen 16:5 וַאֲמַרַת שָׂרַי לְאַבְרָם דִּין לִי עֲלָךְ--אֲנָא יְהַבִית אַמְתִּי לָךְ וַחֲזָת אֲרֵי עַדִּיאַת וְקַלִית בְּעֵינַהָא; יְדִין יְיָ בֵּינָא וּבֵינָךְ.
Gen 16:6 וַאֲמַר אַבְרָם לְשָׂרַי הָא אַמְתִּיךְ בִּידִיךְ--עֲבִידִי לַהּ דְּתָקֵין בְּעֵינַכִי; וְעַנִּיתַהּ שָׂרַי וַעֲרַקַת מִן קֳדָמַהָא.
Gen 16:7 וְאַשְׁכְּחַהּ מַלְאֲכָא דַּייָ עַל עֵינָא דְּמַיָּא--בְּמַדְבְּרָא: עַל עֵינָא בְּאוֹרְחָא דְּחַגְרָא.
Gen 16:8 וַאֲמַר הָגָר אַמְתַּהּ דְּשָׂרַי מְנָן אַתְּ אָתְיָא--וּלְאָן אַתְּ אָזְלָא; וַאֲמַרַת--מִן קֳדָם שָׂרַי רִבּוֹנְתִי אֲנָא עָרְקָא.
Gen 16:9 וַאֲמַר לַהּ מַלְאֲכָא דַּייָ תּוּבִי לְוָת רִבּוֹנְתִיךְ וְאִשְׁתַּעֲבִידִי תְּחוֹת יְדַהָא.
Gen 16:10 וַאֲמַר לַהּ מַלְאֲכָא דַּייָ אַסְגָּאָה אַסְגֵּי יָת בְּנַכִי וְלָא יִתְמְנוֹן מִסְּגֵי.
Gen 16:11 וַאֲמַר לַהּ מַלְאֲכָא דַּייָ הָא אַתְּ מְעַדְּיָא וּתְלִידִין בַּר וְתִקְרַן שְׁמֵיהּ יִשְׁמָעֵאל אֲרֵי קַבֵּיל יְיָ צְלוֹתִיךְ.
Gen 16:12 וְהוּא יְהֵי מָרוֹד בַּאֲנָשָׁא--הוּא יְהֵי צְרִיךְ לְכוֹלָא וְאַף אֲנָשָׁא יְהוֹן צְרִיכִין לֵיהּ; וְעַל אַפֵּי כָּל אֲחוֹהִי יִשְׁרֵי.
Gen 16:13 וְצַלִּיאַת בִּשְׁמָא דַּייָ דְּאִתְמַלַּל עִמַּהּ אֲמַרַת אַתְּ הוּא אֱלָהָא חָזֵי כּוֹלָא: אֲרֵי אֲמַרַת אַף אֲנָא שָׁרִיתִי חָזְיָא--בָּתַר דְּאִתְגְּלִי לִי.
Gen 16:14 עַל כֵּין קְרָא לְבֵירָא בֵּירָא דְּמַלְאַךְ קַיָּמָא אִתַּחְזִי עֲלַהּ--הָא הִיא בֵּין רְקַם וּבֵין חַגְרָא.
Gen 16:15 וִילֵידַת הָגָר לְאַבְרָם בַּר; וּקְרָא אַבְרָם שׁוֹם בְּרֵיהּ דִּילֵידַת הָגָר יִשְׁמָעֵאל.
Gen 16:16 וְאַבְרָם בַּר תְּמָנַן וְשֵׁית שְׁנִין כַּד יְלֵידַת הָגָר יָת יִשְׁמָעֵאל לְאַבְרָם. {ס}