Messengers from John the Baptist
Mat 11:1  et factum est cum consummasset Iesus praecipiens duodecim discipulis suis transiit inde ut doceret et praedicaret in civitatibus eorum
Mat 11:2  Iohannes autem cum audisset in vinculis opera Christi mittens duos de discipulis suis
Mat 11:3  ait illi tu es qui venturus es an alium expectamus
Mat 11:4  et respondens Iesus ait illis euntes renuntiate Iohanni quae auditis et videtis
Mat 11:5  caeci vident claudi ambulant leprosi mundantur surdi audiunt mortui resurgunt pauperes evangelizantur
Mat 11:6  et beatus est qui non fuerit scandalizatus in me
Mat 11:7  illis autem abeuntibus coepit Iesus dicere ad turbas de Iohanne quid existis in desertum videre harundinem vento agitatam
Mat 11:8  sed quid existis videre hominem mollibus vestitum ecce qui mollibus vestiuntur in domibus regum sunt
Mat 11:9  sed quid existis videre prophetam etiam dico vobis et plus quam prophetam
Mat 11:10  hic enim est de quo scriptum est ecce ego mitto angelum meum ante faciem tuam qui praeparabit viam tuam ante te
Mat 11:11  amen dico vobis non surrexit inter natos mulierum maior Iohanne Baptista qui autem minor est in regno caelorum maior est illo
Mat 11:12  a diebus autem Iohannis Baptistae usque nunc regnum caelorum vim patitur et violenti rapiunt illud
Mat 11:13  omnes enim prophetae et lex usque ad Iohannem prophetaverunt
Mat 11:14  et si vultis recipere ipse est Helias qui venturus est
Mat 11:15  qui habet aures audiendi audiat
Mat 11:16  cui autem similem aestimabo generationem istam similis est pueris sedentibus in foro qui clamantes coaequalibus
Mat 11:17  dicunt cecinimus vobis et non saltastis lamentavimus et non planxistis
Mat 11:18  venit enim Iohannes neque manducans neque bibens et dicunt daemonium habet
Mat 11:19  venit Filius hominis manducans et bibens et dicunt ecce homo vorax et potator vini publicanorum et peccatorum amicus et iustificata est sapientia a filiis suis
Woe to Unrepentant Cities
Mat 11:20  tunc coepit exprobrare civitatibus in quibus factae sunt plurimae virtutes eius quia non egissent paenitentiam
Mat 11:21  vae tibi Corazain vae tibi Bethsaida quia si in Tyro et Sidone factae essent virtutes quae factae sunt in vobis olim in cilicio et cinere paenitentiam egissent
Mat 11:22  verumtamen dico vobis Tyro et Sidoni remissius erit in die iudicii quam vobis
Mat 11:23  et tu Capharnaum numquid usque in caelum exaltaberis usque in infernum descendes quia si in Sodomis factae fuissent virtutes quae factae sunt in te forte mansissent usque in hunc diem
Mat 11:24  verumtamen dico vobis quia terrae Sodomorum remissius erit in die iudicii quam tibi
Come to Me, and I Will Give You Rest
Mat 11:25  in illo tempore respondens Iesus dixit confiteor tibi Pater Domine caeli et terrae quia abscondisti haec a sapientibus et prudentibus et revelasti ea parvulis
Mat 11:26  ita Pater quoniam sic fuit placitum ante te
Mat 11:27  omnia mihi tradita sunt a Patre meo et nemo novit Filium nisi Pater neque Patrem quis novit nisi Filius et cui voluerit Filius revelare
Mat 11:28  venite ad me omnes qui laboratis et onerati estis et ego reficiam vos
Mat 11:29  tollite iugum meum super vos et discite a me quia mitis sum et humilis corde et invenietis requiem animabus vestris
Mat 11:30  iugum enim meum suave est et onus meum leve est